1 SAMUELI 30:22 - Biblia Ilagho Jiboie Kwa Wandu Wose

²² Niko awo wandu wawiwi na wa kisha, aghadi ya awo wereghendanyeghe na Daudi wikaghamba, “Awandu ndewipatagha kilambo chingi dachidwa wunyika, ela kula umu wawo uchanekwa mkake na wana wake ughende; kwa kukaia ndewereghendanyeghe nesi.”

1 SAMUELI 30:22 Խաչաձեւ Հղումներ

1 WAZURI 21:10

Msaghuo wandu wandonyi wawi, muwiwike kaavui nao wipate kureda mashitaki aighu yake ghemzera, ‘Oho kwamsholia Mlungu na mzuri.’ Nao mumfunye shighadi, ulaso na magho hata ufo.”

1 WAZURI 21:13

Wandu wa ndonyi wawi wikangia na kusea kidombo kaavui na Nabothi; wikareda mashitaki aighu yake imbiri ya wandu wikighamba, “Nabothi wamsholia Mlungu na mzuri.” Wikamfunya shighadi ya muzi na kumlasa na magho hata ukafwa.

MATHAYO 7:12

Wibonyerenyi wandu wazima agho gheni mkundagha m'bonyero ni awo, angu uku niko kutambua kwaro Sharia na mafundisho gha walodi.

WUKUMBUSO 13:13

wei wandu wamu wa kisha wa mzenyu waghendie na kuwilaghasha wandu wa ugho muzi wikighamba, wei wighende kutasa milungu mizima, iyo mseiichi,

WATANYI 19:22

Hata iji werekoghe wikiboilwa, wandu wamu wa kisha wa ugho muzi wikacha wikaimara iyo nyumba na kukaba mnyango, wikamzera uja mghosi uko m'baa wa nyumba, “Funya uo mundu wangia nyumbenyi kwako, deekunda kummanya.”

1 SAMUELI 22:2

Kula mundu orekoghe na wasi, na uo orekoghe na sile, hata awo wiserekatoghe; wose wikamghendia, na kukukwanya nao, sa wandu maghana ana; nao moni ukakaia kilongozi wawo.

1 SAMUELI 25:17

Idana kumanye agho, nao kupime ngera kubonya wada; kwa kukaia wandu awo wakaia na nia em'bonya bwana odu kiwiwi chiaimweri na wandu wake wose; uo bwana odu nao ndefundwagha ni mndungi, oozama shuu.”

1 SAMUELI 25:25

Nakuvoya kusetale malagho gha umundu uzamie Nabali, angu sa iji koni irina jake jiko nikokoni nao moni uko. Uo wadawangwa Nabali, na wukelu oko nagho; ela ini mdumiki wako, siwonane na waja wandu korewidumieghe.

1 SAMUELI 30:21

Nao Daudi ukawichea waja wandu maghana awi werekoghe wasilwa na kusigharika aja ndoria ya Besori; nawo wikafuma kwendammara Daudi chiaimweri na wandu werekwanyeghe. Hata iji Daudi wavika kaavui nawo, ukawiroghua.

1 SAMUELI 30:23

Ela Daudi ukaghamba, “Ii hata wanidu, msebonye huwo na vilambo danekwa ni BWANA. Wadilindirie ukadisimia ijo ijeshi werechieghe kulwa nesi.