1 WAZURI 1:34 - Biblia Ilagho Jiboie Kwa Wandu Wose

³⁴ na aho mkohani Zadoku na mlodi Nathani wimdunge mavuda uwue mzuri wa Israeli, nao mkabe tarumbeta mghambe, ‘Mzuri Solomoni ndeduo moyo!’

1 WAZURI 1:34 Խաչաձեւ Հղումներ

2 SAMUELI 15:10

Ela Absalomu ukaduma wadumwa wa kiviso isangenyi kwa vichuku vose va Israeli ukighamba, “Mkasirika tarumbeta ikikabwa mghambe, ‘Absalomu nuo mzuri Hebroni.’”

2 SAMUELI 2:4

Niko wandu wa Juda wikacha, wikamdunga Daudi mavuda ukaie mzuri aighu ya Juda. Nao iji Daudi waghorelwa kukaia wandu wimrikie Sauli ni wa Jabeshi-gileadi,

2 SAMUELI 5:3

Niko wabaa wose wa Israeli wikamchea Daudi aho Hebroni; na Mzuri Daudi ukabonya nawo ilaghano imbiri ya BWANA; nawo wikamshinga Daudi mavuda ukaie mzuri aighu ya Israeli.

1 WAZURI 1:25

Idime wasea ukabwagha kizongona cha ng'ombe, na ngache ribandie, na ng'ondi kwa wungi, nao wawikaribisha wana wako wose, hata Joabu m'baa wa majeshi, na mkohani Abiathari. Nawo waawuyaja na kunywa imbiri ya Adonija wikighamba, ‘Mzuri Adonija ndeduo moyo.’

1 WAZURI 1:35

Niko aho mchajoka nyuma yake, nao uchacha na kuchiseria kifumbi chapo cha nguma; angu uo nuo uchaakaia mzuri wulalo ghwapo, na nuo nammbika ukaie mzuri aighu ya Israeli na Juda.”

1 WAZURI 1:39

Niko aho mkohani Zadoku ukawada kilambo cha mavuda kufuma Hemenyi, wikamdunga Solomoni mavuda. Wikakaba tarumbeta, na wandu wose wikaghamba, “Mzuri Solomoni ndeduo moyo!”

1 WAZURI 19:16

na Jehu mwana wa Nimshi kumdunge mavuda uwuye mzuri wa Israeli, na Elisha mwana wa Shafati wa Abel-mehola, kumdunge mavuda uwuye mlodi wulalo ghwako.

2 WAZURI 11:12

Niko Jehoiada ukamfunya uja Joashi mwana wa mzuri, ukamngira kirumbu chongonyi kwake na kumneka chuo cha malaghiro gha wuzuri mkonunyi kwake; wikamdunga mavuda na kumghora kukaia ni mzuri. Wikamkabia chui wikighamba, “Kuduo moyo ee mzuri.”

2 WAZURI 11:14

Ukazighana, ukammbona mzuri mmbishi wawikwa, uko kimusi anguronyi ya Hekalu karakara na mzango, wamarwa ni wabaa wa majeshi na wakabi tarumbeta; na wandu wose wikizuma kwa tarumbeta. Athalia ukarashua nguwo rake kwa wasi, ukakema ukighamba, “Ni sheshe, ni sheshe!”

2 WAZURI 9:13

Niko shwa wori waja wabaa wa majeshi kula umu wawo ukawada nguwo yake na kuiala aviluwatironyi, Jehu upate kukaia kimusi aighu yaro. Wikakaba tarumbeta wikaghamba, “Jehu nuo mzuri.”

2 WAZURI 9:3

Niko kuwade ichupa ya mavuda, kumdunge chongonyi kukighamba, ‘BWANA waghamba, Nakushinga mavuda kukaie mzuri aighu ya Israeli.’ Nao kurughuo mnyango, kufume kukimbie; kusemuke.”

2 WAZURI 9:6

Nao ukawuka ukangia nyumbenyi, na uja mlodi wa irika ukamdunga mavuda chongonyi kwake ukighamba, “BWANA waghamba, Nakushinga mavuda kupate kukaia mzuri aighu ya wandu wapo Israeli.

2 MALAGHO GHA NGELO 23:11

Niko Jehoiada ukamfunya shighadi mwana wa mzuri, ukamrusha kirumbu, ukamneka kopi ya ilaghano wikamghora kukaia ni mzuri. Niko Jehoiada na wana wake wikamshinga mavuda wikighamba, “Mzuri ndeduo moyo luma!”

ZABURI 45:7

kwaikunda hachi na kuzamilwa ni kiwiwi. Kwa huwo Mlungu, Mlungu wako wakushingie mavuda, na kukuneka kuboilwa kubaa kuchumba wambenyu.

ZABURI 89:20

Nampatire Daudi mdumiki wapo, ngamshinga mavuda ghapo gha wueli.

ZABURI 89:36

Kivalwa chake chichadua matuku ghose, nani nichaghulindia wuzuri ghwake ngelo rose iruwa jiko.

ISAYA 45:1

BWANA wamerie kumsaghua Koreshi ukaie mzuri; nao wamerie kummbika upate kurisima mbari ra wandu. Wamduma na kuwisoka wazuri nguma rawo, na kurughua minyango iyo erekoghe irughilo imbiri kwake; ukimzera:

MABONYO GHA WADUMI 10:38

Seji Mlungu oremshingieghe Jesu wa Nazareti mavuda kwa Roho Mweli, na kwa ndighi; nao ukamara-mara ukibonya nicha, na kuwiboisa wose werekorongeloghe ni uja Mmbiwi, angu Mlungu orekoghe andwamweri nao.

1 SAMUELI 10:1

Niko Samueli ukawada chupa ya mavuda, ukamdiria Sauli chongonyi kwake; ukamsusugha ukighamba, “Nechi BWANA nuo wakushinga mavuda kupate kuwibonyera nguma wandu wake Israeli. Kuchabonya nguma aighu ya wandu wa BWANA, na oho kuchawikira wisekabo ni wamaiza wawo wiko mbai mbai yawo. Alama ewonyera kukaia BWANA wakushinga mavuda kukaia mzuri aighu ya wandu wake ni ihi:

1 SAMUELI 10:24

Samueli ukawizera wandu wose, “Mwawona umundu wasaghulwa ni BWANA? Ndekuwadie ungi uko sa uo aghadi ya wandu wose.” Nao wandu wose wikaghora kwa lwaka lubaa, “Mzuri ndeduo moyo luma!”

1 SAMUELI 16:3

Kumkaribishe Jese mkanye ngelo efunya kizongona, nani nichakuwonyera seji kuchaabonya; kumshinge mavuda kwa wundu ghwapo uo mundu nichaakuwonyera.”