1 JOHANE 2:2 - Biblia Ilagho Jiboie Kwa Wandu Wose

² nao nuo wushano ghwa kaung'a redu; hata si kwa wundu ghwa kaung'a redu reni riekeri anduangi, ela na ra wurumwengu ghose wori.

1 JOHANE 2:2 Խաչաձեւ Հղումներ

WALAWI 16:10

ela iyo fwandi yawonyerwa ni kura kukaia ya Azazeli, ichafunywa iko moyo kwa BWANA ipate kubonya mapatano; kwa kuilekeria ighende noko cha kireti kwa Azazeli, ikidwa kaung'a ra wandu.

LUKA 14:22

Nao uja mdumiki ukaghamba, ‘Bwana iro korelaghirieghe rameria kubonyeka, na wulalo ghumu ghoko aeni.’

JOHANE 1:29

Nakesho yaro, Johane ukammbona Jesu ukimchea ukaghamba, “Zighanenyi Mwana wa ng'ondi wa Mlungu, uinjagha kaung'a ra wurumwengu.

JOHANE 12:32

Nani ngameria kujoswa aighu ya ndoenyi, nichawiruda wandu wose cha kwapo.”

JOHANE 4:42

Wikamzera uja muka, “Idana isi darumiria, si kwa wundu ghwa malagho ghako tu, ela angu damsikira isi diweni, nesi damanya loli uhu ni Mkiri wa wurumwengu.”

WAEBRANIA 2:17

Kwa huwo, eremfwaneghe ufwananisho na waruna kwa kula chia, eri upate kukaia Mkohani M'baa uwadie wughoma, na uko mloli kwa wudumiki ghwa Mlungu, na kulipia kaung'a ra wandu.

1 PETRO 2:24

Kristo moni oreridukieghe kaung'a redu mumbinyi kwake aighu ya mudi, eri dipate kufwa cha kaung'enyi, na kukaia moyo cha hachinyi. Kwa makabo ghake, moreombochologhe.

1 PETRO 3:18

Angu Kristo wori orefueghe kwa wundu ghwa kaung'a indo jimweri tua; mundu wa hachi, kwa wundu ghwa wandu wiseko na hachi; eri upate kudireda kwa Mlungu; mumbi ghukabwaghwa, ela roho ikakaishwa moyo.

1 JOHANE 1:7

Ela dikaghenda na mwengere, sa iji koni uo uko mwengerenyi, dichakaia na wungara diweni na diweni, na bagha ya Jesu Mwana wake, iadioghoshagha kaung'a rose.

1 JOHANE 3:5

Nenyo mwamanya angu Kristo orewonekieghe worinyi upate kuriinja kaung'a, na andenyi kwake ndekuwadie kaung'a ingi anduangi.

1 JOHANE 4:10

Ulu nilo lukundo, si angu wei deremkundieghe Mlungu, ela uo nuo oredikundieghe, hata ukamduma Mwana wake upate kukaia wushano kwa wundu ghwa kaung'a redu.

1 JOHANE 4:14

Nesi dawonie, sena dashuhudia, angu uja Aba oremdumieghe Mwana wake ukaie Mkiri wa wurumwengu.

1 JOHANE 5:19

Isi damanya angu de wa Mlungu, na wurumwengu ghose ghwadakaia aisi ya Uja Mmbiwi.

WUFUNUO 12:9

Na iyo choka mbaa ikapotolwa, iyo choka ya kala, iyo iwangwagha Ibilisi na Shetani, uo mkalii wa wurumwengu ghose; nao ukapotolwa andoenyi chiaimweri na weke malaika wake.