1 JOHANE 4:7 - Biblia Ilagho Jiboie Kwa Wandu Wose

⁷ Wakundwa, dikundane diweni na diweni, angu lukundo lwafuma kwa Mlungu; na uo uko na lukundo oovalwa ni Mlungu nao wamwichi Mlungu.

1 JOHANE 4:7 Խաչաձեւ Հղումներ

JOHANE 13:34

Momu mmbishi namneka inyo: Kundanenyi mmbeni na mmbeni; sa iji koni neremkundieghe, nenyo mkundane woruwo.

JOHANE 17:3

Najo irangi ja kala na kala nijo iji: wikumanye oho Mlungu wa loli kuekeri, na Jesu Kristo uo koremdumieghe.

1 WAKORINTHO 8:3

Ela uo mundu umkunde Mlungu, wamanyikie kwake.

2 WAKORINTHO 4:6

Angu uo Mlungu ughambie, “Mwengere ndeghung'ale-ng'ale kufuma kirenyi”, nuo moni ung'alie andenyi ngolonyi kodu, na kudineka mwengere, dipate kughumanya wubaa ghwa Mlungu ghwawuyang'ala-ng'ala wushunyi kwa Kristo.

WAGALATIA 4:9

ela idana, mwachemmanya Mlungu; angu nighambe, Mlungu wammanyire inyo. Mwadima wada kuwuya nyuma, na kuriwuria sena rija roho ra wurumwengu ughu ra wukiwa risewadie ndighi; na kukunda kuwuya wazumba wawo kawi?

WAGALATIA 5:22

Ela itunda ja Roho, ni lukundo, kuboilwa, sere, kurumaghia, kutala wandu, ishima, wuloli,

WUKUMBUSO 30:6

Sena BWANA Mlungu onyu uchaboisa ngolo renyu na ra wana wenyu, mpate kumkunda BWANA Mlungu onyu kwa ngolo renyu rose, na kwa roho renyu rose, eri mpate kukaia moyo.

2 TIMOTHEO 1:7

Angu Mlungu nderedinekieghe Roho wa wowa anduangi, ela oredinekieghe Roho wa kudima, na lukundo, na kukumazira.

1 PETRO 1:22

Kwa kukaia mwamerie kujielesha irangi jenyu kwa kuisikira ija loli, na kupata lukundo lwa loli lowikunda wanidu, fungenyi ndighi kukundana mmbeni na mmbeni kwa ngolo.

1 JOHANE 2:10

Uo umkundagha mruna, wadakaia andenyi ya ugho mwengere, na andenyi kwake, ndekuwadie kikuwaro chingi anduangi.

1 JOHANE 2:29

Ikakaia mwaichi angu Kristo ni mhachi, mwadima kukaia na wuloli kukaia kula mundu ubonyagha hachi oovalwa ni Mlungu.

1 JOHANE 2:3

Huwu niko didimagha kukaia na wuloli kukaia damwichi Mlungu, iji daiwadia memu yake.

1 JOHANE 2:4

Mndungi ukaghamba wei wamwichi, nao ndeisikiragha memu yake, ni mtee; na ija loli ndeiko andenyi kwake anduangi.

1 JOHANE 2:7

Wakundwa wapo, ughu momu nimuandikiagha si mmbishi anduangi; ela ni momu ughoni ghwa kala morekoghe nagho kufuma kuzoya; nagho ni ijo ilagho morejisikireghe.

1 JOHANE 3:9

Kula mundu uvalo ni Mlungu ndebonyagha kaung'a; angu asili ya Mlungu yadakaia andenyi kwake, nao ndedimagha kubonya kaung'a, kwa kukaia oovalwa ni Mlungu.

1 JOHANE 4:11

Wakundwa, ikakaia Mlungu oredikundieghe huwo, yadifwana na isi dikundane diweni na diweni.

1 JOHANE 4:12

Ndekuwadie mndungi ummbonie Mlungu jingi; dikakundana diweni na diweni, Mlungu uchakaia andenyi kodu, na lukundo lwake luchakatia andenyi kodu.

1 JOHANE 4:16

Kwa wundu ugho daichi na kurumiria ulo lukundo Mlungu udikunde nalo. Mlungu ni lukundo, na uo ukaiagha andenyi ya lukundo, wadakaia andenyi ya Mlungu, na Mlungu wadakaia andenyi kwake.

1 JOHANE 4:20

Mndungi ukaghamba “Namkunde Mlungu,” nao uazamilwa ni mruna, mundu uo ni mtee. Angu uo uzamilwagha ni mruna ummbonagha, ndedimagha kumkunda Mlungu usemmbonagha anduangi.

1 JOHANE 4:8

Uo usene lukundo, ndemwichi Mlungu, angu Mlungu ni lukundo.

1 JOHANE 5:1

Kula mundu urumiriagha kukaia Jesu ni Kristo, ni mwana wa Mlungu; na kula mundu umkundagha muvi wadamkunda na mwana wori.

2 JOHANE 1:5

Na idana mkeku, nakulomba dikundane diweni na diweni, si angu wei naawuyakuandikia momu mmbishi, ela ni ghuja ghoni dikaiagha nagho kufuma kuzoya.