1 WAZURI 17:12 - Biblia Ilagho Jiboie Kwa Wandu Wose

¹² Uja muka ukamzera, “Naghema kwa BWANA Mlungu wako uko moyo siwadie mkate. Neeka na kamufu katini mkoponyi, na mavuda matini chupenyi; nawuyashoa iri mbande eri nibonye mkate, dije na mwana wapo diwonebwaghwa ni njala.”

1 WAZURI 17:12 Խաչաձեւ Հղումներ

KUZOYA 21:15

Hata iji machi ghameria kusia, ukamsigha mwana a kisachinyi.

KUZOYA 21:16

Nao moni ukaghenda na kusea kidombo kakula sa wukula ghwa kukumba iwanu, angu oreghambieghe, “Sikunde kuwona mwana ukifwa.” Nao iji orekoghe kidombo kulengana nao, uo mwana ukazoya kulila.

2 SAMUELI 15:21

Ela Itai ukamtumbulia mzuri, “Naghema kwa irina ja BWANA na ja mzuri andu bwana wapo mzuri uchaakaia, ngera ni kwa kifwa angu kudua moyo, aho niko na ini mdumiki wako nichaakaia wori.”

1 WAZURI 17:1

Mlodi uwangwaghwa Elija wa isanga ja Tishbi jiko Gileadi ukamzera Ahabu, “Kwa irina ja BWANA Mlungu wa Israeli ukaiagha moyo, uo Mlungu nimdumikiagha, vua ndeichaanya ndoenyi hata mami ghangi kuwoneka isaakaia kwa ilagho nichaajighora.”

1 WAZURI 17:11

Iji wawoka kughendaonda machi, Elija ukamzera, “Kunidwae na kamkate.”

1 WAZURI 17:13

Elija ukamzera, “Kusakeobua, ghenda kubonye sa iji koni kwaghamba; ela kuzoye kunibonyere ini kamkate katini kuniredie, ima konyuma kukubonyere oho na mwana wako.

JEREMIA 14:18

Ngaghenda noko cha mbuwenyi, niawona awo wibwaghilo wudenyi; ngawuya mzinyi, niawona awo wibwaghwaa ni njala. Walodi na wakohani wiabonya kazi rawo isangenyi, hata ndewimanyagha ilagho jingi anduangi.”

JEREMIA 4:2

kwadima kughema kwa irina japo, ‘Sa iji BWANA ukaiagha moyo,’ kwa wuloli, na kwa hachi, na kwa ngolo ya loli; na iro mbari ra wandu richanilomba irasimio na kunikasa ini.”

JEREMIA 5:2

Hata ngera wawuyaghema kwa irina ja BWANA wikighamba, “Sa iji BWANA ukaiagha moyo.” Ela sena wadaghema kwa tee.

KILILO CHA JEREMIA 4:9

Wandu wifue wudenyi weko baa kuchumba awo wicheefwa na njala mboa mboa kwa kusowa vindo vewikaisha moyo.

MATHAYO 26:7

muka umu ukacha na chupa ya alabasta iko na marumba gha zoghori mbaa, ukamdiria Jesu chongonyi kwake ukija vindo.

1 SAMUELI 14:39

Angu naghema kwa BWANA uko moyo, uo uwikiragha Israeli, hata eewoneka kwa mwana wapo Jonathani, kwa loli uchabwaghwa.” Ela ndekorekoghe na mndungi aghadi ya awo wandu oremtumbulieghe ilagho jingi anduangi.

1 SAMUELI 14:45

Niko wandu wikamzera Sauli, “Ado Jonathani uabwaghwa umoni wawiredia Israeli wusimi m'baa? Agho ghikaie kula putu! Sa iji BWANA ukaiagha moyo, ndekuwadie hata luwiriro lwa iridia jake luchaakulwa na kupotolwa andonyi, kwa kukaia Jonathani waateselwa ni Mlungu idime.” Nao wandu wikamvuvua Jonathani usebwagho.

1 SAMUELI 20:21

Niko aho nichaduma mwana uendelola agho mawanu. Ngamzera, ‘Nechi mawanu gheeka ulo luwaru loni kuko, ghishoo;’ aho kuchafuma, angu ndengwa ingi ndeiko.

1 SAMUELI 20:3

Ela Daudi ukatumbulia, “Ndeyo waichi putu kukaia oho dakundane, nao waawuyaririkanya kukaia Jonathani ukamanya ilagho iji, uchakaia na wasi. Ela kughora loli, naghema kwako kwa irina ja BWANA uko moyo, naasighwa mlambo ghumweri tu aghadi yapo na kifwa.”

1 SAMUELI 25:26

Idana bwana wapo, sa iji BWANA ukaiagha moyo, na sa iji koni roho yako ikaiagha moyo, nawona kukaia BWANA wakughiria kusebonye kiwiwi chedia bagha, hata kulipia kisasi chingi kwa mkonu ghwako ghoni. Kwa huwo, awo wamaiza wako, na wose wikundagha kukubonya kiwiwi, ndewikabo sa Nabali.

1 SAMUELI 26:10

Nao Daudi ukaghamba, “Sa iji BWANA ukaiagha moyo, uchamkaba moni, angu ituku jake jefwa jivika, angu kewada ungie wudenyi nao ufue aho.