1 WAZURI 8:6 - Biblia Ilagho Jiboie Kwa Wandu Wose

⁶ Niko wakohani wikaingira iyo Sanduku ya Ilaghano andu kwaro aho Andu kwa Wueli Kuchumbie, nandonyi ya mawawa gha agho makerubi.

1 WAZURI 8:6 Խաչաձեւ Հղումներ

2 SAMUELI 6:17

Wikaireda Sanduku ya BWANA na kuingira hemenyi iyo Daudi oreidungieghe kwa wundu ghwaro, wikaiwika andu kwaro. Daudi ukamfunyira BWANA vizongona vekora na vizongona va mapatano.

2 SAMUELI 6:2

Ukajokanya na wandu wose werekwanyeghe nao kufuma Baal-Juda; wipate kuireda Sanduku ya Ilaghano ja BWANA, iyo iwangilo kwa irina ja BWANA wa majeshi, uo ukaiagha kidombo kifumbinyi cha nguma aighu ya makerubi.

1 WAZURI 6:16

Sena ukaagha chumba cha nandenyi nanyuma ya Hekalu cha meta ikenda, kwa kutumia mbau ra sida kufuma sakafu hata darinyi, nacho chawangwa Andu kwa Wueli Kuchumbie.

1 WAZURI 6:19

Nanyuma ya Hekalu nandenyi Solomoni oreaghieghe chumba chewika iyo Sanduku ya Ilaghano ja BWANA.

1 WAZURI 6:27

Solomoni ukariwika iro fwana ra makerubi andenyi ya Andu kwa Wueli Kuchumbie, eri mawawa ghawo ghighorokie ghiadadane ghadi na ghadi, na kutuonyi kwa mawawa ghawo, ghiadade wurigha ghwa chumba ii chia na ii chia.

1 WAZURI 8:3

Vilongozi vose va Israeli wiendacha, wakohani wikaiduka iyo Sanduku,

1 WAZURI 8:4

wikaireda Hekalunyi. Wokoni Walawi na wakohani wikaiduka Hema Ekwania chiaimweri na vilambo varo, wikavireda andenyi ya Hekalu.

1 WAZURI 8:7

Makerubi ghereghorueghe mawawa ghawo naighu ya iyo Sanduku na midi yaro eiduka.

1 MALAGHO GHA NGELO 22:19

Idana mumlole BWANA Mlungu onyu kwa ngolo renyu na akili renyu rose. Zoyenyi kumuaghia BWANA Mlungu Andu kwa Wueli, eri Sanduku ya Ilaghano ja BWANA na vilambo va wueli va Mlungu vipate kungirwa Hekalunyi iaghilo kwa wundu ghomtasiragha.”

2 MALAGHO GHA NGELO 5:7

Kwa huwo wakohani wikaireda iyo Sanduku ya Ilaghano ja BWANA andu kwaro, andenyi ya andu kuelie kwa hekalu, aho Andu kwa Wueli Kuchumbie; wikaiwika aisi ya mawawa gha makerubi.

ZABURI 80:1

Sikira ee Mlisha wa Israeli, oho kughenjagha kivalwa cha Josefu sa ng'ondi. Oho kukaiagha aighu ya kifumbi cha nguma naighu ya makerubi,

ZABURI 80:2

kuwonyere kumoni imbiri ya kichuku cha Efraimu, na Benjamini, na Manase. Wonyera ndighi rako, kuche na kudikire.

ZABURI 99:1

BWANA ni mzuri, wandu ndewisughusike! Wasea kidombo kifumbinyi cha nguma naighu ya makerubi, ndoe ndeizingizike!

KUFUMA 37:9

Agho makerubi ghikaghorua mawawa ghawo ghikilangayana aighu ya icho kifuniko, na kuchibonyera kiju; mawushu ghawo ghikizighana icho kifuniko.

ISAYA 37:16

“Ee BWANA wa majeshi, Mlungu wa Israeli, kukaiagha aighu ya kifumbi cha nguma naighu ya makerubi; ni oho kuekeri Mlungu kuko aighu ya mawuzuri ghose gha ndoenyi, na ni oho kuumbie mlungunyi na ndoenyi.

EZEKIELI 10:5

Lwaka lwa mawawa gha makerubi loresikiroghe hata waza ya shighadi, sa lwaka lwa Mlungu Uo-Uwadie-Ndighi-Rose ingelo wakadeda.

EZEKIELI 41:4

Ukapima icho chumba wulacha ghwaro na wushapa ghwaro ghukakatana, meta ikumi kwa ikumi; nacho cherekoghe naimbiri ya chumba kibaa cha ghadi. Nao ukanizera, “Aha ni Andu kwa Wueli Kuchumbie.”

1 SAMUELI 4:4

Niko wikaduma wandu kufuma aho, wikaireda kufuma Shilo Sanduku ya Ilaghano ja BWANA wa majeshi, uo ukaiagha ghadi na ghadi ya fwana ra makerubi ghighorue mawawa aighu ya iyo Sanduku; wana wawi wa Eli, Hofni na Finehasi, wikaireda iyo Sanduku.