1 JOHANE 1:7 - Biblia Ilagho Jiboie Kwa Wandu Wose

⁷ Ela dikaghenda na mwengere, sa iji koni uo uko mwengerenyi, dichakaia na wungara diweni na diweni, na bagha ya Jesu Mwana wake, iadioghoshagha kaung'a rose.

1 JOHANE 1:7 Խաչաձեւ Հղումներ

WAEFESO 5:8

angu aho imbiri morekoghe kirenyi, ela idana moko mwengerenyi andenyi ya Bwana; ghendenyi sa wana wa mwengere;

WUFUNUO 1:5

na kufuma kwa Jesu Kristo uo mshahidi mloli, mvalwa wa imbiri wa awo wifue, na uo uwibonyeragha nguma wazuri wa ndoenyi. Kwake uo udikunde, ukadifungua kwa bagha yake difume kaung'enyi redu,

WAROMA 13:12

Kio chalighisa kusia, na dime eko kaavui. Kwa huwu idana, ndedisighe iro kazi ra kira na kurwa maswagha gha mwengere.

WAEFESO 1:7

Andenyi kwake, isi deko na wukomboli ghodu, kwa chia ya bagha yake; kuja kulekelwa makosa ghedu, karakara na wungi ghwa mvono ghwake,

WAEBRANIA 9:14

ni kuchumba saki bagha ya Kristo, uo kwa chia ya Roho wa kala na kala, orekufunyireghe moni kwa Mlungu kuseko na iboli jingi, ichamuelesha nia renyu mfume kwa kazi rifue, mpate kumdumikia Mlungu uko moyo.

WUFUNUO 7:14

Nani ngamzera, “Bwana oho kwamanya.” Nao ukanizera, “Awa niwo waja wandu wifumie matirironyi mabaa, nawo warioghoshere nguwo rawo, na kuribonya kukaia ra chokwa kwa bagha ya Mwana wa Ng'ondi.

1 JOHANE 1:5

Agha nigho malagho dereghisikireghe kufuma kwa Mwana wake; nesi damchilia inyo kukaia, Mlungu ni mwengere, na andenyi kwake ndekuwadie kira chingi anduangi.

1 WAKORINTHO 6:11

Nenyo wamu modeeka woruwo; ela mwaoghoshero, mkaeleshwa, mkabonywa wahachi kwa irina ja Bwana Jesu Kristo na kwa Roho wa Mlungu odu.

1 PETRO 1:19

ela kwa bagha ya zoghori mbaa ya Kristo, sa ya mwana wa ng'ondi usewadie ikosa hata iboli jingi.

JOHANE 12:35

Jesu ukawitumbulia, “Mwengere ghoko andwamweri nenyo kwa ngelo vui eni. Ghendenyi iji muko na ugho mwengere, msecheserelwa ni kira, angu uo ughendagha kirenyi, ndemanyagha andu ughendagha anduangi.

1 JOHANE 5:6

Jesu Kristo nuo orechieghe kwa machi na bagha; hata si kwa machi gheni ghiekeri anduangi, ela kwa machi na bagha.

1 JOHANE 1:3

Ijo Ilagho dijiwonie na kujisikira, damchilia inyo wori, eri mpate kukaia na wungara nesi. Na wungara ghodu, ni andwamweri na uja Aba, na Mwana wake Jesu Kristo.

ZABURI 89:15

Warasimilwa wandu wiichi kukuzumia, awo wighendagha na mwengere ghwako ee BWANA.

ZABURI 56:13

Kwa kukaia oho kwanikirie na kifwa, na kunilindia nisegho; nipate kughenda imbiri ya Mlungu, andenyi ya mwengere ghwa irangi.

ZEKARIA 13:1

BWANA Uwadie-Ndighi-Rose waghamba, “Ituku ijo jikavika, ndoria ichafungulwa eelesha kivalwa cha Daudi na wandu wa Jerusalemu kaung'a na kutasa milimu kwawo.

ISAYA 2:5

Idana ee kivalwa cha Jakobo, ndedighende kwa mwengere ghwa BWANA.

WUFUNUO 12:11

Nawo wedemsima kwa iyo bagha ya Mwana wa Ng'ondi, na kwa ilagho ja wushuhuda ghwawo; angu ndewereghikundieghe marangi ghawo hata kifwa.

1 TIMOTHEO 6:16

Uo uekeri nuo uko na irangi jisenonekagha, nao wadakaia andenyi ya mwengere ghusedimagha kusoghoderwa, uo mndungi usemmbonie jingi, hata usedimagha kummbona; kwake uo ndejikaie ishima na kubonya nguma kwa kala na kala. Amen.

ZABURI 97:11

Wahachi walangalishirwa mwengere, na awo wiko na ngolo ndicha waboilwa.

1 JOHANE 5:8

Weko washahidi wadadu: Uja Roho, ghaja machi, na ija bagha; na awo wadadu, warumiriana.

JAKOBO 1:17

Kula kuneka kuboie, na kula inosi jikatie, jadafuma aighu, jikisea kufuma kwa uja Aba wa miengere. Uo ndeughalukagha, hata kukaia na kiju cheghaluka anduangi.

JOHANE 1:29

Nakesho yaro, Johane ukammbona Jesu ukimchea ukaghamba, “Zighanenyi Mwana wa ng'ondi wa Mlungu, uinjagha kaung'a ra wurumwengu.

3 JOHANE 1:4

Ndekuwadie kuboilwa kungi kuzima nidimagha kupata, kuchumba uko kusikira kukaia wana wapo wawuyainugha iyo loli.

ZABURI 104:2

Kwadarwa mwengere sa nguwo, kwawikie mlungunyi sa hema.

2 JOHANE 1:4

Nereboiloghe nandighi kuwikua wana wako wamu wikiinugha ija loli, seji koni dilaghirilo ni uja Aba.

AMOSI 3:3

“Welee, wandu wawi wadima kughenda chiaimweri ngera wisepatane?

ZABURI 51:2

Kunioghoshe kiwiwi chapo putu, kunieleshe kaung'a yapo.

ISAYA 6:7

Ukaniadada momunyi kwapo na ijo ika, ukaghamba, “Ola iji jakuadada momu ghwako; wuwiwi ghwako ghwainjwa, na oho kwafuilwa wughoma.”

ISAYA 33:24

Ndekuchaakaia na mndungi isangenyi ughoragha wei, “Neeka mkongo”; kwa kukaia wandu wichaakaia aho, wichalekelwa mawiwi ghawo.

MATHAYO 6:12

Kudilekie makosa ghedu, sa iji koni isi diwilekie awa widikosere;

TITO 2:14

Uo orekufunyireghe moni kwa wundu ghodu, upate kudikombua kufuma kwa makosa ghose, na kukueleshera moni wandu wake, awo wifungagha ndighi kwa mabonyo mecha.

JOHANE 5:4

angu malaika wa Bwana orekoghe ukisea ndiwenyi kwa vimu vake kughinyavura machi; na uo ose orezoeghe kungia ndiwenyi nyuma ya machi kunyavurwa, oreboisiroghe wukongo ghwake ugho orekoghe nagho.]