1 WAZURI 19:4 - Biblia Ilagho Jiboie Kwa Wandu Wose

⁴ Ela uo ukaghenda charo cha ituku ilazi kireti. Ukasea kidombo aisi ya kiju cha mretemu, ukalomba kifwa kwa BWANA ukighamba, “Idana BWANA kazi yapo yakata; nalomba kujiinje irangi japo, kwa kukaia siboie kuwichumba weke aba anduangi.”

1 WAZURI 19:4 Խաչաձեւ Հղումներ

1 WAZURI 13:14

Ukamnugha uja mlodi; ukamkua wasea kidombo aisi ya mwaloni. Nao ukamkotia, “Welee, oho ko uja mlodi ufumie Juda?” Ukatumbulia, “Ee ni ini moni.”

1 WAZURI 19:3

Elija ukaobua, ukakimbia kujikira irangi jake; ukaghendanya na mdumiki wake hata Beer-sheba aho Juda ukamsigha aho.

1 WAZURI 19:5

Ukalala aisi ya mretemu; nao malaika wa BWANA ukacha ukamuadada ukammbusira ukighamba, “Wuka kuje.”

2 WAZURI 2:11

Hata iji werekoghe wikidedanya, igare ja modo jikurudulwagha ni farasi ra modo jikacha na kuwitanya; Elija ukadwalwa cha mlungunyi kwa mbeo ya kikulukulu.

AYUBU 6:8

“Ima loli Mlungu ndaninekagha icho nikunde, ukanitumbulia malombi ghapo ngapata icho nikunde;

AYUBU 6:9

kumangu yam'boia Mlungu kunifasha-fasha, na kughorua kwa mkonu ghwake unibwaghe.

JEREMIA 20:9

Ngaghamba, “Sichaamghora BWANA angu kughora kwa irina jake,” jiaghaluka ngolonyi kwapo seji ni modo ghuakagha, ghwarughilwa andenyi ya maindi ghapo; nani nalemwa ni kijighiria sidimagha kujikania.

AMOSI 6:2

Marenyi muzi ghwa Kalno mzighane mmbone; na kufuma aho mghende ghuja muzi m'baa ghwa Hamathi; sena muide msee hata Gathi, muzi ghwa Wafilisti. Welee, weko nicha kuchumba agha mawuzuri gha Juda na Israeli? Angu, weko na isanga ibaa kuchumba jenyu?

JONA 4:3

Kwa huwo idana nakulomba ee BWANA kuniinjire irangi japo angu ni baa nifo, kuchumba kukaia moyo.”

JONA 4:8

Iji iruwa jabuka, Mlungu ukareda mbeo ya mruke ifumagha cha mashariki, na Jona ukakabwa ni iruwa ja chongo hata ukadumbuka; ukalomba ufo ukaghamba, “Ni baa nifo, kuchumba kukaia moyo.”

NAHUMU 3:8

Kwani oho kwachumba Thebesi naki, ugho muzi m'baa ghwa Misri? Ghwamarilo ni machi chia rose; Moda ghwa Naili ghorekoghe kituwiro chake, na bahari ikakaia mwano ghwake.

MITALO 11:15

Ikakaia niko kunibonyagha huwu, baa koonibwagha shwa wori kamanya kuboilwagha ni ini, eri nisesinde wona wasi ghwapo.”

MATHAYO 6:26

Rizighanenyi nyonyi ra mbeonyi: nderiwagha, hata nderikuwidagha, hata nderiwadie nganya anduangi. Ela hata huwo saki, Ndeyo onyu uko mlungunyi wadarilisha. Welee, inyo ndemko wa zoghori kuchumba iro nyonyi anguwada?

JOHANE 4:6

Wokoni aho korekoghe na kisima cha Jakobo. Niko Jesu, angu wasilwa kwa wundu ghwa charo chake, ukasea kidombo kaavui na icho kisima; erekoghe ngera sa saa ya karandadu.

WAROMA 3:9

Da ni wada? Isi Wayahudi deko baa? Hata; hata kutini. Namerie kuwonyera kukaia wandu wose walemelo ni kaung'a, Wayahudi hata Wagriki wori;