1 JOHANE 2:5 - Biblia Ilagho Jiboie Kwa Wandu Wose

⁵ Ela uo ose ujiwadiagha ilagho jake, lukundo lwa Mlungu lwamerie kukatia andenyi kwake loli. Kwa chia ihi, dadima kukaia na wuloli angu deko andenyi kwake.

1 JOHANE 2:5 Խաչաձեւ Հղումներ

ZABURI 105:45

eri wandu wake widime kuriwada sharia rake, na kusikira malaghiro ghake. BWANA ndekaso!

ZABURI 106:3

Warasimilwa awo wiitalagha hachi, na kubonya agho ghiko gha loli ngelo rose.

ZABURI 119:146

Nakuwanga; nikire, nani nichaiwadia memu yako.

ZABURI 119:2

Warasimilwa awo wiiwadiagha memu yake, awo wimlolagha BWANA kwa ngolo yawo yose.

ZABURI 119:4

BWANA kwadinekie sharia rako, kukadizera diriwadie nicha.

MAKATANISHO 28:7

Mundu uiwadiagha sharia, ni mwana wa hikima; ela mngara wa wandu wa lwafuo, wadamfusha ndee waya.

MAKATANISHO 8:32

“Idana wana wapo, nisikirenyi. Warasimilwa awa wibonyagha seji nighoragha.

MCHILI 8:5

Kukamsikira kuchakaia banana; mundu uko na hikima uchamanya seji ubonyagha kwa ngelo yaro.

EZEKIELI 36:27

Nichangira roho yapo andenyi konyu, na kumghenja kwa kunugha sharia rapo, nenyo mchailindia na kuitala memu yapo.

LUKA 11:28

Ela uo ukaghamba, “Ela warasimilwa kuchumba awa wijisikiragha ilagho ja Mlungu na kujiwadia.”

JOHANE 14:21

Uo uiwadagha memu yapo na kuikatisha, nuo unikundagha; na uo unikundagha, uchakundwa ni Aba, na ini nichamkunda na kukuwonyera ini moni kwake.”

JOHANE 14:23

Jesu ukamtumbulia, “Mundu ukanikunda, uchajiwadia Ilagho japo, na Aba uchamkunda, nesi dichacha na kukaia andwamweri nao.

JOHANE 15:5

“Ini ne mzabibu, na inyo mo mbashu. Uo ukaiagha andenyi kwapo na ini andenyi kwake, nuo moni uvagha matunda mengi; angu ndemdimagha kubonya ilagho jingi kuseko na ini.

JOHANE 6:56

Uo ujagha mumbi ghwapo na kuinywa bagha yapo, wadakaia andenyi kwapo na ini andenyi kwake.

WAROMA 8:1

Kwa huwu idana, ndekuwadie kutanywa kungi kwa awo wiko andenyi ya Kristo Jesu.

1 WAKORINTHO 1:30

Mlungu nuo asili ya irangi jenyu andenyi ya Kristo Jesu; nao nuo um'bonyere Kristo Jesu ukaie hikima edu, hachi edu, kueleshwa kodu, na wukomboli ghodu.

2 WAKORINTHO 5:17

Kwa huwo ngera mndungi oko andenyi ya Kristo, wakaia iumbo iwishi, maza ra kala rameria kuida, na iro mbishi rameria kucha.

2 WAKORINTHO 5:21

Kristo ndereichii kaung'a, ela Mlungu orem'bonyereghe kukaia kaung'a kwa wundu ghodu, eri isi dipate kukaia hachi ya Mlungu andenyi kwake.

JAKOBO 2:22

Idana kwawona angu irumirio jerebonyereghe kazi andwamweri na mabonyo ghake, na irumirio jerekatishiroghe ni kazi;

1 JOHANE 3:24

Wandu wose wiiwadiagha memu ya Mlungu, wadakaia andenyi kwake, nao moni andenyi kwawo. Kwa chia iyo, isi damanya angu Mlungu oko andenyi kodu, kwa uo Roho oredinekieghe.

1 JOHANE 4:17

Kwa ilagho iji, ulo lukundo lwa Mlungu lwakatishwa andenyi kodu, eri dipate kukaia na wuwana ijo Ituku ja Kutanywa; angu sa iji koni Kristo uko, niko koni na isi dikaiagha wurumwengunyi.

1 JOHANE 4:18

Andu lukundo luko, wowa ndeghuko; ela lukundo lukatie lwadainja wowa. Mundu uko na wowa, ndewadie lukundo lukate, angu adhabu yadaobolwa; na uo uobuagha, ndekatie kwa lukundo anduangi.

1 JOHANE 5:2

Kwa ilagho iji damanya angu dawikunde wana wa Mlungu, iji damkunda Mlungu, na kuikatisha memu yake.

1 JOHANE 5:20

Nesi damanya angu Mwana wa Mlungu wamerie kucha, na kudineka kutambukilwa, dipate kummanya Mlungu wa loli; nesi deko andenyi kwake uo Mlungu wa loli, andenyi ya Mwana wake Jesu Kristo. Uhu nuo Mlungu wa loli, na irangi ja kala na kala.

2 JOHANE 1:6

Ulu nilo lukundo, kukaia, dighende karakara na memu yake; na ughu nigho ugho momu, kukaia, mghende kwa lukundo sa iji koni moresikireghe kufuma kuzoya.

WUFUNUO 12:17

Niko iyo choka ikam'bonyera machu uo muka, ikaghenda kubonya wuda na kivalwa chake chisigharikie; awo wandu wiiwadiagha memu ya Mlungu na awo wiko na wushuhuda ghwa Jesu. Nayo ikakaia kimusi a msangaghenyi ghwa bahari.

WUFUNUO 14:12

Aha niko jikundikie irumaghio ja waeli, awo wiiwadiagha memu ya Mlungu na ijo irumirio ja Jesu.