1 SAMUELI 14:36 - Biblia Ilagho Jiboie Kwa Wandu Wose

³⁶ Niko Sauli ukawizera wandu wake, “Nndokonyi diwinughe Wafilisti nakio, diwikabe na kuwisoka vilambo hata ndoe kuelenyi; diwibwaghe na kuwimeria.” Nawo wikaghamba, “Bonya ijo jose kujiwonagha kukaia icha kwako.” Ela mkohani ukaghamba, “Dimkotie Mlungu kande.”

1 SAMUELI 14:36 Խաչաձեւ Հղումներ

ZABURI 73:28

Ela ini, ni nicha nikaie kaavui na Mlungu; nipate wulindiri ghwa Bwana MLUNGU, na kueresha malagho gha kazi rake rose.

ISAYA 58:2

Sena hoku waawuyanilola kula ituku, wikikunda kurimanya chia rapo, sa wandu wa hachi, na sa wandu wiserisighie sharia ra Mlungu wawo. Wakunda kupata kutanya kwa hachi na kukunda kusoghoda kaavui na Mlungu.”

JEREMIA 6:5

Kwa huwo wukenyi diwikabe nakio, dipate kuritotesha ngome ra mizi yawo.”

MALAKI 2:7

Ni kazi ya mkohani kufundisha malagho gha loli gha Mlungu. Yawifwana wandu wighendeghe kwa mkohani, wipate kufundishwa sharia rapo angu uo ni mdumwa wa BWANA Uwadie-Ndighi-Rose.

MITALO 27:21

Nao uchakaia ukimghendia mkohani Eleazari, uo uchaakaia ukimzighaniria maza rake kwa Urimu imbiri yapo. Agho uchaakaia ukighora, nigho gheni Joshua na izungu jose ja wandu wa Israeli wichaakaia wikibonya.”

JAKOBO 4:8

Msoghoderenyi Mlungu, nao uchamsoghodera inyo. Ioghoshenyi mikonu yenyu inyo wakaung'a, na kurielesha ngolo renyu inyo wandu wa nia iwi.

JOSHUA 10:19

ela inyo mmbeni msekaie aho, muwinughe wamaiza wenyu, muwikabe kwa chia ya na nyuma, msewisighe wikingia mizinyi kwawo; kwa kukaia BWANA, Mlungu onyu wawingira mikonunyi konyu.”

JOSHUA 11:14

Waisraeli wikawada vilambo va zoghori na mfugho kufuma kwa iyo mizi wikaviwusa, ela wikabwagha kula mundu na kuwitotesha wose, hata ndeweresighieghe mndungi ukisoda anduangi.

1 SAMUELI 1:23

Mumi wake Elkana ukatumbulia, “Bonya sa iji koni kwawona nicha kumoni, weseria hata kwamfunya mwana mariwa; BWANA ndejikatishe ilagho jake.” Kwa huwo Hana ukasigharika mzinyi ukimlela mwana wake, hata ukameria kumsighisha mariwa.

1 SAMUELI 11:11

Nao nakesho yaro, Sauli ukawiwagha wandu mafungu adadu; wikaichea kambi ya Waamoni ndoe yalighisa kuela, wikawibwagha hata iruwa jikabia; na awo weresigharikieghe, wikakimbia kula mundu chia yake, kuseko na kunughana.

1 SAMUELI 14:3

aghadi yawo, orekoghe mwana wa Ahitubu mruna Ikabodi mwana wa Finehasi, wawae Eli uo orekoghe mkohani wa BWANA aja Shilo; nao orekoghe ukirwa naivera. Wandu ndeweremanyireghe wei Jonathani waghenda.