1 SAMUELI 25:19 - Biblia Ilagho Jiboie Kwa Wandu Wose

¹⁹ Nao ukawizera wandu wake wa irika, “Kirienyi, naawuyacha.” Ela nderemghorieghe mumi wake anduangi.

1 SAMUELI 25:19 Խաչաձեւ Հղումներ

KUZOYA 32:16

Iri rose ukawineka wadumiki wake, ukawika mzighaniri kwa kula ifungu, na kula ifungu jikaie jiekeri, ukawilaghira wadumiki wake ukighamba, “Kirienyi imbiri kwapo, sena msighe wulalo aghadi ya kula ifungu, ja imbiri na ja nyuma.”

KUZOYA 32:19

Huwo koni ukamlaghira kilongozi wa kawi na wa kadadu, na wa mafungu ghose gherekoghe ghikinugha, “Mchaghora agho madedo gheni iji mwakwana na mwanidu Esau.

KUZOYA 32:20

Mchamzera, ‘Na mdumiki wako Jakobo wori oko na nyuma.’” Angu oreririkanyireghe, “Kewada nadima kumhoresha na agha manosi ghakiria imbiri kwapo, niko konyuma diwonane wushu kwa wushu, na kewada unirumirie.”

KUZOYA 32:21

Na agho manosi ghikakiria, ela uo moni ukasigharika na nyuma, ukalala kambinyi icho kio.

MAKATANISHO 31:27

Waizighana nyumba yake nicha, nao ndejagha vindo usevibonyere kazi.

1 SAMUELI 14:1

Ituku jimu, Jonathani mwana wa Sauli ukamzera uo mdawana orekoghe ukimdukia maswagha, “Nndoko diruwuke ija chia cha ngomenyi ya Wafilisti.” Ela Jonathani orekoghe usemghorie ndee.

1 SAMUELI 25:20

Hata iji orekoghe ukisea akonenyi ya mghondi uko aighu ya punda, ukakwana na Daudi ukicha na wandu wake.

1 SAMUELI 25:36

Niko Abigaili ukawuya kwa Nabali, ukamkua ukija karamu nyumbenyi kwake, sa karamu ya mzuri. Nabali orekoghe wasikira raha ngolonyi kwake, angu orewongerieghe nandighi; na Abigaili nderemghorieghe ilagho jingi hata ndoe ikaela nakesho.