2 SAMUELI 18:28 - Biblia Ilagho Jiboie Kwa Wandu Wose

²⁸ Nao Ahimaazi ukakaia kimusi imbiri ya mzuri, ukamzera, “Ghose ghakaia nicha.” Ukaghoghoma hata ukadunga chongo chake andonyi, ukaghamba, “BWANA Mlungu wako ndekaso, uo wawifunya noko awo wandu werekoghe wamaiza wa bwana wapo mzuri.”

2 SAMUELI 18:28 Խաչաձեւ Հղումներ

KUZOYA 14:20

Mlungu ndekaso Uo-Uko-Aighu-Nandighi, uo orekunekieghe wusimi kwa wamaiza wako.” Nao Abramu ukamneka ifungu ja ikumi ja ivo vose orekoghe navo.

KUZOYA 24:27

ukighamba, “Ndekaso BWANA Mlungu wa bwana wapo Abrahamu, angu useliwie lukundo, na wuloli ghwake kwa bwana wapo.”

2 SAMUELI 1:2

Ituku ja kadadu, mndumu ukacha kufuma kambinyi ya Sauli, wameria kurashua nguwo rake na kukudunga ndoe chongonyi kwake kuwonyera wasi. Hata iji wacha kwa Daudi, ukaghwa na kudunga chongo chake andonyi kwa ishima.

2 SAMUELI 14:4

Uja muka wa Tekoa uendavika kwa mzuri, ukaghwa kiwushu-wushu na kudunga chongo chake andonyi kwa ishima, ukamzera mzuri, “Nitesie ee mzuri.”

2 SAMUELI 22:27

Kwadakuwonyera kumoni kukaia mweli kwa uo ukueleshagha moni, na kwa uo uzamie kwadakuwonyera kumoni kukaia mtangali.

2 MALAGHO GHA NGELO 20:26

Ituku ja kana wikakwana Vololo ya Beraka angu weremkasireghe BWANA aho; kwa huwo andu aho kwawangwa Vololo ya Beraka hata linu.

ZABURI 115:1

Disakenekwa wubaa ee BWANA, isi disakenekwa; ela oho kuneko wubaa, kwa wundu ghwa lukundo lwako lukatie, na wuloli ghwako.

ZABURI 124:6

BWANA ndekaso, uo userewisighieghe wamaiza wedu widitoteshe.

ZABURI 31:8

hata ndekunisighie nisimo ni wamaiza wapo, kwanibonya nighende nicha.

KUFUMA 18:10

na kughamba, “Bwana ndekaso, uo oremkirieghe na mkonu ghwa Wamisri na ghwa Farao.

1 SAMUELI 17:46

Idime jeni iji, BWANA uchakungira mikonunyi kwapo, nani nichakubwagha na kudumbua chongo chako; nani nicharineka nyonyi ra mbeonyi gharia ra mimbi ya majeshi gha Wafilisti idime, chiaimweri na nyamandu ra isakenyi riko ndoenyi; na ndoenyi kose wandu wichamanya kukaia, oko Mlungu andenyi ya Israeli;

1 SAMUELI 24:18

Na idime kwawonyera seji kunibonyere nicha kwa kuleghanibwagha ingelo BWANA uningirieghe mikonunyi kwako.

1 SAMUELI 25:23

Nao iji Abigaili wammbona Daudi, ukasea shwa-shwa kufuma pundenyi, na kughwa imbiri ya Daudi kiwushu-wushu, ukadunga wushu ghwake andonyi.

1 SAMUELI 26:8

Nao Abishai ukamzera Daudi, “Linu niko Mlungu wamngira m'maiza wako mikonunyi kwako; idana leka nimdunge na ifumu hata jiide na ndonyi indo jimweri tu, siwuriagha ja kawi.”