2 SAMUELI 17:10 - Biblia Ilagho Jiboie Kwa Wandu Wose

¹⁰ Niko hata umundu wako uko ing'oni sa shimba uchafwa ngolo na kuobua; kwa kukaia wandu wa Israeli wose wamwichi ndeyo kukaia ing'oni, na wandu wake ni wandu wa ndighi.

2 SAMUELI 17:10 Խաչաձեւ Հղումներ

KUZOYA 49:9

Juda mwanwapo, kooka sa mwana wa shimba, wawuya kufuma kubwaghenyi madiwo ghake. Kukalala na kukughorua andonyi sa shimba, karakara na shimba ya waka, nani udimagha kukuwusira?

2 SAMUELI 1:23

“Sauli na Jonathani werekoghe wakundwa wikundikie ndewitane jingi kufuma wiko moyo hata kifwa. Werekoghe wiangue kuchumba indu, werekoghe na ndighi kuchumba shimba.

2 SAMUELI 17:9

Yadimika hata idana wakuvisa andenyi ya kina chimu angu andu kumu kuzima. Kwa huwo ukafuma na kuwikaba ifungu ja imbiri ja masikari ghako, aho kula mundu uchaasikira agho malagho uchaghamba, ‘Awandu wisindemnugha Absalomu wabwaghwa.’

2 SAMUELI 23:20

Na Benaia mwana wa Jehoiada orekoghe ing'oni ja Kabseeli, m'bonyi wa maza mbaa. Orebwaghieghe mang'oni awi gha Moabu. Wokoni orengirieghe kinenyi chiko na shimba andenyi; ukaibwagha ngelo theluji ereserieghe.

ZABURI 89:19

Kala, koreghorieghe na wadumiki wako wa loli kwa mawono kukaghamba: “Namteserie mndumu uko ing'oni ja wuda; namjosere mndumu nimsaghue kufuma kwa wandu.

KUFUMA 15:15

Idana wabaa wa Edomu wichangilwa ni kiture, vilongozi va Moabu vawadwa ni kusughusika. Awo wose wikaiagha Kanaani wateweleka.

MAKATANISHO 28:1

Wandu wizamie wadakimbia, hata ngera ndewiwuewingwa ni mndungi; ela wandu wa hachi weko na wuwana sa ghwa shimba.

LUMBO 3:7

Ni Solomoni uchagha wadukwa aighu ya kifumbi chake cha nguma, wawuyalindilwa ni masikari mirongo irandadu; masikari wiboie kuchumba wa Israeli.

ISAYA 13:7

Mikonu ya kula mundu ichateweleka, na ngolo ya kula mundu ichasagha machi;

ISAYA 19:1

Agha nigho malagho aighu ya Misri, ola BWANA uacha Misri naiseghe wajoka aighu iwingunyi. Milimu ya Misri ichasughusika imbiri kwake, na wandu wa Misri wichafwa ngolo.

EZEKIELI 21:15

Luchaawibonya wandu wengi kufwa ngolo, na kughwa mbengenyi rawo rose. Naredie lufu luakaa-aka, looka sa luhehia, luzughulo lobwagha wandu.

WUKUMBUSO 1:28

Dijoka cha hao? Wanidu wadibwagha ngolo wikighamba, awo wandu ni wabaa, sena ni walacha kudichumba, mizi nayo ni mibaa iko na ngome riaghilo na kuvika mawingunyi; sena dawiwonie Waanaki aho.’

WAEBRANIA 11:34

wikarimisha medo ibirie, wikafufunuka wisebwagho kwa lufu, wikapata ndighi nyuma ya kusilwa kwawo, wikawuya mang'oni wudenyi, wikawinga majeshi gha kighenyi.

1 SAMUELI 16:18

Mndumu wa irika ukaghamba, “Ola nammbona mwana wa Jese M'bethlehemu, uichi kukaba kinubi loli loli; mundu uko ing'oni, uichi kulwa wuda, uichi kudeda kwa hikima; ni mundu ughokie, na BWANA oko andwamweri nao.”

1 SAMUELI 18:17

Niko Sauli ukamzera Daudi, “Mwai wapo m'baa Merabu hoyu; nichakuneka kumlowuo iji kwakaia ing'oni na kuniluya wuda ghwa BWANA.” Kwa kukaia Sauli oregheshereghe, “Isekaie wei ni ini nam'bwagha, ela ubwagho ni Wafilisti.”