2 SAMUELI 17:11 - Biblia Ilagho Jiboie Kwa Wandu Wose

¹¹ Kwa huwo mawoni ghapo ni agha, Waisraeli wose wikwanyike chiaimweri a kwako, kufuma Dani hata Beer-sheba, wengi sa msangagha ghwa baharinyi, na oho kumoni kughendanye nawo wudenyi.

2 SAMUELI 17:11 Խաչաձեւ Հղումներ

KUZOYA 13:16

Nichakuneka kivalwa kingi sa teri ya ndoenyi, na ichakaia iji mndungi uchaadima kutala teri iko ndoenyi, niko uchaadima kutala kivalwa chako.

KUZOYA 21:14

Abrahamu ukawuka nakesho kio, ukawusa mkate na kiriba cha machi ukamneka Hagari ukichiwikiria maweghenyi kwake, andwamweri na mwana wake, ukammbinga wighende. Hagari ukaghenda, ukazoya kumara-mara andenyi ya kireti cha Beer-sheba.

KUZOYA 22:17

nichakurasimia nandighi, nani nichachichuria kivalwa chako sa wungi ghwa nyerinyeri ra mlungunyi, na sa msangagha ghuko mbai-mbai ya bahari, na kivalwa chako chichawisima wamaiza wawo.

2 SAMUELI 12:28

Idana kwanya wandu wose wisigharikie chiaimweri, kubonye kambi na kughumara ugho muzi hata kughuwade; nisecheghuwada ghuchewangwa kwa irina japo.”

2 SAMUELI 24:2

Niko mzuri ukamzera Joabu, uo orekoghe m'baa wa majeshi, ukighamba, “Ghenda chiaimweri na wabaa wamu wa majeshi kwa vichuku vose va Israeli kufuma Dani hata Beer-sheba kuwitale awo wandu nipate kumanya mtalo ghwawo.”

2 SAMUELI 3:10

gheghalua ughu wuzuri na kughufunya nyumbenyi kwa Sauli, na kuchimangisha kifumbi cha nguma cha Daudi aighu ya Israeli na aighu ya Juda kufuma Dani hata Beer-sheba.”

1 WAZURI 20:10

Ben-hadadi ukaduma kwa mzuri wa Israeli ukighamba, “Milungu inibwaghe ngakaia niseredie ijeshi ibaa hata muzi ghwa Samaria ghulemo ni kuwikata.”

1 WAZURI 4:20

Wandu wa Juda na wa Israeli werekoghe wengi sa msangagha ghwa baharinyi; wikaja na kunywa wikiboilwa.

ZABURI 9:16

BWANA wakumanyishire moni kwa kutanya kwake kwa hachi, wawiwi wawadwa ni mabonyo ghawo gheni.

JOSHUA 11:4

Wikacha na masikari ghawo ghose, ijeshi ibaa ja wandu wengi na ndighi sa msangagha ghwa baharinyi wiko na farasi na magare mengi.

WATANYI 20:1

Niko wandu wa Israeli wose wikafuma sa mundu umweri kufuma Dani hata Beer-sheba, chiaimweri na isanga ja Gileadi; ijo izungu jikakwanyika imbiri ya BWANA aho Mispa.

1 SAMUELI 13:5

Nao Wafilisti wikakwanyika na kukuwika tayari kulwa na Waisraeli. Werekoghe na magare elfu mirongo idadu, na wajoki farasi elfu irandadu, na masikari mazima wengi sa msangagha ghwa baharinyi. Wikajoka na kubonya kambi yawo aja Mikmashi, mashariki ya Beth-aveni.

1 SAMUELI 3:20

Na Waisraeli wose kufuma Dani hata Beer-sheba wikamanya kukaia Samueli wamerie kuwikwa ukaie mlodi wa BWANA.