2 WAZURI 1:10 - Biblia Ilagho Jiboie Kwa Wandu Wose

¹⁰ Elija ukamtumbulia uja m'baa wa wandu mirongo misanu, “Ikakaia ne mundu wa Mlungu, modo ndeghusee kufuma mlungunyi ghukumerie chiaimweri na wandu wako mirongo misanu.” Modo ghukasea kufuma mlungunyi ghukammeria chiaimweri na awo wandu wake mirongo misanu.

2 WAZURI 1:10 Խաչաձեւ Հղումներ

1 WAZURI 22:28

Mikaia ukaghamba, “Kawona kwawuya kwa sere, BWANA ndeghorie nani anduangi.” Ukachuria kughamba, “Sikirenyi mmbose seji naghamba.”

2 WAZURI 1:11

Mzuri ukaduma sena m'baa umu chiaimweri na wandu mirongo misanu. Ukajoka na kumzera, “Ee mundu wa Mlungu, kwazerwa ni mzuri kusee shwa-shwa.”

2 MALAGHO GHA NGELO 36:16

Ela wikakaia wikiwiseka wadumwa wa Mlungu kwa lumenyo, wikamenya malagho ghake na walodi wake; hata BWANA ukajokwa ni machu nandighi aighu ya wandu wake, na wutesia ghungi ghukasoweka.

AYUBU 1:16

Nao ukighora woruwu, mdumwa umu ukacha ukighamba, “Lukuwa lwasea lukakora ng'ondi na wadumiki, lukawimeria putu; nani naafufunuka ini moni niekeri nichekughoria.”

ZABURI 105:15

Ukighamba, “Msewiadade Wasaghulwa wapo, msakewibonya walodi wapo ilagho jingi.”

ZABURI 106:18

Modo ghukabuka aghadi ya wanughi wawo, ghukawikora awo wandu wawiwi.

DANIELI 3:22

Idana kwa kukaia momu ghwa mzuri ghorekoghe ghubirie, na modo ghwa ijo iwiwi kukaia ghubirie nandighi, lumu lwa ugho modo lukawibwagha waja wandu werewiwadieghe Shadraka, na Meshaki, na Abednego.

DANIELI 3:25

Nao ukawizera, “Ela naawuyawona wandu bana wifungulo, nawo waawuyasela andenyi ya modo wisewonagha ilagho jingi! Na fwana ya uo mundu wa kana ooka sa awo wana wa milungu.”

DANIELI 6:24

Mzuri ukafunya momu waja wandu weremshitakieghe Danieli wiredo na kukumbwa andenyi ya kizimba cha shimba; awo, na wana wawo, na waka wawo; Imbiri wisevikie kondonyi kizimbenyi, shimba rikawiwada na kuchikanya maindi ghawo.

WALAWI 10:2

Niko modo ghukasea kufuma kwa BWANA, ghukawikora wikafwa imbiri ya BWANA.

MITALO 11:1

Nao wandu wikazoya kumzughunukia BWANA kwa wundu ghwa wasi ghwawo. Hata iji BWANA oresikireghe, ukajokwa ni machu, na kubonya modo ghuake aghadi kwawo; nagho ghukalungura andu kumu kambinyi.

MITALO 16:35

Na modo ghukafuma kwa BWANA, ghukawikora awo wandu maghana awi na mirongo misanu werekoghe wikifukira marumba.

MATHAYO 21:41

Wikamtumbulia, “Uchawitirira na kuwibwagha; na mbuwa ya mizabibu uchaipangisha wazima, awo wichaadima kumpatira makuwido gha zabibu kwa kimu charo.”

LUKA 9:54

Wanughi wake, Jakobo na Johane wiendawona agho, wikamzera, “Bwana, kwakunde dilombe modo kufuma mlungunyi ghuwikore?”

MABONYO GHA WADUMI 12:19

Herode ukafunya momu ulolo, ela ndeweremmbonieghe anduangi. Nao uendawikotiakotia waja walindiri, ukafunya momu wibwagho. Konyuma ukasea Kaisaria kufuma Judea, ukakaia aho.

WAEBRANIA 12:29

angu Mlungu odu, ni modo ghubirie, ghulunguragha.

WUFUNUO 11:5

Na ngera mndungi wakunda kuwibonya ilagho jingi, modo ghwafuma memunyi kwawo na kuwisaghisa wamaiza wawo, na mndungi uchaakunda kuwibonya ilagho jingi, uchabwaghwa kwa iyo chia.