1 WAZURI 11:1 - Biblia Ilagho Jiboie Kwa Wandu Wose

¹ Mzuri Solomoni orekoghe warirwa ni waka wengi wa kighenyi kula na uja mwai wa mzuri wa Misri oremlowueghe. Ukalowua waka kufuma Moabu, na Amoni, na Edomu, na Sidoni, na kwa Wahiti.

1 WAZURI 11:1 Խաչաձեւ Հղումներ

1 WAZURI 11:8

Wokoni ukawiaghia waka wake wa kighenyi wose andu kotasira. Wikakaia wikifukira marumba na kufunya vizongona kwa milungu yawo.

1 WAZURI 14:21

Rehoboamu mwana wa Solomoni orekoghe ukibonya nguma isanga ja Juda, nao orekoghe na miaka mirongo ina na imweri ingelo orezoyagha kubonya nguma. Ukabonya nguma kwa miaka ikumi na mfungade aja Jerusalemu, ugho muzi ghoresaghuloghe ni BWANA aghadi vichuku vose va Israeli, eri utasoghe aho. Mae orewangwagha Naama Muamoni.

1 WAZURI 14:31

Rehoboamu ukafwa, ukarikwa makaburinyi gha weke ndee mzinyi ghwa Daudi. Mae orewangwagha Naama Muamoni; mwana wake Abijamu ukabonya nguma wulalo ghwake.

1 WAZURI 16:31

Nderekatoghe ni uko kunugha kaung'a ra Jeroboamu mwana wa Nebati; ukachuria, ukamlowua Jezebeli mwai wa Mzuri Ethbaali wa Sidoni; ukatasa Baali.

1 WAZURI 3:1

Solomoni ukabonya mapatano aghadi yake na mzuri wa Misri kwa kumlowua mwai wake. Ukamreda mzinyi ghwa Daudi ukaieghe aho, hata wameria kuagha muzi ghwake ghoni, na Hekalu, na wurigha ghomara muzi ghwa Jerusalemu.

EZRA 10:44

Awa wose werelowueghe waka wa kighenyi, nawo wikawiwinga chiaimweri na wana wawo.

EZRA 9:1

Nyuma ya maza iri rose kubonywa, vilongozi vimu va wandu wa Israeli wikacha na kunighoria kukaia wandu wa Israeli, wakohani, na Walawi ndewitanyikie na waisanga wiko kaavui na isi awo Waamoni, chiaimweri na maza rawo na Wamoabu, Misri na Wakanaani, Wahiti, Waperizi, Wajebusi na Waamoni. Waawuyabonya maza ireni rizamie rawuyabonywa ni awo wandu.

EZRA 9:2

Wayahudi walowue wai wamu wawo; mbari ya wueli ikakuranganya na waisanga wa aha. Vilongozi na wabaa niwo wa imbiri kubonya maza iri.

KUFUMA 34:16

Wana wenyu wadima kulowua awo waka wa kighenyi, nawo wicham'bonya msekaie waloli kwapo, hata mdime mwatasa milungu yawo.

MAKATANISHO 2:16

Kuchakirwa na muka mseli; ukuseseaa-sesea na malagho ghake ghisingie.

MAKATANISHO 22:14

Madedo gha muka mseli ni sa kina chiko ndenyi; mundu ubonyero machu ni BWANA, uchachunukia aho.

MAKATANISHO 23:33

Kuchawonagha vilambo va kighenyi, na akili rako richakubonya kudede kisha-kisha.

MAKATANISHO 31:3

Kusaketumia ndighi na pesa rako kwa waka.

MAKATANISHO 6:24

Ghichakulindia na mmbiwi, na madedo ghisingie gha muka mseli.

MAKATANISHO 7:5

Richakulindia na uo muka mseli; uo muka mghenyi usingilo ni malagho.

WALAWI 18:18

Hata kusewuse mlamu wako kukaia mkako, ngelo mruna uko moyo; kusakelala nao.

WUKUMBUSO 17:17

Uo mzuri usekaie na waka wengi, uchemsigha BWANA; hata usekaie na mali nyingi ra feza na dhahabu.