1 WAZURI 14:9 - Biblia Ilagho Jiboie Kwa Wandu Wose

⁹ Ela oho kwabonyere mawiwi kuchumba agho ghose gherebonyeroghe ni wazuri werekoghe imbiri kwako. Kwakubonyere kumoni milungu mizima na fwana rechana; kukanilegha kwa kuwusira machu ghapo.

1 WAZURI 14:9 Խաչաձեւ Հղումներ

1 WAZURI 12:28

Nyuma ya kujipima, ukachana ngache iwi ra dhahabu. Ukawizera wandu, “Mduajokali Jerusalemu; milungu yenyu hei ee wandu wa Israeli, iyo eremjosereghe kufuma isanga ja Misri.”

1 WAZURI 14:16

BWANA uchaisigha Israeli putu kwa wundu ghwa kaung'a ribonyero ni Jeroboamu, na kuwishekeria wandu wa Israeli wibonye kaung'a.”

1 WAZURI 14:22

Wandu wa Juda wikabonya mawiwi imbiri ya BWANA. Wikam'bonya uwado ni iriso na kujokwa ni machu kwa wundu ghwa kaung'a rawo wereribonyereghe kuchumba ra weke ndee.

1 WAZURI 15:29

Shwa wori nyuma ya kuwuya mzuri ukabwagha wandu wose wa kinyumba cha Jeroboamu. Ukawitotesha wose kuseko na kusigha ungi wawo uko moyo, kunughana na ilagho ja BWANA orejighorieghe kwa momu ghwa mdumiki wake mlodi Ahija Mshiloni.

1 WAZURI 15:30

Maza iri rerebonyeroghe kwa kukaia Jeroboamu orem'bonyereghe BWANA uo Mlungu wa Israeli kujokwa ni machu kwa wundu ghwa kaung'a rake oreribonyereghe na kuwishekeria wandu wa Israeli kubonya kaung'a.

1 WAZURI 15:34

Ukabonya mawiwi imbiri ya BWANA kwa kunugha kaung'a ra Jeroboamu, uo orewishekerieghe wandu wa Israeli kubonya kaung'a.

1 WAZURI 16:25

Omri ukam'bonyera BWANA kaung'a kuchumba wazuri wose werekoghe imbiri kwake.

1 WAZURI 16:30

Ahabu mwana wa Omri ukabonya wuwiwi imbiri ya BWANA kuchumba wazuri wose werekoghe imbiri yake.

1 WAZURI 16:31

Nderekatoghe ni uko kunugha kaung'a ra Jeroboamu mwana wa Nebati; ukachuria, ukamlowua Jezebeli mwai wa Mzuri Ethbaali wa Sidoni; ukatasa Baali.

1 WAZURI 16:33

Ahabu ukabonya fwana ya mlungu ghwa waka Ashera, na mengi ghem'bonya BWANA Mlungu wa Israeli, ujoko ni machu kuchumba wazuri wa Israeli wose werekoghe imbiri yake.

2 WAZURI 21:3

Kwa kukaia oreaghieghe sena andu kotasira milimu mighondinyi korenoneloghe ni ndee Hezekia, ukaagha madhabahu kwa wundu ghwa Baali, na kubonya fwana ra ghuja mlungu ghwa waka Ashera wori, sa iji Ahabu mzuri wa Israeli orebonyereghe, ukatasa nyerinyeri na kuridumikia.

2 WAZURI 23:26

Ela machu gha BWANA aighu ya Juda ndeghereghalukieghe anduangi kwa wundu ghwa kuvavirwa ni mabonyo ghizamie gha Manase.

2 WAZURI 3:3

Elaima sena orewadaneghe na kaung'a ra Jeroboamu mwana wa Nebati, kwa iro, orewishekerieghe Israeli kungia kaung'enyi, hata nderekutengieghe naro anduangi.

2 MALAGHO GHA NGELO 11:15

Ukawika wakohani wake moni wedumika andu kotasira mighondinyi, na kudumikia majini, na fwana ya ngache oreibonyereghe.

2 MALAGHO GHA NGELO 33:6

Ukawikora wana wake wikaie kizongona Vololonyi ya Hinomu; ukalaghua, ukanugha mizwana, ukabonya wusawi, na kunugha maza ra pepo retambua maza. Ukabonya mawiwi loli loli imbiri ya BWANA, na kum'bonya ujoko ni machu.

