1 SAMUELI 26:12 - Biblia Ilagho Jiboie Kwa Wandu Wose

¹² Daudi ukadwa ijo ifumu na kiriba cha machi verekoghe cha chongonyi kwa Sauli, wikaghenda. Mndungi nderewonieghe hata kumanya, angu kuwuka koni; kwa kukaia wose werekoghe walala dilo rilemere rerefumieghe kwa BWANA.

1 SAMUELI 26:12 Խաչաձեւ Հղումներ

KUZOYA 15:12

Nao ikakaia iji iruwa jerekoghe jikineng'ena Abramu ukawadwa ni dilo nyingi, na kira kibaa cheobosha chikamseria.

KUZOYA 2:21

BWANA Mlungu ukamredia uo mundu dilo nyingi, nao uko dilonyi, Mlungu ukamfunya luwaru lumu, ukachura nyama wulalo ghwaro;

ESTA 6:1

Nao kio chija cheni, mzuri ukasowa dilo, ukafunya momu ushomelo chuo cha wukumbuso ghwa maza ra wuzuri ghwake.

ISAYA 29:10

Kwa kukaia BWANA wamerie kudia aighu konyu roho ya dilo nyingi, nao wamerie kughitungurisha meso ghenyu inyo walodi msewone, na kufinikira vongo venyu inyo wawoni.

1 SAMUELI 24:4

Nao wandu wa Daudi wikamzera, “Ola idime niko BWANA wakatisha ilaghiro jake aighu ya wamaiza wako seji orekuzerieghe, ‘Nichakuneka wamaiza wako, na oho kuchawibonya sa iji kukunde.’” Daudi ukawuka mboa, ukadumbua kidambi cha nguwo ya Sauli.

1 SAMUELI 26:13

Nao Daudi ukaruwuka chija kimonu, ukajoka hata mudo ghwa mghondi; na aho korekoghe na wulalo mshapa aghadi kwawo.

1 SAMUELI 26:7

Niko Daudi na Abishai wikasea cha ijeshinyi nakio, wikamkua Sauli walala ghadi na ghadi ya kambi, na ifumu jake jadungwa andoenyi cha chongonyi; na Abneri chiaimweri na majeshi ghalala kummara chia rose.