1 SAMUELI 25:28 - Biblia Ilagho Jiboie Kwa Wandu Wose

²⁸ Nakulomba kunilekie makosa ghapo ini mdumiki wako, kwa kukaia loli bwana wapo, BWANA uchakubonyera wuzuri ghwa kala na kala, angu kwawuyalwa wuda ghwa BWANA; na wuwiwi ndeghuchaawoneka kwako matuku ghose kuchaakaia moyo.

1 SAMUELI 25:28 Խաչաձեւ Հղումներ

2 SAMUELI 5:2

Ngelo iidie iji Sauli orekoghe mzuri aighu yedu, ni oho kumoni korekoghe kukiwilongoza wandu wa Israeli wudenyi, na BWANA orekuzerieghe, ‘Oho kuchakaia mlisha wa wandu wapo Israeli na m'baa wawo.’”

2 SAMUELI 7:11

seji wawuyawikoronga kufuma ngelo ija nerewikieghe watanyi aighu yawo; nani nichakuneka wuhoreshi aghadi ya wamaiza wako wose. Aighu ya agho, BWANA waghora kukaia uchaimangisha nyumba yako.

2 SAMUELI 7:16

Nyumba yako na wuzuri ghwako ghuchamangishwa putu imbiri kwapo ini kwa kala; na kifumbi chako cha nguma nichachimangisha kwa kala na kala.’”

2 SAMUELI 7:27

Angu oho ee BWANA wa majeshi, uo Mlungu wa Israeli, kwaredie mafunuo agha kwapo ini mdumiki wako kukighamba, ‘Nichakuaghia nyumba,’ niko ini mdumiki wako nakufungisha ndighi kureda malombi ghapo imbiri kwako.

1 WAZURI 15:3

Ukabonya kaung'a rija reni ndee oreribonyereghe. Nderekoghe mloli putu kwa BWANA Mlungu wake seji wawae wa madafu Daudi orebonyereghe.

1 WAZURI 15:5

BWANA orebonyereghe huwo, angu Daudi orebonyereghe hachi imbiri yake, hata ndereleghieghe kukatisha malaghiro ghake; ela ijo jeni orejibonyereghe kwa Uria Mhiti.

1 WAZURI 9:5

nichajikatisha ilaghiro japo neremlaghirieghe ndeyo Daudi ngighamba kukaia kivalwa chake chichawibonyera wandu wa Israeli nguma kwa kala na kala.

1 MALAGHO GHA NGELO 17:10

Kufuma wangia iji isanga, werekoghe wikikabwa ni wang'eti, hata ngelo nerewikieghe watanyi aighu ya wandu wapo Israeli. Hata huwo saki mchawisima wamaiza wenyu, na kukuneka kivalwa.

1 MALAGHO GHA NGELO 17:25

Nakaia na wuwana gholomba ilombi iji kwako Mlungu wapo, kwa kukaia kwanifunukuye agha ghose ini mdumiki wako, kukanilaghira kukaia kuchabonya kivalwa chapo chikaie mzuri.

2 MALAGHO GHA NGELO 20:15

Ukaghamba, “Sikirenyi inyo mmbose wandu wa Juda, nenyo mkaiagha Jerusalemu, na Mzuri Jehoshafati: BWANA wamzera kukaia msekambo ni chongo hata kujiobua ijo izungu ibaa ja wandu, angu wuda si ghonyu ghungi ela ni ghwa Mlungu.

ZABURI 7:3

Ee BWANA Mlungu wapo, ikakaia nimkosere mndungi,

ZABURI 89:29

Nichachibonya kivalwa chake chiduo kwa kala sa mawingunyi, nacho chichabonya nguma matuku ghose.

MITALO 23:21

Uo ndewonie mzwana ghungi ghuzamie kwa Jakobo, hata kuwona wasi ghungi kwa Israeli anduangi. Uo BWANA Mlungu wawo oko andwamweri nawo, na mzuri m'baa wawuyaghora aghadi kwawo.

MATHAYO 5:16

Huwo koni suti mwengere ghonyu ghulangale imbiri ya wandu, eri wikiwona mabonyo ghenyu, wimkase Ndeyo onyu uko mlungunyi.

