1 JOHANE 4:2 - Biblia Ilagho Jiboie Kwa Wandu Wose

² Inyo muchammanya Roho wa Mlungu kwa chia ihi: kula roho irumiriagha angu Jesu Kristo orechieghe ukawuya mdamu, ni ya Mlungu,

1 JOHANE 4:2 Խաչաձեւ Հղումներ

JOHANE 1:14

Nao Ilagho ukawuya mdamu uchue mvono na loli; ukakaia aghadi kodu, nesi dikaghuwona wubaa ghwake; nagho ni wubaa sa ghwa mwana wa ititi ufumie kwa Aba.

1 WAKORINTHO 12:3

Kwa huwo nakunde mtambukilo angu ndekuwadie mndungi jingi udimagha kudeda na Roho wa Mlungu, nao ughambe wei “Jesu ndewasiro njowe;” na mndungi nao ndedimagha kughamba “Jesu ni Bwana” useeka ni kwa Roho wa Mlungu.

1 TIMOTHEO 3:16

Ni wushuhuda ghusedimagha kukanwa kukaia, iyo ngasu ya dini yedu ni mbaa na ndighi: Orewonekieghe worinyi kwa mumbi, ukarumirilwa kukaia na hachi ni Roho; Ukawonwa ni weke malaika, ukachilwa aghadi ya wandu wa iro mbari; ukarumirilwa wurumwengunyi, ukadwalwa aighu mlungunyi kwa wubaa.

1 JOHANE 1:2

Irangi ijo jerewonyeroghe worinyi, nesi dajiwonie, na kujishuhudia; najo damchilia inyo, ijo irangi ja kala na kala, jerekoghe andwamweri na uja Aba, na kuwoneka worinyi kodu.

1 JOHANE 2:23

Ndekuwadie mndungi umkanagha uja Mwana, ima sena ukaie na uja Aba; uo ose umrumiriagha uja Mwana, oko na uja Aba wori.

1 JOHANE 4:15

Uo ose urumiriagha kukaia Jesu ni Mwana wa Mlungu, Mlungu wadakaia andenyi kwake, na uo wadakaia andenyi ya Mlungu.

1 JOHANE 4:3

na kula roho isemrumiriagha Jesu si ya Mlungu anduangi. Iyo ni roho ya M'maiza wa Kristo, iyo moresikireghe angu iacha, na idana eko wurumwengunyi.

1 JOHANE 5:1

Kula mundu urumiriagha kukaia Jesu ni Kristo, ni mwana wa Mlungu; na kula mundu umkundagha muvi wadamkunda na mwana wori.

2 JOHANE 1:7

Angu wakalii wengi wamerie kufumirika wurumwengunyi, wandu wikanagha kukaia Jesu Kristo orechieghe ukawuya mdamu; mundu uo ni mkalii, na M'maiza wa Kristo.