1 JOHANE 2:1 - Biblia Ilagho Jiboie Kwa Wandu Wose

¹ Wana wapo watini, namuandikia agha eri msebonye kaung'a; ela ngera mndungi wabonya kaung'a, deko na mdederii kwa uja Aba, Jesu Kristo uja Mhachi,

1 JOHANE 2:1 Խաչաձեւ Հղումներ

ZABURI 4:4

Msesighe machu ghenyu ghimngire kaung'enyi; kaienyi kima mawulinyi konyu, mkighipima agho malagho.

EZEKIELI 3:21

Elaima kukamuonya mundu wa hachi usebonye kaung'a, nao ukaie usebonyere kaung'a; loli uchakaia moyo, kwa kukaia oresikireghe maonyo; na oho kuchakaia kwakira irangi jako.”

ZEKARIA 9:9

Zumenyi ee wandu wa Sioni! Kemenyi kwa kuboilwa inyo wandu wa Jerusalemu! Wonenyi mzuri onyu uamchea! Oko na wusimi m'baa; ela ni mmboa nao wajoka aighu ya punda; punda mtini, mwana wa punda.

LUKA 10:22

Nanekelo vilambo vose ni Aba; hata ndekuwadie mndungi ummanyagha Mwana nani, ela Aba moni, sena mndungi ndemmanyagha Aba nani, ela Mwana moni, na uo ose Mwana uchaamsaghua umfunukuye.”

JOHANE 10:15

sa iji Aba uniichi ini, nani namwichi Aba; nani najifunya irangi japo kwa wundu ghwa ng'ondi.

JOHANE 13:33

“Wanake, ngelo ekanya nenyo yasighwa ndinieri. Mchanilola, nani namghoria sa iji koni nereghorieghe vilongozi va Wayahudi, ‘Andu nighendagha, inyo ndemdimagha kucha anduangi.’

JOHANE 14:16

Nani nichamlomba Aba, nao uchamneka Mtesia mzima, uchaakaianya na inyo kwa kala na kala.

JOHANE 14:6

Jesu ukamtumbulia, “Ini nuo Chia, na Loli, na Irangi; mndungi ndedimagha kucha kwa Aba useidirie kwapo.

JOHANE 21:5

Jesu ukawikotia, “Wanake, mwawada samaki ringi?” Wikatumbulia, “Hata!”

JOHANE 5:14

Konyuma Jesu ukamkua uja mundu Hekalunyi, ukamzera, “Ola kwaboisiro, lindia kusebonye kaung'a sena kuchepatwa ni ilagho jizamie kuchumba jija.”

JOHANE 5:36

“Ela neko na wushuhuda m'baa kuchumba ugho ghwa Johane. Angu iro kazi niribonyagha, iro Aba oreninekieghe niribonye, niro reni rinishuhudiagha kukaia uo orenidumieghe ni Aba.

JOHANE 6:27

Msakebonya kazi kwa wundu ghwa vindo vinonekagha, ela bonyenyi kazi kwa wundu ghwa ivo viduagha hata irangi ja kala na kala. Navo mchanekwa ni Mwana wa Mdamu, angu nuo moni urumirilo ni uja Aba, Mlungu moni.”

JOHANE 8:11

Muka ukatumbulia, “Ndekuwadie ungi Bwana.” Jesu ukamzera, “Hata nani sikutanyagha; ghenda, ela kusebonye kaung'a sena.”]

MABONYO GHA WADUMI 7:52

Ni mlodi uao weke ndeyo wiseremtiririeghe? Sena wikawibwagha awo werezoeghe kueresha malagho gha kucha kwake Uja Mhachi uo moremfunyireghe na kum'bwagha.

WAROMA 5:10

Ikakaia iji derekoghe wamaiza derepatanishiroghe na Mlungu kwa kifwa cha Mwana wake, kuchumba nandighi idana nyuma ya kukundanishwa, dichakirwa kwa irangi jake.

WAROMA 6:15

Da ni wada? Dibonye kaung'a angu diseko aisi ya Sharia deeka aisi ya mvono? Hata kutini.

