1 JOHANE 5:4 - Biblia Ilagho Jiboie Kwa Wandu Wose

⁴ Kwa kukaia uo uvalo ni Mlungu, wadaghusima wurumwengu; nesi daghusima wurumwengu kwa chia ya irumirio jedu.

1 JOHANE 5:4 Խաչաձեւ Հղումներ

JOHANE 1:13

Awo werewurieghe wana wa Mlungu, si kwa ndighi ra kidamu, angu kwa ndighi ra mumbi, hata kwa lukundo lwa mdamu anduangi, ela kwa Mlungu.

JOHANE 16:33

Namghoria malagho agha, mpate kukaia na sere andenyi kwapo; mchakaia na wasi wurumwengunyi, ela kaienyi na ngolo, ini naghusima wurumwengu.”

JOHANE 3:3

Jesu ukamtumbulia, “Nakughoria loli, ngera mundu usevalo kawi ndedimagha kughuwona wuzuri ghwa Mlungu anduangi.”

1 WAKORINTHO 15:57

Ela chawucha kwa Mlungu, uo udinekagha kusima kwa chia ya Bwana odu Jesu Kristo.

1 JOHANE 2:29

Ikakaia mwaichi angu Kristo ni mhachi, mwadima kukaia na wuloli kukaia kula mundu ubonyagha hachi oovalwa ni Mlungu.

1 JOHANE 3:9

Kula mundu uvalo ni Mlungu ndebonyagha kaung'a; angu asili ya Mlungu yadakaia andenyi kwake, nao ndedimagha kubonya kaung'a, kwa kukaia oovalwa ni Mlungu.

1 JOHANE 4:4

Wanake watini, inyo mo wa Mlungu, nenyo mwawisimie awo walodi wa tee, angu uo Roho uko andenyi konyu, ni m'baa kuchumba uo roho uko wurumwengunyi.

1 JOHANE 5:1

Kula mundu urumiriagha kukaia Jesu ni Kristo, ni mwana wa Mlungu; na kula mundu umkundagha muvi wadamkunda na mwana wori.

1 JOHANE 5:18

Isi damanya angu mndungi uvalo ni Mlungu ndebonyagha kaung'a, kwa kukaia Mwana wa Mlungu wadamlindia; na Uja Mmbiwi ndem'bonyagha ilagho jingi anduangi.

1 JOHANE 5:5

Nao nani udimagha kughusima wurumwengu, iseeka ni uo urumiriagha kukaia Jesu ni Mwana wa Mlungu?

WUFUNUO 12:11

Nawo wedemsima kwa iyo bagha ya Mwana wa Ng'ondi, na kwa ilagho ja wushuhuda ghwawo; angu ndewereghikundieghe marangi ghawo hata kifwa.

WUFUNUO 15:2

Nao ngawona kindo sa bahari ya kilole iranganyiro na modo, na awo wandu wereisimieghe ija nyamandu, na ija fwana yake etasa, na uo mundu wa irina ja ugho mtalo; wiko kimusi imbiri ya iyo bahari ya kilole wiwadie zeze ra Mlungu mikonunyi kwawo.

WUFUNUO 2:11

Uo uko na kudu, ndesikire agho malagho Roho ughighoriagha agho makanisa. Uo usimagha, ndechaabonywa ilagho jingi ni icho kifwa cha kawi anduangi.’”

WUFUNUO 2:17

Uo uko na kudu, ndesikire agho malagho Roho ughighoriagha agho makanisa. Uo usimagha, nichamneka imu ya mana ivisiro, na kumneka igho ja chokwa jiandikilo irina iwishi aighu yaro, ijo mndungi usejiichi, ela uo mundu moni ujiwusagha.’

WUFUNUO 2:26

Uo usimagha na kuribonya kazi rapo hata kutua, nichamneka kubonya nguma aighu ya iro mbari,

WUFUNUO 2:7

Uo uko na kudu, ndesikire agho malagho Roho ughighoriagha agho makanisa. Uo usimagha nichamneka kuja matunda gha mudi ghwa irangi, ugho ghuko andenyi ya mbuwa ya Mlungu.’

WUFUNUO 3:12

Uo usimagha, nicham'bonya ukaie nguro andenyi ya iyo hekalu ya Mlungu wapo, hata najingi ndechaafuma aho anduangi. Nichajiandika irina ja Mlungu wapo aighu kwake, na irina ja muzi ghwa Mlungu wapo, ugho Jerusalemu mmbishi ghuseagha kufuma mlungunyi kwa Mlungu wapo, na irina japo jeni iwishi nichajiandika wori.

WUFUNUO 3:21

Uo usimagha, nichamrumiria kusea kidombo andwamweri nani kwa kifumbi chapo cha nguma seji koni ini neresimieghe na kusea kidombo andwamweri na Aba kwa kifumbi chake cha nguma.

WUFUNUO 3:5

Uo usimagha, ucharushwa nguwo ra chokwa woruwo, nani sichaajivuta irina jake andenyi ya icho chuo cha irangi anduangi; ela nichajirumiria imbiri ya Aba na imbiri ya weke malaika wake.