LUKA 23:41

Isi loli daakabwa kwa hachi, ela mundu uhu ndebonyere ikosa jingi anduangi.”

LUKA 23:47

Uja m'baa wa masikari uendawona agho gherebonyekieghe, ukamkasa Mlungu ukighamba, “Kwa loli mundu uhu orekoghe mhachi.”

1 SAMUELI 15:28

Samueli ukamzera Sauli “BWANA waghurashua wuzuri ghwa Israeli kufuma kwako idime, na kughuneka mmbenyu uko mucha kukuchumba.

1 SAMUELI 17:47

na ikwanyiko iji jose jichamanya kukaia, Mlungu ndekiragha kwa kutumia lufu na ifumu. Kwa kukaia wuda ni ghwa BWANA, nao uchamfunya mngie mikonunyi kodu.”

1 SAMUELI 18:17

Niko Sauli ukamzera Daudi, “Mwai wapo m'baa Merabu hoyu; nichakuneka kumlowuo iji kwakaia ing'oni na kuniluya wuda ghwa BWANA.” Kwa kukaia Sauli oregheshereghe, “Isekaie wei ni ini nam'bwagha, ela ubwagho ni Wafilisti.”

1 SAMUELI 2:35

Nani nichawika mkohani mzima uchaakaia mloli kwapo, nao moni uchabonya agho nighikundagha. Nichamneka kinyumba chimange chichaadumika imbiri ya msaghulwa wapo matuku ghose.

1 SAMUELI 22:14

Ahimeleki ukatumbulia mzuri, “Nechi Daudi nuo urumirikie aghadi ya wabaa wako, sena ni mghosi wako na m'baa wa masikari ghekulindia, sena unekelo ishima nyumbenyi kwako.

1 SAMUELI 24:11

Wona nga aba, kidambi cha nguwo yako hechi! Kuwone loli seji neredimagha kukubwagha, ela ngadumbua tu kidambi cha nguwo yako, eri kuwonemanya kukaia sina ilagho jingi na oho, hata nia ingi ekubonya kiwiwi. Ini sibonyere kaung'a ingi hata ngera oho kwawuyanidiwa kupate kunifunya irangi.

1 SAMUELI 24:17

ukamzera Daudi, “Oho koko na hachi kunichumba, kwa kukaia kwanilipa mecha, ingelo ini nawuyakulipa mawiwi.

1 SAMUELI 24:21

Kwa huwo, nalomba kunibonyere ighemi kwa irina ja BWANA, kukaia ndekuchaainja kivalwa chapo nyuma yapo; na angu ndekuchaajinona irina japo andenyi ya kinyumba cha aba.”

1 SAMUELI 24:4

Nao wandu wa Daudi wikamzera, “Ola idime niko BWANA wakatisha ilaghiro jake aighu ya wamaiza wako seji orekuzerieghe, ‘Nichakuneka wamaiza wako, na oho kuchawibonya sa iji kukunde.’” Daudi ukawuka mboa, ukadumbua kidambi cha nguwo ya Sauli.

1 SAMUELI 25:24

Nao uko maghunyi kwa Daudi ukaghamba, “Ugho wuwiwi ndeghukaie aighu yapo bwana wapo, kunineke wulalo ghodedanya na oho, ini mdumiki wako; kusikire kililo chapo ini mdumiki wako.

1 SAMUELI 29:3

Uja m'baa wa majeshi gha Wafilisti ukaghamba, “Awa Waebrania wibonyaki aha?” Akishi ukamtumbulia, “Uhu si uja Daudi m'baa wa Sauli mzuri wa Waisraeli, nao wakaia kwapo matuku na miaka. Kufuma wakimbia cha kwapo jingi siwonie ikosa jingi kwake hata linu.”

1 SAMUELI 30:26

Daudi uendavika Siklagi, ukawiwaghia waghenyi wake ivo vilongozi va Juda ivo vilambo wavidwa wunyika ukighamba, “Wadenyi zawadi ya vilambo vawadwa wunyika kufuma kwa wamaiza wa BWANA.”