WAROMA 8:34

nani uwitanyagha? Ni Kristo Jesu umoni orefueghe? Ee, umoni orerukishiroghe kufuma kwa wafu, sena uko kidombo chia ya mkonu ghwa kiwomi ghwa Mlungu ukidilombia na ndighi?

1 WAKORINTHO 15:34

Kuwurienyi; sighenyi kubonya kaung'a. Angu wamu ndewimwichi Mlungu anduangi. Naghora huwu kumfusha waya inyo.

2 WAKORINTHO 5:21

Kristo ndereichii kaung'a, ela Mlungu orem'bonyereghe kukaia kaung'a kwa wundu ghodu, eri isi dipate kukaia hachi ya Mlungu andenyi kwake.

WAGALATIA 4:19

Wana wapo nimkunde, nakaia na luwawo sa lwa muka ukumbagha lufu kwa wundu ghonyu, hata Kristo uumbike andenyi konyu.

WAEFESO 2:18

Angu kwa uo, isi diwose dapata chia emvikia uja Aba, andenyi ya Roho umweri.

WAEFESO 4:26

Mkajokwa ni machu, msebonye kaung'a; msesighe ndoe iso mduagha na machu,

1 TIMOTHEO 2:5

Angu Mlungu ni umweri, na mpatanishi aghadi ya Mlungu na wandu ni umweri, uo mundu, Kristo Jesu;

1 TIMOTHEO 3:14

Nasuwiria kucha kwako kafwani; ela naakuandikia agha malaghiro eri

WAEBRANIA 9:24

Angu Kristo nderengirieghe Andu kwa Wueli kubonyero ni mikonu, kuko fwana ya uko kwa loli anduangi, ela orengirieghe mlungunyi koni; upate kuwoneka imbiri ya Mlungu kwa wundu ghodu.

JAKOBO 1:27

Dini ielie isewadie wuchafu imbiri ya Mlungu Aba, ni ihi: ni kuwighendia na kuwitesia wana wakiwa, na waka wifuilo ni womi wawo kwa wasi ghwawo, na kukulindia moni uselusho ni wurumwengu.

JAKOBO 3:9

Kwa ulo lumi, damkasa uja Bwana na Aba, na kwa ulo loni, dawasira wandu njowe, wiumbilo kwa fwana ya Mlungu.

1 PETRO 2:22

Uo nderebonyerege kaung'a ingi, hata wukalo ghungi ndeghorewonekieghe andenyi ya madedo ghake anduangi.

1 PETRO 3:18

Angu Kristo wori orefueghe kwa wundu ghwa kaung'a indo jimweri tua; mundu wa hachi, kwa wundu ghwa wandu wiseko na hachi; eri upate kudireda kwa Mlungu; mumbi ghukabwaghwa, ela roho ikakaishwa moyo.

1 JOHANE 3:18

Wanake watini, disakekaia na lukundo lwa madedo maduu, ela lwa mabonyo na loli.

1 JOHANE 3:5

Nenyo mwamanya angu Kristo orewonekieghe worinyi upate kuriinja kaung'a, na andenyi kwake ndekuwadie kaung'a ingi anduangi.

1 JOHANE 3:7

Wanake watini, mndungi usakemkalia; uo ubonyagha hachi, ni mhachi seji koni Kristo uko mhachi.

1 JOHANE 4:4

Wanake watini, inyo mo wa Mlungu, nenyo mwawisimie awo walodi wa tee, angu uo Roho uko andenyi konyu, ni m'baa kuchumba uo roho uko wurumwengunyi.

1 JOHANE 5:17

Mabonyo ghose ghiseko hachi ni kaung'a, ela eko kaung'a iseko ya kifwa.

1 JOHANE 5:21

Wanake watini, mkulindie na milimu.

3 JOHANE 1:4

Ndekuwadie kuboilwa kungi kuzima nidimagha kupata, kuchumba uko kusikira kukaia wana wapo wawuyainugha iyo loli.