1 WAZURI 16:8 - Biblia Ilagho Jiboie Kwa Wandu Wose

⁸ Mwaka ghwa mirongo iwi na irandadu ghwa kubonya nguma kwa Asa mzuri wa Juda, Ela mwana wa Baasha orewurieghe mzuri wa Israeli. Ukabonya nguma Tirza kwa miaka iwi.

1 WAZURI 16:8 Խաչաձեւ Հղումներ

1 WAZURI 15:16

Korekoghe na wuda aghadi ya Mzuri Asa wa Juda na Mzuri Baasha wa Israeli ngelo rose werekoghe wikibonya nguma.

1 WAZURI 15:33

Mwaka ghwa kadadu ghwa kubonya nguma kwa Asa mzuri wa Juda, Baasha mwana wa Ahija orewurieghe mzuri aighu ya Israeli yose. Ukabonya nguma Tirza kwa miaka mirongo iwi na inya.

1 WAZURI 16:15

Mwaka ghwa mirongo iwi na mfungade ghwa kubonya nguma kwa Asa mzuri wa Juda, Zimri orewurieghe mzuri wa Israeli; ukabonya nguma kwa matuku mfungade. Majeshi gha Israeli gherekoghe ghikirughaia Gibethoni muzi ghwa Wafilisti.

1 WAZURI 16:21

Wandu wa Israeli werekoghe wawaghika mafungu awi. Wamu wikamnugha Tibni mwana wa Ginathi wipate kum'bonya mzuri, na wamu wikamnugha Omri.

1 WAZURI 16:23

Mwaka ghwa mirongo idadu na imweri ghwa kubonya nguma kwa Asa mzuri wa Juda, Omri ukawuya mzuri wa Israeli. Ukabonya nguma kwa miaka ikumi na iwi. Orebonyereghe nguma Tirza kwa miaka irandadu.

1 WAZURI 16:6

Baasha ukafwa, ukarikwa aja Tirza; na mwana wake Ela ukabonya nguma wulalo ghwake.

1 WAZURI 16:7

BWANA oreghorieghe na mlodi Jehu mwana wa Hanani aighu ya Baasha na kivalwa chake, kwa wundu ghwa kaung'a oreribonyereghe imbiri ya BWANA. Ukam'bonya BWANA kujokwa ni machu kwa wundu ghwa kubonya kaung'a sa Jeroboamu, na wokoni kwa kuitotesha nyumba ya Jeroboamu.

1 WAZURI 16:9

Zimri, umu wa wabaa wake wa Serikali, uo orekoghe mzighaniri wa magare ghake, ukabonya sheshe aighu yake. Nao iji Ela orekoghe Tirza, ukinywa chofi nyumbenyi kwa Arza mzighaniri wa ngome ya mzuri.

2 WAZURI 15:14

Niko Menahemu mwana wa Gadi ukajoka kufuma Tirza, ukacha Samaria. Ukamkaba Shalumu mwana wa Jabeshi aja Samaria, ukam'bwagha; nao ukabonya nguma wulalo ghwake.

2 WAZURI 15:23

Mwaka ghwa mirongo misanu ghwa kubonya nguma kwa Uzia mzuri wa Juda, niko Pekahia mwana wa Menahemu orezoeghe kubonya nguma Israeli; ukabonya nguma Samaria kwa miaka iwi.

2 WAZURI 21:19

Amoni orekoghe mundu wa irika ja miaka mirongo iwi na iwi iji orezoyagha kubonya nguma. Ukabonya nguma Jerusalemu kwa miaka iwi. Mae orewangwagha Meshulemethi mwai wa Haruzi wa isanga ja Jotba.

MAKATANISHO 28:2

Mbari ikabonya kaung'a, yadakaia na wabonyi nguma wengi; ela ikakaia na vilongozi vimanyagha na kutambukilwa, ichadua imange kwa ngelo ndacha.