1 SAMUELI 25:39 - Biblia Ilagho Jiboie Kwa Wandu Wose

³⁹ Daudi uendaghorelwa kukaia Nabali wafue, ukaghamba, “BWANA ndekaso, uo wanilipia kisasi kwa wundu ghwa agho nibonyero ni Nabali; nao wanilindia ini mdumiki wake nisebonye kiwiwi; BWANA wammbunjira Nabali ugho wuwiwi ughubonyere aighu kwake moni.” Niko Daudi ukaduma momu ghomchumbia Abigaili, eri upate kumlowua.

1 SAMUELI 25:39 Խաչաձեւ Հղումներ

2 SAMUELI 1:16

Daudi ukaghamba, “Bagha yako ndeikaie aighu kwako koni, kwa kukaia kwashuhudia kwa momu ghwako ghoni kukighamba, ‘Nam'bwagha mshingwa mavuda wa Mlungu.’”

1 WAZURI 2:44

Nao mzuri ukamzera Shimei, “Oho kuwawuyamanya kondenyi kwako ugho wuwiwi korem'bonyereghe aba Daudi; kwa huwo BWANA uchakuwunjira ugho wuwiwi kwako kumoni.

ESTA 7:10

Nao Hamani ukabwaghwa kwa kuwanikwa lugha aighu ya ugho mudi ghoni oreghuboisireghe kwa wundu ghwa kum'bwagha Mordekai. Machu gha mzuri ghikahoa.

ESTA 9:25

Ela Esta ukamghendia mzuri, na mzuri ukafunya momu kwa maandiko angu ija njama ya mikalo oreibonyereghe Hamani imghalukie moni; kukaia, uo na wana wake wibwagho kwa kuwanikwa aighu ya ghuja mudi ghobwaghia wandu.

ZABURI 7:16

Mawiwi ghake ghadammburia moni, na lung'eto lwake lwadamghalukia moni.

ZABURI 9:5

Kwamerie kurikemia mbari zima, kukawisaghisa wawiwi; kwajivutire irina jawo, kwa kala na kala.

MAKATANISHO 18:22

Mundu ukapata muka, wapata kilambo kicha, na BWANA uchamrumiria.

MAKATANISHO 19:14

Nyumba na mali ni ifwa jipatikagha kwa weke aba, ela muka uwadie suku wadafuma kwa BWANA.

MAKATANISHO 22:23

BWANA uchawidederia, nao uchawiredia wasi awo wawuyawisoka.

MAKATANISHO 31:10

Nani udimagha kumpata muka uboie? Ni wa zoghori mbaa kuchumba lulu.

MAKATANISHO 31:30

Kudawiria kwakaliagha, na kughoka kwasiagha; ela muka umuobuagha BWANA uchakumwa.

LUMBO 8:8

Deko na mwanidu wa waka mtini usefunyire nyodo. Mndumu wa irika ukakunda kumlowua dibonya wada?

MIKA 7:9

Kwa kukaia nim'bonyere BWANA kaung'a nichaghirumaghia machu gha kubia kwake, hata unidederie na kunitanya. Uchanireda mwengerenyi, nani nichakuwona kukia kwake.

2 WAKORINTHO 13:7

Ela daawueghemlomba Mlungu umtesie msebonye makosa. Si angu wei isi diwoneke sa wandu disimie, ela ni angu m'bonye ijo jiko ja hachi, hata ngera dawoneka sa wandu dilemelo.

1 WATHESALONIKE 5:23

Uo Mlungu moni wa sere, ndemueleshe inyo putu; roho renyu, na nia renyu, na mimbi yenyu; ikilindilwa nicha kuseko na ikosa jingi hata ngelo ya kucha kwake Bwana odu Jesu Kristo.

2 TIMOTHEO 4:18

Bwana uchanivuvua kufuma kwa kula kiwiwi, na kunikira kwa wundu ghwa Wuzuri ghwake ghwa mlungunyi. Kwake uo, ndeghukaie wubaa kwa kala na kala. Amen.

WATANYI 5:2

“BWANA ndekaso! Kwa kukaia vilongozi werewadieghe wulongozi, na wandu wikakufunya weni kwa ngolo andenyi ya Israeli.

1 SAMUELI 24:15

BWANA ndeditanye na kufunya hachi aghadi yapo na oho, uzighane nao unidederie, na kunikira kusenibonye kiwiwi.”

1 SAMUELI 25:26

Idana bwana wapo, sa iji BWANA ukaiagha moyo, na sa iji koni roho yako ikaiagha moyo, nawona kukaia BWANA wakughiria kusebonye kiwiwi chedia bagha, hata kulipia kisasi chingi kwa mkonu ghwako ghoni. Kwa huwo, awo wamaiza wako, na wose wikundagha kukubonya kiwiwi, ndewikabo sa Nabali.

1 SAMUELI 25:32

Nao Daudi ukamzera Abigaili, “BWANA, uo Mlungu wa Israeli ndekaso, angu wakulongoza kukwane na ini idime!

1 SAMUELI 25:34

Kwa kukaia loli, sa iji BWANA Mlungu wa Israeli ukaiagha moyo, uo waniwadia ini nisekubonye kiwiwi, ngera kuseshashireghe kukwana na ini, kumangu kesho kokio, mndungi wa womi ndasigharikagha kwa Nabali uko moyo.”

1 SAMUELI 25:40

Wadumiki wa Daudi wiendacha kwa Abigaili aja Karmeli, wikamzera, “Daudi wadiduma diche kuonda kukaie mkake.”

1 SAMUELI 26:10

Nao Daudi ukaghamba, “Sa iji BWANA ukaiagha moyo, uchamkaba moni, angu ituku jake jefwa jivika, angu kewada ungie wudenyi nao ufue aho.