1 SAMUELI 25:29 - Biblia Ilagho Jiboie Kwa Wandu Wose

²⁹ Wandu wikawuka kulwa na oho, wikikunda kujifunya irangi jako, BWANA uchajivisa irangi jako banana bwana wapo, na oho kuchalindilwa ni BWANA Mlungu wako; na marangi gha wamaiza wako uchaghikumba noko sa kukumbwa na kikuza.

1 SAMUELI 25:29 Խաչաձեւ Հղումներ

KUZOYA 15:1

Nyuma ya maza iro, BWANA ukamchea Abramu kwa mawono ukamzera, “Kusakeobua Abramu, ini nuo ngao yako, na ifungu jako jichakaia ibaa na ndighi.”

2 SAMUELI 4:8

wikachireda chija chongo kwa Daudi aja Hebroni, wikamzera mzuri, “Chongo cha Ishboshethi mwana wa Sauli uja m'maiza wako orekoghe ukikulola ukubwaghe hechi; BWANA walipia kisasi idime iji cha bwana wapo mzuri aighu ya Sauli na kivalwa chake.”

AYUBU 27:22

Yamkumba noko kuseko na wughoma; wakimbia kiimbiri kukukira moni.

ZABURI 116:15

Kifwa cha waeli wa BWANA, ni cha zoghori mbaa imbiri kwake.

ZABURI 54:3

Waghenyi wawuka wilo nani; wakinyanya waawuyalola kunibwagha; wandu wisemtalagha Mlungu.

ZABURI 66:9

Wadikaishire moyo, na kudilindia disegho.

JEREMIA 10:18

Angu BWANA wagora huwu: “Ola nichawikumba noko wandu wose sa kukumba kwa kikuza wifume isangenyi ngelo ii cheni; nani nichawiredia wasi nao wighumanye.”

MALAKI 3:17

BWANA Uwadie-Ndighi-Rose waghamba, “Wichawuya wandu wapo ituku jija nichaabonya maza iro; wichakaia wapo weni. Nichawifuya wughoma seji ndee mwana umfuyagha wughoma mwana wake umdumikiagha.

JOHANE 14:19

Kwa ngelo vui wurumwengu ndeghuchaaniwona sena, ela inyo mchaniwona, na kwa kukaia neko moyo, inyo wori mchakaia moyo.

JOHANE 17:21

Aba, nalomba angu wose wikaie kindo chimweri andenyi kodu; seji oho Aba kuko andenyi kwapo, na ini andenyi kwako. Nawo wikaie kindo chimweri, wurumwengu ghupate kurumiria angu ni oho korenidumieghe.

JOHANE 17:23

Ini nikaie andenyi kwawo, na oho kukaie andenyi kwapo, wipate kukaia kindo chimweri putu; eri wurumwengu ghupate kumanya angu korenidumieghe, na angu oho kwawikunde awo, sa iji kunikunde ini.

WUKUMBUSO 33:29

Israeli kuboilwa saki! Ndekuwadie ungi ufwanane nenyo, mburi ikirilo ni BWANA. BWANA moni ni ngao yenyu na lufu lonyu upate kumlindia na kumneka wusimi. Wamaiza wako wichacha wikikulomba wughoma, na oho kuchawifasha-fasha.

1 PETRO 1:5

inyo mlindilwagha ni ndighi ra Mlungu, kwa chia ya irumirio; mpate kuvikia kukia kuko tayari kufunukulwa ngelo ya kutua.

1 SAMUELI 2:9

“Uchawilongoza wandu wake wa loli, ela wawiwi wichalagharia kirenyi; angu mundu ndechaadima kusima kwa ndighi anduangi.