1 TIMOTHEO 2:2 - Biblia Ilagho Jiboie Kwa Wandu Wose

² kwa wundu ghwa wazuri, na wandu wose wa veo va ighu; eri dipate kukaia na irangi jihorie, na ja sere, jiko na kuobua kwa Mlungu, jiko ja ishima kwa chia rose.

1 TIMOTHEO 2:2 Խաչաձեւ Հղումներ

2 SAMUELI 20:19

Ini ne umu wa waja wandu wikunde sere, sena wiko wa loli andenyi ya Israeli; oho kwakuwika tayari kughunona muzi ghuko sa mao andenyi ya Israeli; kwaki kunonagha ifwa ja BWANA?”

EZRA 6:10

Malagho agho ghibonyo eri widime kumfunyira Mlungu wa mlungunyi vizongona viboie, winilombie na wana wapo.

NEHEMIA 1:11

Degha kudu kwako kusikire malombi ghapo ini mdumiki wako na gha wadumiki wako wose wiboilwagha ni kujibonyera ishima irina jako; kunineke kusima, na ini mdumiki wako nifuilo wughoma ni m'baa wa isanga.” Ngelo iro, ni ini nerekoghe mnyoshi divei wa mzuri.

ZABURI 72:1

Kumfundishe mzuri kutanya kwa loli yako ee Mlungu, na kumfundisha mwana wa mzuri utanye kwa hachi yako.

MAKATANISHO 24:21

Mwana wapo, kumuobuo BWANA na mzuri, hata kuseleghe kumsikira ungi wawo;

JEREMIA 29:7

Mlindie sere andenyi ya ugho muzi nam'bonya mdwalo wunyika, mghulombie ugho muzi kwapo ini BWANA, kwa kukaia ghukakaia na sere nenyo mchakaia na sere.

LUKA 1:6

Nawo wose werekoghe wandu wa hachi, wikighenda kwa kuiwadia Sharia na malaghiro gha Mlungu kuseko na ikosa jingi.

LUKA 2:25

Nao ahoeni Jerusalemu, korekoghe na mundu uwangwagha Simeoni. Mundu uhu orekoghe mundu wa hachi umuobuagha Mlungu, nao orekoghe ukighuwesera ghuja wuhoreshi ghwa Israeli, na Roho Mweli orekoghe aighu kwake.

MABONYO GHA WADUMI 10:22

Nao wikaghamba, “Kornelio, m'baa wa ijeshi, mundu wa hachi, umuobuagha Mlungu, uko na sare iboie kwa mbari yose ya Wayahudi; orezereloghe ni malaika mweli ukudumirie kughende nyumbenyi kwake, upate kusikira agho ghose kuchaaghora.”

MABONYO GHA WADUMI 24:16

Kwa huwo naawuyafunga ndighi matuku ghose nisekaie na ikosa jingi imbiri ya Mlungu, na imbiri ya wandu wori.

WAROMA 12:18

Timenyi seji mdimagha kukaia na sere na wandu wose.

WAFILIPI 4:8

Kutua wanidu, maza iro rose riko ra loli, iro rose riko ra ishima, iro rose riko ra hachi, iro rose rielie, iro rose riboie; ikakaia riko ringi ra sare ndicha, ikakaia ghuko wucha ghungi, ikakaia chiko kilambo chingi chifwanagha kukaswa; ririkanyenyi aighu ya maza iro.

1 WATHESALONIKE 4:11

na kukuzaisira kukaia kima, mkirinugha maza renyu reni, na kubonya kazi kwa mikonu yenyu sa iji koni deremlaghirieghe.

WAEBRANIA 12:14

Fungenyi ndighi kulola sere na wandu wose, na ugho wueli; mndungi useko nagho, ndechaammbona Bwana anduangi.