1 JOHANE 3:1 - Biblia Ilagho Jiboie Kwa Wandu Wose

¹ Wonenyi ni lukundo lufwane wada uja Aba udikunde nalo, hata dikadima dawangwa wana wa Mlungu; nesi niko koni diko. Ihi niyo sababu wurumwengu ghusewuedimanya, kwa kukaia ndeghoremmanyireghe Uo.

1 JOHANE 3:1 Խաչաձեւ Հղումներ

2 SAMUELI 7:19

Nao sena ee Bwana MLUNGU, kukawona agho ni matini, kukachuria kulaghira kukaia kuchaniaghia ini mdumiki wako nyumba matuku ghichagha; sena kwaja malagho gha kivalwa chake chichagha ee Bwana MLUNGU!

ZABURI 31:19

Ni mungi saki ugho wucha ghwako, kuwiwikie awo wandu wikuobuagha oho! Kwaghubonyere imbiri ya wandu wose kwa wundu ghwa awo wikukimbiriagha oho.

JEREMIA 3:19

BWANA waghamba, “Yakaiagha nicha saki ngera nedekuwika aghadi ya wana wapo, eri nikuneke isanga jighokie; na ifwa jiboie kuchumba ja mbari rose. Neregheshereghe kuchaniwanga Aba kuseko na ugho wundu ghwa kughaluka na kusigha kughendanya nani.

HOSEA 1:10

Elaima sena mtalo ghwa wandu wa Israeli ghuchakaia sa msangagha ghwa baharinyi, ghusepimikagha hata ghusetalikagha anduangi. Na andu Mlungu orewizerieghe, “Inyo ndemko wandu wapo,” uchawizera konyuma, “Inyo mo wana wa Mlungu uko moyo.”

LUKA 20:36

angu ndewiwuyaafwa sena anduangi, kwa kukaia wakaia karakara na weke malaika, nawo ni wana wa Mlungu, angu wameria kuruka kufuma kwa wafu.

JOHANE 1:12

Elaima awa weremmbusireghe, wikarumiria kwake, orewinekieghe ndighi rewuya wana wa Mlungu.

JOHANE 11:52

hata si kwa mbari yawo iekeri anduangi, ela uwikwanye chiaimweri awo wana wa Mlungu wisaghisikie.

JOHANE 15:21

Ela wicham'bonyera maza iri rose kwa wundu ghwapo, angu ndewimwichi uo orenidumieghe anduangi.

JOHANE 16:3

Nawo wicham'bonya huwo kwa kukaia ndewimwichi uja Aba, hata ini anduangi.

JOHANE 17:25

Ee Aba wa hachi, wurumwengu ndeghukuichi oho, ela ini nakuichi, na awa waichi angu ni oho korenidumieghe.

JOHANE 3:16

Angu Mlungu oreghukundieghe wurumwengu, hata ukamfunya Mwana wake uvalwagha wa ititi, uo ose urumiriagha kwake usetote anduangi, ela ukaieghe na irangi ja kala na kala.

WAROMA 5:8

Ela Mlungu wawonyera seji udikunde, angu hata iji derekoghe dikikaia kaung'enyi Kristo orefueghe kwa wundu ghodu.

WAROMA 8:19

Angu vilambo vose viumbilo vawesera kwa bea mbaa kuja kufunukulwa kwa wana wa Mlungu.

WAROMA 8:21

kukaia, ivo vilambo veni vichafunywa andenyi ya wuzumba ghwa kuwoa, vipate wuhuru ghwa wubaa ghwa wana wa Mlungu.

WAROMA 8:32

Uo useremmbonieghe wughoma Mwana wake moni, ela ukamfunya kwa wundu ghodu isi diwose, uchalegha wada kudineka vindo vose andwamweri nao?

2 WAKORINTHO 6:18

Nani nichakaia ndeyo onyu, nenyo mchakaia wana wapo wa womi na wa waka; waghamba Bwana uwadie ndighi rose.”

WAGALATIA 3:26

angu inyo mmbose moko wana wa Mlungu andenyi ya Kristo Jesu kwa chia ya irumirio.

WAGALATIA 3:29

Na ikakaia muko wa Kristo, aho moko wana wa Abrahamu, na wana wa ifwa karakara na ijo ilaghiro.

WUKUMBUSO 14:1

“Inyo mo wandu wa BWANA Mlungu onyu; mkakalila ifwa, msekudeme angu kuara maridia ghenyu sa wandu wazima.

WAKOLOSAI 3:3

Angu mwafue, na irangi jenyu javisiro andwamweri na Kristo kwa Mlungu.

1 JOHANE 3:10

Kwa ilagho iji, wana wa Mlungu wawoneka worinyi, na wana wa Ibilisi wori. Uo ose usebonyagha hachi, si wa Mlungu anduangi; hata uo usemkunde mruna.

1 JOHANE 3:2

Wakundwa, de wana wa Mlungu idana; ela ndeiwueka worinyi seji dichaakaia. Damanya angu kasikira Kristo wawoneka worinyi, dichafwanana nao, angu dichammbona seji koni uko.

1 JOHANE 4:17

Kwa ilagho iji, ulo lukundo lwa Mlungu lwakatishwa andenyi kodu, eri dipate kukaia na wuwana ijo Ituku ja Kutanywa; angu sa iji koni Kristo uko, niko koni na isi dikaiagha wurumwengunyi.

WUFUNUO 21:7

U mundu usimagha, uchapata ifwa iji, nani nichakaia Mlungu wake, nao uchakaia mwana wapo.