2 SAMUELI 13:37 - Biblia Ilagho Jiboie Kwa Wandu Wose

³⁷ Ela Absalomu ukakimbia na kughenda kwa Talmai mwana wa Amihudi mzuri wa Geshuri. Daudi ukamlilia mwana wake Amnoni kwa matuku mengi.

2 SAMUELI 13:37 Խաչաձեւ Հղումներ

2 SAMUELI 13:34

Ela Absalomu ukakimbia. Nao uja mdawana orelindiagha mbenge, ukawona wandu wengi wikicha kufuma chia ya Horonaimu iko aluwarunyi lwa mghondi; ukamghoria mzuri.

2 SAMUELI 13:36

Nao usendeemeria kughora, wana wa mzuri wikacha wikazoya kulila; na mzuri wokoni ukalila chiaimweri na wadumiki wake; wikalila kwa luwawo lubaa.

2 SAMUELI 14:13

Uja muka ukaghamba, “Kwaki sena oho kubonyere mpango ghuko huwo aighu ya wandu wa Mlungu? Angu sa iji koni mzuri watanya waakutanya moni kwa kuleghawunja uja mwana wake moni uhamie muzi.

2 SAMUELI 14:23

Joabu ukawuka ukaghenda Geshuri, ukamreda Absalomu Jerusalemu.

2 SAMUELI 14:32

Absalomu ukatumbulia, “Ni angu nerekudumirieghe momu kuche kwapo kukalegha. Neekunda kuendemkotia mzuri sababu ya ini kucha kufuma Geshuri? Si baa nerekaiagha ahoeni? Idana nighenje kwa mzuri nimmbone; na ukawona wuwiwi ghungi kwapo unibwaghe.”

2 SAMUELI 15:8

Kwa kukaia ini mdumiki wako nerebonyereghe ighemi iji nerekoghe ngikaia Geshuri aja Aramu, ngighamba, ‘BWANA ukaniwunja Jerusalemu, nichamtasa.’”

2 SAMUELI 3:3

mwana wake wa kawi, ni Kileabu orevaloghe ni Abigaili mka mkiwa wa Nabali wa muzi ghwa Karmeli; na wa kadadu ni Absalomu; mae orewangwaghwa Maaka mwai wa Talmai mzuri wa Geshuri;

1 MALAGHO GHA NGELO 3:2

wa kadadu ni Absalomu, uo mae orewangwagha Maaka mwai wa Talmai, mzuri wa Geshuri; wa kana ni Adonija, uo mae orewangwagha Hagithi;