2 SAMUELI 11:11 - Biblia Ilagho Jiboie Kwa Wandu Wose

¹¹ Uria ukamzera Daudi, “Sanduku ya Ilaghano na wandu wa Israeli na wa Juda wose waawuyalala a viwandenyi, na bwana wapo Joabu na wabaa wose wa bwana wapo weeka kambinyi a mlambenyi. Welee, nidima wada kughenda nyumbenyi kuja na kunywa na kulala na muka wapo? Sa iji koni kukaiagha moyo, na roho yako ikaiagha moyo, ini sichaabonya ilagho ijo anduangi.”

2 SAMUELI 11:11 Խաչաձեւ Հղումներ

2 SAMUELI 11:10

Wandu wikamghoria Daudi, “Uria ndelale nyumbenyi kwake.” Nao Daudi ukamzera Uria, “Nechi wei koofuma charonyi, kwaki kuselale nyumbenyi kwako?”

2 SAMUELI 14:19

Mzuri ukakotia, “Ela huwu ndekukwanye na Joabu andenyi ya agha malagho ghose?” Uja muka ukatumbulia, “Kwa loli bwana wapo mzuri seji kuko moyo, mndungi ndedimagha kukupila aighu ya agho malagho kwakotia. Ni mdumiki wako Joabu moni ubonyere ihi mipango; na nuo moni unifundishire kughora agha malagho ini mdumiki wako.

2 SAMUELI 20:6

Daudi ukamzera Abishai, “Kumanye Sheba mwana wa Bikri uchadiredia wasi kuchumba Absalomu. Idana wada wandu wapo kumnughe, usechengia andenyi ya ngome rimu ra muzi na kudilaghaya.”

2 SAMUELI 7:2

Niko mzuri ukamzera mlodi Nathani, “Wona ini naawuyakaia andenyi ya nyumba iaghilo kwa midi ya sida, na Sanduku ya BWANA yaawuyakaia hemenyi!”

2 SAMUELI 7:6

Jingi sekaia andenyi ya nyumba kufuma nafunya wandu wa Israeli Misri hata idime. Ini nedeeka ngikaia hemenyi iji nerekoghe ngimara-mara.

MITALO 32:6

Ela Musa ukawizera kivalwa cha Gadi na cha Reubeni, “Wanyinyu wighende wudenyii, nao inyo msigharike aeni aha?

JOHANE 13:14

Ikakaia ini Bwana na Mwalimu onyu namuoghosha maghu ghenyu, yamfwana na inyo wori kuoghoshana maghu mmbeni na mmbeni.

2 TIMOTHEO 2:12

Dikarumaghia, dichabonya nguma andwamweri nao wori. Dikamlegha, nao moni uchadilegha.

1 SAMUELI 1:26

Nao Hana ukaghamba, “Ee bwana wapo, sa iji koni kukaiagha moyo bwana wapo, ini ne uja muka nerekaieghe kimusi aha imbiri kwako ngimlomba BWANA;

1 SAMUELI 14:18

Sauli ukamzera Ahija, “Reda Sanduku ya Mlungu aha.” Kwa kukaia iyo ngelo Sanduku ya Mlungu erekoghe ikikaia kwa wandu wa Israeli.

1 SAMUELI 17:55

Nao iji Sauli wammbona Daudi ukimghendia Goliathi, ukamzera Abneri uo orekoghe m'baa wa majeshi, “Abneri, aka kamdawana-lee ni kani?” Abneri ukatumbulia, “Sa iji roho yako iko moyo ee mzuri, simanyire.”

1 SAMUELI 20:3

Ela Daudi ukatumbulia, “Ndeyo waichi putu kukaia oho dakundane, nao waawuyaririkanya kukaia Jonathani ukamanya ilagho iji, uchakaia na wasi. Ela kughora loli, naghema kwako kwa irina ja BWANA uko moyo, naasighwa mlambo ghumweri tu aghadi yapo na kifwa.”

1 SAMUELI 25:26

Idana bwana wapo, sa iji BWANA ukaiagha moyo, na sa iji koni roho yako ikaiagha moyo, nawona kukaia BWANA wakughiria kusebonye kiwiwi chedia bagha, hata kulipia kisasi chingi kwa mkonu ghwako ghoni. Kwa huwo, awo wamaiza wako, na wose wikundagha kukubonya kiwiwi, ndewikabo sa Nabali.

1 SAMUELI 4:4

Niko wikaduma wandu kufuma aho, wikaireda kufuma Shilo Sanduku ya Ilaghano ja BWANA wa majeshi, uo ukaiagha ghadi na ghadi ya fwana ra makerubi ghighorue mawawa aighu ya iyo Sanduku; wana wawi wa Eli, Hofni na Finehasi, wikaireda iyo Sanduku.