1 WAZURI 10:5 - Biblia Ilagho Jiboie Kwa Wandu Wose

⁵ Ukawona seji oredumikilwagha vindonyi, na nyumba rerekailwagha ni wabaa wa serikali yake, na seji wadumiki wake wererwaeghe wikidumika, na wanyoshi wake, na ivo vizongona orefunyagha Hekalunyi, ukashinika na ndighi.

1 WAZURI 10:5 Խաչաձեւ Հղումներ

1 WAZURI 10:4

Malkia wa Sheba ukasikira iyo hikima ya Solomoni, na kuwona iyo ngome oreiaghieghe.

1 WAZURI 10:6

Ukamzera Mzuri Solomoni, “Malagho gha kazi rako na hikima yako nighisikire isangenyi kwapo ni gha loli.

2 WAZURI 16:18

Na chija kiwayo cha Sabato chiko andenyi ya Hekalu, na mnyango ghwa cha shighadi kwa wundu ghwa mzuri, ukaghuinja kufuma Hekalunyi kwa BWANA kwa wundu ghwa kumngola-ngola mzuri wa Ashuru.

1 MALAGHO GHA NGELO 26:16

Shupimu na Hosa wereghuloghe ni kura ekaia cha magharibi; andu mbenge ya Shalekethi iko, kwa iyo chia ijokagha. Mazughe gherekoghe ghikatane.

1 MALAGHO GHA NGELO 9:18

Kutuonyi kwa ngelo iyo werewikiloghe wikaie walindiri wa Mbenge ya mzuri iichia cha mashariki. Koimbiri werekoghe walindiri wa mbenge ya kambi ya Walawi.

2 MALAGHO GHA NGELO 23:13

hata iji wazighana, ukammbona mzuri uko kimusi andu kongiria kaavui na nguro yake na wabaa wa vilongozi na wakabi tarumbeta, wikwanye na mzuri, na wandu wose wa isanga wikizuma na kukaba tarumbeta, na wabori wiko na vombo vawo vebora wikilongoza agho makaso. Athalia ukarashua nguwo rake ukakema, “Ni sheshe! Ni sheshe!”

2 MALAGHO GHA NGELO 9:4

vindo virejighwagha mezenyi kwake, na seji wabaa wake wa kazi wipangilo, seji wadumiki wake wirwagha wikakamdumikia, na seji wirwagha wikakamnyosha divei, na vizongona vekora ivo orevifunyagha Hekalunyi ya BWANA, ukateweleka ukishinika.

EZEKIELI 44:3

M'baa wa isanga uekeri nuo udimagha kusea kidombo aho uje vindo va wueli imbiri kwapo. Uchangiria mnyango ghwa chumba cha lukumbinyi na kufuma kwa ugho mnyango ghoni.”

EZEKIELI 46:2

M'baa wa isanga uchangiria mnyango ghwa lukumbi lwa shighadi, nao uchakaia kimusi a vizingitinyi va mbengenyi; na wakohani wichafunya kizongona chake chekora, na vizongona vake va mapatano, nao uchamtasa BWANA aho kizingitinyi cha mbengenyi. Niko uchafuma shighadi, ela mbenge ichakaia iari hata luma lwa kenyi.

LUKA 18:10

“Korekoghe na wandu wawi werejokieghe Hekalunyi kulomba Mlungu; umu orekoghe Mfarisayo, na mzima mmbwadi wushuru.

JOSHUA 5:1

Wazuri wose wa Waamori werekoghe cha magharibi kimonu cha Jordani, na wazuri wose wa Kanaani werekoghe kaavui na Bahari ya Mediterania, wiendasikira seji BWANA ughiomeshere machi gha Jordani kwa wundu ghwa wandu wa Israeli hata wikaruwuka, wikafwa ngolo; hata ndeweresigharikieghe na wuing'oni ghungi andenyi kwawo, kwa kuwiobua wandu wa Israeli.