1 SAMUELI 19:24 - Biblia Ilagho Jiboie Kwa Wandu Wose

²⁴ Ukafunya nguwo rake wokoni; nao ukaasindafunya wulodi imbiri ya Samueli nadime dii, sena nakio chee uko duu. Hata na wandu wikaghamba, “Huwo Sauli nao moni ni umu wa walodi?”

1 SAMUELI 19:24 Խաչաձեւ Հղումներ

2 SAMUELI 6:14

Daudi orekoghe warwa naivera ya kitani ndicha; ukamvinia BWANA kwa ndighi rake rose.

2 SAMUELI 6:20

Nao Daudi ukaghenda kuroghuana na wandu wa nyumbenyi kwake. Na Mikali mwai wa Sauli ukacha kummara ukaghamba, “Ni ishimaki mzuri wa Israeli wakuneka idime, hata ukakufunukuagha moni imbiri ya wai wa kazi wa wabaa wake, seji mundu wa kisha ukufunukuagha usene waya!”

ISAYA 20:2

Ngelo iyo, BWANA oreghorieghe na Isaya mwana wa Amozi ukighamba, “Ghenda kuinje iyo nguwo ya igunia iko kiwonunyi kwako na vadu viko maghunyi kwako.” Isaya ukasikira, ukaghenda duu sena usena vadu maghunyi kwake.

MIKA 1:8

Niko Mika ukaghamba, “Kwa wundu ghwa ilagho iji nichalila na kukema mchungu; nichaghenda na maghu maduu niko mtughuta; nichakema sa kikwau, na kulila sa nyagha, kuwonyera wasi ghwapo.

MITALO 24:4

madedo ghake uo uwonagha malagho gha Mlungu, uo uwonagha mawono gha Uo-Uwadie-Ndighi-Rose, ghikisea worinyi:

MABONYO GHA WADUMI 9:21

Wose weremsikireghe wikashinika wikighamba, “Welee, uhu mundu suo moni orekoghe ukiwitotesha wandu awo werekoghe wikijighora iji irina Jerusalemu anguwada? Na aha nako oocha kwa wundu ugho ghoni, uwifunge na kuwighenja kwa wakohani wabaa.”

1 SAMUELI 10:6

Ahoeni Roho wa BWANA uchakuchea aighu kwako kwa ndighi mbaa; na oho kuchafunya wulodi chiaimweri nawo na kughaluswa wuzima.

1 SAMUELI 15:35

Nao Samueli ukafwa usemmbonie Sauli; ela orekoghe ukisirimika kwa wundu ghwake, na Mlungu ukawawa kwa kukaia oremsaghueghe Sauli ukaie mzuri aighu ya Israeli.

1 SAMUELI 18:10

Nakesho yaro, ija roho mbiwi idumilo ni Mlungu ikamchea Sauli, ukakaia ukideda kisha kisha a nyumbenyi kwake ingelo Daudi orekoghe ukikaba kinubi sa matuku mazima ghiidie, na Sauli orekoghe wawadia ifumu jake mkonunyi.