2 SAMUELI 23:21 - Biblia Ilagho Jiboie Kwa Wandu Wose

²¹ Sena ukam'bwagha Mmisri umu ughokie uko na ndighi, orekoghe na ifumu mkonunyi kwake, ela Benaia ukamseria na mzata; ukamsoka ifumu jake na kum'bwagha uja Mmisri na ifumu jake jeni.

2 SAMUELI 23:21 Խաչաձեւ Հղումներ

2 SAMUELI 23:20

Na Benaia mwana wa Jehoiada orekoghe ing'oni ja Kabseeli, m'bonyi wa maza mbaa. Orebwaghieghe mang'oni awi gha Moabu. Wokoni orengirieghe kinenyi chiko na shimba andenyi; ukaibwagha ngelo theluji ereserieghe.

2 SAMUELI 23:22

Agha nigho malagho gherebonyeroghe ni Benaia mwana wa Jehoiada, ukakupatira irina aghadi ya ghaja mang'oni mirongo idadu.

1 MALAGHO GHA NGELO 11:23

Wokoni orem'bwaghieghe Mmisri umu, uko na mumbi m'baa; wulacha ghwa meta iwi. Uo Mmisri orekoghe na ifumu wajiwadia mkonunyi kwake sa mudi gholuka, Benaia oremserieghe na rungu, ukamsoka ijo ifumu ukam'bwagha na ifumu jake jeni.

WAKOLOSAI 2:15

Nao ukawisoka ndighi rawo awo wabaa wa ndighi ra kira, na pepo ribonyagha nguma, ukawibonya wiwoneke worinyi kukaia si kilambo chingi; ukizuma aighu yawo kwa ugho msalaba.

1 SAMUELI 17:51

Nao Daudi ukakimbia na iseghe, ukajoka aighu ya uja Mfilisti, ukalukua lufu lwake ukam'bwagha na kudumbua chongo chake na ulo lufu. Wafilisti wiendawona kukaia ing'oni jawo jafwa, wikakimbia.