1 WAZURI 11:18 - Biblia Ilagho Jiboie Kwa Wandu Wose

¹⁸ Wikafuma Midiani na kughenda Parani. Wikadwa wandu wamu kufuma Parani wikaghendanya nawo hata kwa mzuri wa Misri. Mzuri ukamneka Hadadi isanga na nyumba ekaia, sena ukamneka vindo.

1 WAZURI 11:18 Խաչաձեւ Հղումներ

MITALO 10:12

na wandu wa Israeli wikazoya charo kwa kunughana kufuma kireti cha Sinai. Ijo iwingu jikaghenda na kukaria kireti cha Parani.

WUKUMBUSO 33:2

BWANA orechieghe kufuma Mghondi ghwa Sinai; ukajoka sa iruwa aighu ya Edomu, ukang'ala-ng'ala kwa wandu wake kufuma Mghondi ghwa Parani ukacha andwamweri na weke malaika elfu ikumi uko na lumu lwa modo mkonunyi kwake ghwa kiwomi.

WUKUMBUSO 1:1

Chuo ichi cheko na malagho gha Musa orewijieghe Waisraeli wose iji werekoghe kireti, mashariki ya Moda ghwa Jordani. Werekoghe Vololo ya Jordani kaavui na Sufu ghadi na ghadi ya muzi ghwa Parani luwaru lumu na mizi ya Tofeli, Labani, Hazerothi, na Dizahabu luwaru lumu.

HABAKUKI 3:3

Mlungu waawuyacha kufuma Edomu uo Mweli waawuyacha kufuma Mghondi ghwa Parani. Mlungunyi kwafinikirwa ni wubaa ghwake, na ndoenyi kwachulwa ni makaso ghake.

MITALO 25:18

angu wamjishire wasi kwa mikalo yawo, iyo weremkalieghe nayo aho Peori; na kwa maza ra Kozbi, uo mwai wa m'baa wa Wamidiani, orebwaghiloghe aho Peori ituku ja saka ya ngawawi.”

MITALO 25:14

Uo mundu orebwaghwanyeghe na muka wa Kimidiani orewangwagha Zimri mwana wa Salu, m'baa wa kinyumba chimu cha Wasimeoni.

MITALO 25:6

Nao ola mndumu wa Kiisraeli ukacha na muka wa Kimidiani nyumbenyi kwake worinyi, Musa na izungu jose ja wandu wa Israeli wikiwona, sena ingelo cheni werekoghe wikilila a Hemenyi ekwania.

MITALO 22:4

Niko wikawizera waghosi wa Midiani “Ughu msoria ghwa wandu ghwadima kudimeria chiaimweri na vindo vose diko navo sa ng'ombe ijagha nyasi mlambenyi.” Kwa huwo Balaki mwana wa Sipori uo orekoghe mzuri wa Moabu ngelo rija,

KUZOYA 25:4

Wana wa Midiani werekoghe Efa, Eferi, Hanoku, Abida, na Elidaa. Awa wose werekoghe wana wa Ketura.

KUZOYA 25:2

Nao ukamvaia Zimrani, Jokshani, Medani, Midiani, Ishbaki, na Shua.

KUZOYA 21:21

Ukakaia kireti cha Parani, na mae ukamlowora muka kufuma isanga ja Misri.

KUZOYA 14:6

na Wahori aja mighondinyi kwawo Seiri, hata Elparani iko mwano na kireti.

1 WAZURI 11:17

Ela Hadadi uko mwana mtini chiaimweri na wadumiki wamu wa ndee, werekimbirieghe cha Misri.

1 WAZURI 11:19

Hadadi ukakundwa ni mzuri wa Misri. Ukamlowora mlamu wake, nao ni mruna Malkia Tapenesi.

KUFUMA 2:15

Nao iji Mzuri wasikira agho, ukalola kum'bwagha Musa. Ela Musa ukamkimbia Mzuri, ukaghenda na kukaia isanga ja Midiani, ukasea kidombo kaavui na kiriwa.