1 WAZURI 19:3 - Biblia Ilagho Jiboie Kwa Wandu Wose

³ Elija ukaobua, ukakimbia kujikira irangi jake; ukaghendanya na mdumiki wake hata Beer-sheba aho Juda ukamsigha aho.

1 WAZURI 19:3 Խաչաձեւ Հղումներ

KUZOYA 21:14

Abrahamu ukawuka nakesho kio, ukawusa mkate na kiriba cha machi ukamneka Hagari ukichiwikiria maweghenyi kwake, andwamweri na mwana wake, ukammbinga wighende. Hagari ukaghenda, ukazoya kumara-mara andenyi ya kireti cha Beer-sheba.

KUZOYA 21:31

Niko andu aho kukawangwa Beer-sheba, angu aho niko wose wawi werebonyereghe mapatano kwa ighemi.

1 WAZURI 4:25

Matuku ghose Solomoni orekoghe moyo, wandu wa Israeli na Juda kufuma Dani hata Beer-sheba werekoghe banana; kula mundu ukakaia na mbuwa yake na mizabibu na tini.

KUFUMA 2:15

Nao iji Mzuri wasikira agho, ukalola kum'bwagha Musa. Ela Musa ukamkimbia Mzuri, ukaghenda na kukaia isanga ja Midiani, ukasea kidombo kaavui na kiriwa.

JEREMIA 20:9

Ngaghamba, “Sichaamghora BWANA angu kughora kwa irina jake,” jiaghaluka ngolonyi kwapo seji ni modo ghuakagha, ghwarughilwa andenyi ya maindi ghapo; nani nalemwa ni kijighiria sidimagha kujikania.

MATHAYO 26:56

Ela agha ghakaia eri Maandiko gha walodi ghikatie.” Niko wanughi wose wikamsigha wikakimbia.

2 WAKORINTHO 12:7

Sena eri nisekujose ighu kuchumba, kwa wundu ghwa wungi ghwa agho mafunuo, nerenekeloghe luwawo mumbinyi sa munjwa; mdumwa wa Shetani upate kunisumbua, eri nisechekujosa kuchumba.

1 SAMUELI 27:1

Daudi ukaghamba ngolonyi kwake, “Ituku jimu wanidu nibwaghwa ni Sauli. Ndekuwadie ilagho jingi izima jinitesiagha kuchumba kukimbia cha kwa Wafilisti; aho niko Sauli uchaakoja kuninugha andenyi ya isanga ja Israeli, nani nichakaia banana.”

1 SAMUELI 8:2

Mwana wake wa imbiri orewangwaghwa Joeli, na irina ja uja wa kawi Abija; wikakaia wikitanya aja Beer-sheba.