2 JOHANE 1:9 - Biblia Ilagho Jiboie Kwa Wandu Wose

⁹ Mndungi ughendagha imbiri kuseko na mafundisho gha Kristo, ndewadie Mlungu; uo ukaiagha kwa agho mafundisho, oko na uja Aba andwamweri na uja Mwana wori.

2 JOHANE 1:9 Խաչաձեւ Հղումներ

MATHAYO 11:27

Aba waninekie vilambo vose. Hata ndekuwadie ungi ummanyagha Mwana ela Aba, sena ndekuwadie mndungi ummanyagha Aba ela Mwana, na uo ose Mwana uchaakunda kumfunukuya.

LUKA 10:22

Nanekelo vilambo vose ni Aba; hata ndekuwadie mndungi ummanyagha Mwana nani, ela Aba moni, sena mndungi ndemmanyagha Aba nani, ela Mwana moni, na uo ose Mwana uchaamsaghua umfunukuye.”

JOHANE 14:6

Jesu ukamtumbulia, “Ini nuo Chia, na Loli, na Irangi; mndungi ndedimagha kucha kwa Aba useidirie kwapo.

JOHANE 15:6

Mndungi usekaiagha andenyi kwapo, wadadaghwa shighadi sa lumbashu, nao waoma. Mbashu sa iro radasholwa rikumbo modonyi na kukorwa.

JOHANE 5:23

wose wipate kum'bonyera ishima Mwana, sa iji koni wim'bonyeragha ishima uja Aba wori. Uhu usem'bonyeragha uja Mwana ishima, ndem'bonyeragha ishima uja Aba oremdumieghe wori.

JOHANE 8:31

Jesu ukawizera waja Wayahudi weremrumirieghe, “Mkaghiwadia mafundisho ghapo, mchakaia wanughi wapo loli,

MABONYO GHA WADUMI 2:42

Wikafunga ndighi kughiwadia mafundisho gha wadumi, na kukaia na wungara, chiaimweri na kughuchikanya mkate, na kulomba Mlungu.

WAKOLOSAI 3:16

Ilagho ja Kristo ndejikaie andenyi konyu kwa wungi, mkifundishana na kuwonyerana mmbeni na mmbeni kwa hikima yose. Mkibora zaburi, na chumbo, na chumbo ra kiroho; mkimfunyira Mlungu chawucha ngolonyi konyu.

TITO 2:10

hata kuiwa-iwa, ela wiwonyere seji wiko waloli putu, eri wipate kwa maza rose kughirudia ishima mafundisho gha Mlungu Mkiri odu.

WAEBRANIA 3:14

Angu deko wangara wa Kristo, ikakaia damazira hata kutua kuja kurumiria kodu kwa imbiri, ingelo ighorwagha,

WAEBRANIA 6:1

Kwa huwo, ndedighende imbiri, divikie kukaia wandu wikatie; dikisigha agho mafundisho gha imbiri gha Kristo. Diseaghe msingi sena ghorihea kazi rifue, na ghwa irumirio kwa Mlungu,

1 JOHANE 1:3

Ijo Ilagho dijiwonie na kujisikira, damchilia inyo wori, eri mpate kukaia na wungara nesi. Na wungara ghodu, ni andwamweri na uja Aba, na Mwana wake Jesu Kristo.

3 JOHANE 1:9

Najiandikie ikanisa malagho ghamu, ela Diotrefe uo ukundagha kukuwika moni imbiri, ndewuerumiria wulongozi ghwapo anduangi.