1 WAZURI 3:6 - Biblia Ilagho Jiboie Kwa Wandu Wose

⁶ Solomoni ukaghamba, “Oho kwamerie kuwonyera lukundo lubaa lukatie kwa mdumiki wako aba Daudi, angu orekoghe ukighenda imbiri kwako kwa wuloli, na hachi, na kwa ngolo yose. Niko kukam'bonyera ulo lukundo lubaa, kukamneka mwana wa womi upate kuchiseria kifumbi chake cha nguma idime.

1 WAZURI 3:6 Խաչաձեւ Հղումներ

KUZOYA 24:40

Nao ukaghamba, ‘Uo BWANA unighenjagha, uchamduma malaika wake ukirie imbiri kwako kukuboisira chia, na oho kuchampatira mwana wapo muka kufuma kwa kivalwa chapo, na kwa nyumba ya aba.

2 SAMUELI 22:21

“BWANA oreninekieghe kara kara na mabonyo ghapo gha hachi, ukanilipa angu niserebonyereghe ikosa jingi.

2 SAMUELI 22:25

Kwa huwo BWANA wanilipa karakara na mabonyo ghapo gha hachi, angu nisewadie ikosa jingi imbiri kwake.

2 SAMUELI 7:5

“Ghenda kumzere mdumiki wapo Daudi huwu, ‘BWANA waghamba welee; Kwadima kuniaghia nyumba nikaie andenyi?

1 WAZURI 1:48

na kutasa ukighamba, ‘Bwana, uo Mlungu wa Israeli ndekaso, uo wam'bonya umu wa kivalwa chapo kusea kidombo aighu ya kifumbi chapo cha nguma idime ngiwona.’”

1 WAZURI 15:5

BWANA orebonyereghe huwo, angu Daudi orebonyereghe hachi imbiri yake, hata ndereleghieghe kukatisha malaghiro ghake; ela ijo jeni orejibonyereghe kwa Uria Mhiti.

1 WAZURI 2:4

Kukamsikira, BWANA uchajimangisha ilaghiro ijo orenizerieghe kukaia, wana wapo wikalindia chia rawo na kughenda kwa wuloli imbiri kwake kwa ngolo rawo rose, na jingi sichaasowa mundu oseria kifumbi cha nguma andenyi ya Israeli.

1 WAZURI 3:14

Na ikakaia kuchanisikira, na kumaziria sharia na memu yapo, seji ndeyo Daudi oreghendieghe, niko nichaakuchuria matuku ghedua moyo ndoenyi.”

1 WAZURI 9:4

Na oho kukanidumikia kwa ngolo na wuloli sa ndeyo Daudi, na kubonya agho ghose nikulaghirie, kwa kuiwadia memu yapo na sharia rapo,

2 WAZURI 20:3

“Nakulomba idana kunikumbuke ee BWANA, seji nighendie kwa wuloli imbiri kwako kwa ngolo yose, ngibonya agho ghikuboiagha;” Hezekia ukalila nandighi.

2 MALAGHO GHA NGELO 1:8

Solomoni ukamzera Mlungu, “Oho kwam'bonyere aba Daudi lukundo lubaa lukatie, na ini kukanibonya mzuri wulalo ghwake.

ZABURI 116:7

Hora ee roho yapo; BWANA wakubonyere maza ndicha.

ZABURI 119:17

Kaia mucha kwapo ini mdumiki wako, nipate kukaia moyo na kujiwadia ilagho jako.

ZABURI 13:6

Nichakuboria BWANA, angu kwanibonyera maza ndicha.

ZABURI 15:2

Ni mundu useghendagha kisha, wadabonya ijo ja hachi, nao wadaghora loli kufuma ngolonyi kwake.

MITALO 12:7

Ela huwo siko kungi nibonyagha na mdumiki wapo Musa; uo wawikilo aighu ya nyumba yapo yose.

2 WAKORINTHO 9:11

Ucham'bonya mkaie na mali kwa kula chia, mdime kufunya kwa wungi, na wandu wichamfunyira Mlungu chawucha kwa wundu ghwa manosi wighipatagha kufuma kodu;

2 WAKORINTHO 9:5

Niko ngawona ni suti niwishashire awa wanidu wikirie, na kubonya mipango kiimbiri aighu ya ijo inosi mlaghirie; eri jiwiko nicha sa inosi jifunyiro kwa ngolo, hata si kwa kufungishwa ndighi anduangi.