2 TIMOTHEO 3:3 - Biblia Ilagho Jiboie Kwa Wandu Wose

³ wisene wughoma; wichakaia wa machu, wizighiriagha, walaki, wibirie, wizamilwagha ni nicha,

2 TIMOTHEO 3:3 Խաչաձեւ Հղումներ

KUZOYA 49:7

Machu ghawo ndeghiwasiro njowe angu gherekoghe mabaa, na lubio lwawo wori angu luko na wutukutu. Nichawiwaghanya andenyi ya Jakobo, na kuwisaghisa andenyi ya Israeli.

ZABURI 15:4

Wadammenya mundu mmbiwi, na kuwineka ishima awo wimuobuagha BWANA; ukalaghira, ndeghalukagha putu, hata ngera uvavirika.

ZABURI 22:6

Ela ini ne mng'ori, se mdamu ungi anduangi; niasekwa na kumenywa ni wandu.

ISAYA 53:3

Oremenyeroghe na kuleghwa ni wandu, mundu wa wasi uichi kutirirwa, na sa mundu useko ozighanwa ni wandu, oremenyeroghe, hata wandu ndeweremtalieghe kukaia kindo chingi anduangi.

ISAYA 60:14

Wana wa womi wa awo wandu werekukorongieghe, wichacha na kukughoghomia; na wose werekumenyereghe, wichakughoghomia hata maghunyi kwako; wichakuwanga, ‘Muzi ghwa BWANA, Jerusalemu muzi ghwa Mlungu Mweli wa Israeli.’

DANIELI 8:23

Kutua kwa kubonya nguma kwawo, iji wabonyi wuwiwi wichaakatisha wuwiwi ghwawo, uchawuka mzuri umu ubirie uichi ndawi.

MATHAYO 10:21

“Mundu uchamfunya mruna ubwagho, na ndee mwana uchamfunya mwana wake, wana wichawighalukia wavi wawo na kuwifunya wibwagho.

MATHAYO 4:1

Nao Roho ukamghenja Jesu cha kireti, upate kutimwa ni Ibilisi.

LUKA 10:16

Nao Jesu ukawizera wanughi wake, “Uo umsikiragha inyo, uanisikira ini, na uo umleghagha inyo, uanilegha ini, na uo unileghagha ini, uamlegha uo orenidumieghe.”

LUKA 16:14

Nao iji Mafarisayo wereghisikireghe agho, nawo ni wandu wikundagha mali, wikamseka kwa lumenyo.

JOHANE 6:70

Jesu ukawitumbulia, “Welee, si ini moni neremsaghueghe inyo ikumi na wawi? Ela sena umu onyu ni Mmbiwi!”

WAROMA 1:29

Wikachulwa ni kula mbari ya wuwiwi; lubando, choyo, na kukita. Wachue iriso, kubwagha, kurashana, wukalo, kuzamiana; na kudedana.

WAROMA 1:31

wikelie, wiserumirikiagha, wang'eti, wichue kinyanya.

1 WAKORINTHO 7:5

Msakeimana mmbeni na mmbeni, isaakaia ngera moorumiriana kubonya huwo kwa ngelo; eri mpate wulalo ghokufunya kwa kulomba Mlungu, nyuma yaro mmburiane sena; Shetani usechepata wulalo ghomtima kwa kusowa kukumazira.

1 WAKORINTHO 7:9

Ela wikalemwa ni kukumazira weni, ni nicha wilowuo. Angu ni baa kulowua kuchumba kuaka modo kwa bea.

1 WATHESALONIKE 4:8

Kwa huwu mndungi ukamenya agha malagho, ndemmenyagha mdamu anduangi, ela uammenya Mlungu; uo umnekagha inyo Roho wake Mweli.

1 TIMOTHEO 3:11

Waka wori suti wikaie wa loli, wisekaie wezighiria, ela wikaie wikumaziragha weni, wiko waloli kwa maza rose.

TITO 1:8

Ela ukaie mundu okaribisha wandu, ukundagha kubonya nicha, ukubonyeragha nguma moni, mundu wa hachi, uelie, ukumaziriagha moni.

TITO 2:3

Kuwilaghire wakeku wokoni wikaie na tabia ra ishima; wisakekaia wazighirii, angu wazumba wa chofi. Wifundishe agho ghiko mecha,

JAKOBO 2:6

Ela inyo mwamsowia ishima uo mkiwa. Welee, awandu weni wiko na mali siwo weni wawuyamkoronga, wikimmbwada na kumghenja kotinyi?

2 PETRO 2:14

Weko na meso ghichue wulaki, nawo ndewikunde kutana na kaung'a. Wakalia wandu wanyonge; ngolo rawo rakufundishire kukaia na lwafuo; ni wandu wiwadilo ni njowe putu.

2 PETRO 2:19

Wawilaghira wuhuru, ngelo awo weni wiko wuzumbenyi ghwa wuwiwi; angu icho chose chimsimagha mundu, chadammbika wuzumbenyi.

2 PETRO 3:3

Ilagho ja imbiri, suti mtambukilo kukaia matuku gha kutua mbai, wandu wisekagha kwa lumenyo wichacha wikiseka kwa kunugha bea rawo weni,

JUDA 1:16

Wandu awa ni wezughunuka, ndewikatwagha, winughagha bea rawo reni, widedagha malagho mabaa gha kukukasa, na kusesea-sesea wandu, wikupatire weni fwaida.

JUDA 1:18

Weremghorieghe huwu, “Ngelo ya kutua mbai, kuchakaia na wandu wisekagha, winughagha bea rawo reni risewadie kuobua kwa Mlungu.”

WUFUNUO 13:15

Ikarumirilwa iifurie miruke iyo fwana etaswa ya iyo nyamandu, eri idime kudeda, na kuwibonya awo wandu wileghagha kuitasa iyo fwana wibwagho.

WUFUNUO 13:17

eri mndungi useghuo hata kuuza usewadie iyo alama; na alama iyo ni irina jake iyo nyamandu, angu mtalo ghwa irina jake.

WUFUNUO 16:6

Kwa kukaia wandu weredirieghe bagha ya waeli na walodi, na oho kwawineka bagha winyo. Ni malipo ghawo!”

WUFUNUO 17:6

Nani neremmbonieghe uo muka uwongerelo ni bagha ya waeli, na ya wandu werebwaghiloghe kwa wundu ghwa kumshuhudia Jesu. Hata iji neremmbonieghe, ngashinika na ndighi.