NEHEMIA 9:25

Wandu wako wikawada mizi iko na ngome, na isanga jinorie; Wikawada nyumba richue vilambo vose viboie, viriwa vikotero, mbuwa ra mizabibu, mbuwa ra mizeituni, na midi ya matunda kwa wungi. Kwa huwo wikaja, wikaghuda, na kubanda; wikaboilwanya na wucha ghwako m'baa korewinekieghe.

NEHEMIA 9:26

“Ela hata huwo saki, wandu wako wikalegha kukusikira; wikaighalukia sharia yako nambai. Wikawibwagha walodi awo werewiwonyereghe, wikiwighoria wikughalukie oho. Wikakumenya oho ngelo kwa ngelo.

ZABURI 106:29

Weremjosereghe BWANA machu, kwa wundu ghwa mabonyo ghawo; wikachelwa ni saka ya ngawawi.

ZABURI 50:17

Oho kwadazamilwa ni kufundishwa, na kulegha malagho ghapo.

ZABURI 78:40

Ni kalinga werekoghe wikimlegha kireti, na kumvavira ngolo ikarenyi!

ZABURI 78:56

Ela sena wikamtima na kumlegha Mlungu Uo-Uko-Aighu-Nandighi, hata ndewereiwadieghe memu yake anduangi.

ZABURI 78:58

Weremvavirieghe ngolo kwa kubonya andu kwawo kotasa milimu; wikammbwasira iriso kwa kutasa fwana rawo riwachiro.

KUFUMA 34:17

“Kusakekubonyera milungu echana na kuitasa.

JEREMIA 32:18

oho kuwonyeragha lukundo lukatie kwa maelfu, ela sena kwadawikaba wandu wako kwa wundu ghwa kaung'a ra weke ndee. Ee Mlungu m'baa kuwadie ndighi rose, oho irina jako kuwangwagha BWANA wa majeshi,

JEREMIA 7:18

Wana waawuyashoa mbande, na weke ndee wiakora modo; waka wiaruwa mufu wibonye mkate kwa wundu ghwa mlungu ghwa waka wighuwangagha Malkia wa Mlungunyi. Nawo wadunga vizongona venywa kwa milungu mizima, wipate kuwusira machu ghapo.

JEREMIA 7:26

ela ndewerenisikireghe hata kunideghia kudu; wikachuria kughilika, na kubonya mawiwi kuchumba weke ndee.

EZEKIELI 23:35

Kwa huwo Bwana MLUNGU waghamba huwu, “Kwa kukaia kwanileghie hata kukaniwikia mghongo, kuchaduka msigo ghwa wulaki na wumalaya ghwako.”

EZEKIELI 8:17

BWANA ukanizera, “Mwana wa mdamu, kwawona agha? Wandu wa Juda ndewiwuekatwa ni wuchafu wawuyaghubonya aha, wachuria wuwiwi ghobonya wuda isangenyi, na kuchuria kunibonya nijoko ni machu. Wona sena wiangira lumbashu mbuonyi kwawo.

EZEKIELI 8:3

Ukaghorua icho cherewonekieghe sa mkonu, ukaniwada iridia japo. Roho wa Mlungu ukaniwusira nokoighu ghadi na ghadi ya ndoenyi na mlungunyi. Nani ngikaia andenyi ya mawono gha Mlungu, ukanidwa hata Jerusalemu aho andu kongiria kwa chia ya mbengenyi ya waza ya ndenyi ya Hekalu, ilangayagha cha kaskazinyi. Aho korekoghe na mlimu ghowasira Mlungu iriso ja wandu wake.

WALAWI 19:4

Msakerighalukia fwana angu kukubonyera milungu eyeyusha: Ini ne BWANA Mlungu onyu.

1 WAKORINTHO 10:22

Wele diam'bonya Bwana uwado ni iriso? Kwani deko nandighi kumchumba?

WUKUMBUSO 32:21

Waniredie machu kwa wundu ghwa milungu yawo, wanibonyere nikaie na iriso kwa iyo milungu iseko milungu ingi loli. Kwa huwo nichawibonya wiwawo ni ngolo kwa kutumia mbari imu; nichawibonya wiwado ni iriso kwa kutumia mbari ya makelu.

WUKUMBUSO 9:24

Kufuma nazoya kummanya, inyo mwadamlegha BWANA toe.

WATANYI 5:8

Iji Waisraeli wereisaghueghe milungu ya kighenyi, na wuda ghukacha hata mbengenyi; mwawonie mndungi wawada ngao angu ifumu aghadi ya wandu elfu mirongo ina wa Israeli?