1 WAZURI 11:6 - Biblia Ilagho Jiboie Kwa Wandu Wose

⁶ Kwa huwo Solomoni ukabonya wuwiwi imbiri ya BWANA, hata nderedimieghe kumnugha Mlungu putu seji ndee Daudi orebonyereghe.

1 WAZURI 11:6 Խաչաձեւ Հղումներ

1 WAZURI 11:33

Kwa kukaia wanisighie ini, ukawoka kutasa Ashtorethi mlungu ghwa waka ghwa Wasidoni, na Kemoshi mlungu ghwa Wamoabu na Milkomu mlungu ghwa Waamoni; nao ndewuebonya agho ghiko gha hachi imbiri kwapo, kwa kuiwadia memu yapo na sharia rapo kara kara na ndee Daudi.

1 WAZURI 11:5

Ukatasa mlungu ghwa waka Ashtorethi ghwa Sidoni, na mlungu ghwa wuchafu ghwa Waamoni.

1 WAZURI 11:7

Solomoni ukaagha aighu mghondinyi mashariki ya Jerusalemu andu kotasira ugho mlungu Kemoshi wuchafu ghwa Wamoabu, na mlungu Moleki wuchafu ghwa Waamoni.

1 WAZURI 3:3

Solomoni oremkundeghe BWANA, ukakaia ukighenda kwa kunugha sharia ra ndee Daudi, kasoro tu orekoghe ukifunya vizongona vake andu kotasira mighondinyi.

1 WAZURI 9:4

Na oho kukanidumikia kwa ngolo na wuloli sa ndeyo Daudi, na kubonya agho ghose nikulaghirie, kwa kuiwadia memu yapo na sharia rapo,

MITALO 14:24

Ela mdumiki wapo Kalebu, kwa kukaia uko wuzima, nao wawuyaninugha tiki, nichamghenja ijo isanga orejighendieghe na kivalwa chake chichajiwusa.

JOSHUA 14:14

Hebroni yaduagha ifwa ja kivalwa cha Kalebu mwana wa Jefune, Mkenazi, hata linu; kwa kukaia orekoghe mloli, ukamnugha BWANA Mlungu wa Israeli kwa ngolo yake yose.

JOSHUA 14:8

Ela wandu wereghendanyeghe nani wereredieghe malagho ghebwagha wandu wedu ngolo, ela ini neremnughieghe BWANA Mlungu wapo kwa ngolo yapo yose.