1 WAZURI 4:20 - Biblia Ilagho Jiboie Kwa Wandu Wose

²⁰ Wandu wa Juda na wa Israeli werekoghe wengi sa msangagha ghwa baharinyi; wikaja na kunywa wikiboilwa.

1 WAZURI 4:20 Խաչաձեւ Հղումներ

KUZOYA 13:16

Nichakuneka kivalwa kingi sa teri ya ndoenyi, na ichakaia iji mndungi uchaadima kutala teri iko ndoenyi, niko uchaadima kutala kivalwa chako.

KUZOYA 15:5

BWANA ukamfunya shighadi ukamzera, “Zighana cha mlungunyi kuwone ngera kwadima kuritala nyerinyeri.” Nao ukaghamba, “Huwu niko kivalwa chako chichaakaia.”

KUZOYA 22:17

nichakurasimia nandighi, nani nichachichuria kivalwa chako sa wungi ghwa nyerinyeri ra mlungunyi, na sa msangagha ghuko mbai-mbai ya bahari, na kivalwa chako chichawisima wamaiza wawo.

KUZOYA 32:12

Na oho korenilaghirieghe kukaia kuchanibonyera nicha na kuchichuria kivalwa chapo chikaie sa wungi ghwa msangagha ghwa baharinyi, chisetalikagha kwa wungi ghwaro.”

1 WAZURI 3:8

Na ini mdumiki wako neko aghadi ya wandu wako korewisaghueghe; wandu wengi wisetalikagha.

1 WAZURI 4:29

Mlungu ukamneka Solomoni hikima na kumanya kubaa, na akili nyingi risepimikagha.

1 WAZURI 5:9

Wadumiki wapo wichaireda kufuma Lebanoni hata baharinyi, nani nichaifunga chiaimweri ikaie mario gheidambisha kwa chia ya baharinyi andu uko kose kuchaaghora; aho nichaitasanya eri kuiduke. Ini neekunda tu kuneke wandu wapo vindo.”

2 WAZURI 18:31

Msemsikire Hezekia; kwa kukaia mzuri wa Ashuru wamzera huwu, ‘Bonyenyi sere nani mkufunye, niko kula umu onyu uchaaja mzabibu ghwake na mtini ghwake, na kunywa machi kufuma mtunginyi ghwake;

1 MALAGHO GHA NGELO 12:39

Wikakanya na Daudi aho kwa matuku adadu, wikija na kunywa vindo viboisiro ni waruna werekoghe aho.

1 MALAGHO GHA NGELO 22:9

Ola kuvailwa mwana, nao uchakaia mundu wa sere. Nichamneka kukaia na sere na wamaiza wako mbai mbai kose na uo moni uchawangwa Solomoni; na ngelo ya matuku ghake, nichawineka Waisraeli kukaia na sere na kuhora.

AYUBU 1:18

Ukighora woruwu, mdumwa umu ukacha ukighamba, “Wana wako wa womi na wa waka wekoghe wikija karamu nyumbenyi kwa mruna m'baa;

MAKATANISHO 14:28

Mzuri wadakaswa iji uko na wandu wengi; kamanya wiseko, ndeufwanagha.

MCHILI 2:24

Ndekuwadie ilagho jingi jiboie kwa mundu jichumbagha kuja na kunywa na kuboilwanya na kazi rake. Ijo najo neewona jadafuma kwa Mlungu.

ISAYA 22:13

Ela wulalo ghwaro morekoghe na iseko na kuboilwa, mkibwagha njau na ng'ondi na kuja nyama na kunywa divei mkighamba, “Ndedije na kunywa angu kesho diafwa.”

MIKA 4:4

Kula mundu uchakaia na sere aisi ya mzabibu na mtini ghwake, hata ndekuwadie mndungi uchaamuobosha; angu BWANA Uwadie-Ndighi-Rose walaghira.

ZEKARIA 3:10

Ituku ijo jikavika, kula mundu onyu uchamkaribisha mmbao wikaie aisi ya mzabibu ghwake na aisi ya mtini ghwake wikiboilwa kwa kukaia weko na sere na wulindiri.”

ZEKARIA 9:15

BWANA Uwadie-Ndighi-Rose uchawilindia wandu wake, nawo wichawitotesha wamaiza wawo; wichakema wudenyi sa wawongeri, nawo wichawibwagha wamaiza wawo, bagha yawo ichadika sa ya vizongona yadilwa madhabahunyi.

MABONYO GHA WADUMI 2:46

Na ituku ituku werekoghe wikingia Hekalunyi, na kughuchikanya mkate nyumbenyi kwawo, wikija vindo kwa kuboilwa na ngolo rielie,

1 SAMUELI 30:16

Nao iji Daudi waghenjwa ukawikua waja wandu wasasarika isangenyi kose, wikija na kunywa na kuvina kwa wundu ghwa ivo vilambo vingi wavidwa wunyika kufuma isanga ja Wafilisti, na isanga ja Juda.