2 JOHANE 1:4 - Biblia Ilagho Jiboie Kwa Wandu Wose

⁴ Nereboiloghe nandighi kuwikua wana wako wamu wikiinugha ija loli, seji koni dilaghirilo ni uja Aba.

2 JOHANE 1:4 Խաչաձեւ Հղումներ

HOSEA 14:9

Awo wiko na hikima ndewitambukilo ni agho ghiandikilo na aha, wighingire ngolonyi. Chia ra BWANA ni ra loli, na wandu wa hachi wichadua kwa kurinugha iro; wakaung'a wichakuwa na kughwa kwa kulegharinugha.

MALAKI 2:6

Wikafundisha mafundisho gha loli, hata si agho ghiseko gha loli. Wikakaia wecha kwapo, na kutesia wandu kusigha mawiwi.

1 WAKORINTHO 13:6

hata ndeluboilwagha ni kiwiwi; ela lwadaboilwa ni mecha.

WAGALATIA 2:14

Ela iji nerewonieghe angu ndewereghendieghe nicha karakara na loli ya Ilagho Jiboie, neremzerieghe Kefa imbiri ya wose, “Oho ko Myahudi, elaima korekoghe kukikaia sa mundu wa mbari zima, hata si sa Myahudi anduangi; kwadima wada kuwilazimisha wandu wa mbari zima wikaie sa Wayahudi?”

WAEFESO 5:2

Nenyo mghende kwa lukundo, sa iji koni Kristo oredikundieghe, na kukufunya moni kwa wundu ghodu, ukaie ifunyo na kizongona cha marumba mecha kwa Mlungu.

WAEFESO 5:8

angu aho imbiri morekoghe kirenyi, ela idana moko mwengerenyi andenyi ya Bwana; ghendenyi sa wana wa mwengere;

WAFILIPI 4:10

Ini naboilwa nandighi andenyi ya Bwana, kwa kuwona seji nyuma ya matuku mengi, mwazoya sena kulola chia renitesia; loli morekoghe na maghesho aighu yapo, ela modesowa wulalo.

1 JOHANE 2:6

Uo ughambagha wei wadakaia andenyi ya Mlungu, yamfwana kughenda seji koni Jesu Kristo oreghendieghe.