2 TIMOTHEO 4:3 - Biblia Ilagho Jiboie Kwa Wandu Wose

³ Angu matuku ghichacha ngelo wandu wisechaaghirumiria mafundisho gha loli, ela wikikaia wikunde kusikira malagho kunughana na bea rawo reni, wichakukwanyira weni walimu, awo wichaawineka mafundisho agho wighikunde;

2 TIMOTHEO 4:3 Խաչաձեւ Հղումներ

1 WAZURI 18:22

Niko Elija ukawizera wandu, “Ni ini moni niekeri nasigharika mlodi wa BWANA, ela walodi wa Baali weko maghana ana na mirongo misanu.

1 WAZURI 22:18

Niko Ahabu ukamzera Jehoshafati, “Sikughorieghe kukaia uhu ndeniloderagha mecha, ela mawiwi?”

1 WAZURI 22:8

Ahabu ukamzera Jehoshafati, “Wasigharika mundu umweri okotia, nao ni Mikaia mwana wa Imla; ela wadanizamia angu jingi usenilodiagha mecha, ela wadanilodera mawiwi toe.” Jehoshafati ukaghamba, “Ii hata, kuseghore huwo.”

KUFUMA 32:33

Ela BWANA ukamtumbulia Musa, “Uo ose unibonyere kaung'a, nuo nichaamuinja irina jake jifume chuonyi chapo.

ISAYA 28:12

Nao wamnekie inyo mmbose kuhora na raha, ela mkalegha kumsikira.

ISAYA 30:10

na kuwizera awo wiwonagha, “Msewone;” na walodi, “Mselode malagho gha loli, ela modeghoragha agho gha ighu-ighu, na kudilodera tee.

JEREMIA 18:18

Niko awo wandu wikaghamba, “Choonyi dibonye njama aighu ya Jeremia, kwa kukaia na jingi sharia ndeichakaia isefunywaghwa ni wakohani, na njama nderichakaia risefumagha kwa wandu wa akili, na ilagho ja Mlungu ndejichaalekwa kughorwa ni walodi. Choonyi dimghorie malagho ghemsima, disewuesikiria malagho ghangi ghake.”

JEREMIA 27:9

Kwa huwo msakewisikiria awo walodi, angu wawoni mawono gha maza richagha, angu walodi ndodo, angu waghori na pepo retambua maza richagha, angu walaghui; awo wimzeragha wei ndemchaamdumikia mzuri wa Babuloni kungi.

JEREMIA 29:8

Angu ini BWANA wa majeshi, uo Mlungu wa Israeli naghamba huwu, Msesighe walodi wenyu, na wandu wenyu wetambua pepo wiko aghadi konyu wimkalie, hata msakesikira ndodo rawo wilodagha;

JEREMIA 5:31

Walodi wawuyaloda tee, na wakohani waawuyabonya nguma kwa wulongozi ghwa awo walodi; wandu wapo nawo weekunda maza rikaie woruwo, ela, mchabonya wada ngelo ra kutua?”

MIKA 2:11

“Wandu awa weekunda mlodi umaraa-mara na tee na mikalo ukiwizera, ‘Inyo mchulwa ni divei na chofi.’

LUKA 20:19

Walimu wa Sharia na wakohani wabaa weremanyireghe angu Jesu oreghorieghe mfwano ugho kwa wundu ghwawo, wikakunda kummbwada ija ngelo cheni, ela werewiobueghe wandu.

LUKA 6:26

Ni bugha konyu iji wandu wamkuma angu niko koni weke wawa wawo werebonyereghe kwa walodi wa tee.

JOHANE 8:45

Ela angu ini nawuyamghoria loli, niko msewuerumiria.

MABONYO GHA WADUMI 17:21

Angu Waathene wose, na wandu wa kighenyi werekoghe wikikaia aho, ndewibonyagha kazi ingi zima, ela kughora na kusikiria maza mbishi.

1 WAKORINTHO 2:1

Iji nerechieghe konyu wanidu, ngimchilia ngasu ya Mlungu, seretumieghe malagho gha ndighi angu gha hikima anduangi.

1 WAKORINTHO 2:4

Madedo ghapo na kuchila kwapo ndekorekoghe kwa hikima eshingira wandu anduangi; ela korekoghe kowonyera kwa Roho, na kwa kudima.

WAGALATIA 4:16

Naawuya ngakaia m'maiza onyu sena kwa kumghoria ija loli?

1 TIMOTHEO 1:10

na walaki; womi wilakagha na womi, waiwi wandu, watee, na waghemi wa tee, chiaimweri na maza zima rose risewadanagha na mafundisho gha loli;

2 TIMOTHEO 1:13

Nugha mfwano ghwa malagho gha loli, agho koreghisikireghe kwapo, kwa irumirio na lukundo luko andenyi ya Kristo Jesu.

JUDA 1:18

Weremghorieghe huwu, “Ngelo ya kutua mbai, kuchakaia na wandu wisekagha, winughagha bea rawo reni risewadie kuobua kwa Mlungu.”