1 JOHANE 1:2 - Biblia Ilagho Jiboie Kwa Wandu Wose
2 Irangi ijo jerewonyeroghe worinyi, nesi dajiwonie, na kujishuhudia; najo damchilia inyo, ijo irangi ja kala na kala, jerekoghe andwamweri na uja Aba, na kuwoneka worinyi kodu.
Si kwa wandu wose, ela kodu isi deresaghuloghe ni Mlungu dikaie washahidi, nesi derejieghe na kunywa andwamweri nao nyuma ya kuruka kwake kufuma kwa wafu.
Angu agho ghiseredimikieghe kwa Sharia, kwa kukaia erekoghe isewadie ndighi kwa wundu ghwa mumbi, Mlungu kwa kumduma Mwana wake moni uko na fwana ya mumbi ghwa kaung'a, ukaie kizongona kwa wundu ghwa kaung'a, waitanyire kaung'a mumbinyi.
Ni wushuhuda ghusedimagha kukanwa kukaia, iyo ngasu ya dini yedu ni mbaa na ndighi: Orewonekieghe worinyi kwa mumbi, ukarumirilwa kukaia na hachi ni Roho; Ukawonwa ni weke malaika, ukachilwa aghadi ya wandu wa iro mbari; ukarumirilwa wurumwengunyi, ukadwalwa aighu mlungunyi kwa wubaa.
Na idana, mvono ugho ghwawonekie worinyi kwa chia ya kuwoneka kwa Mkiri odu Kristo Jesu, uo uinjire kifwa na kureda irangi jisefwagha mwengerenyi kwa chia ya ijo Ilagho Jiboie.
Kwa wundu ugho, nawivoya waghosi wiko aghadi konyu, ini moni niko mghosi sa awo weni, na mshahidi wa matiriro gha Kristo, na mngara wa ghuja wubaa ghuchaafunukulwa.
Mundu ubonyagha kaung'a ni wa Ibilisi, angu Ibilisi wadabonya kaung'a kufuma kuzoya. Kwa wundu ugho, Mwana wa Mlungu orewonekieghe worinyi, upate kurinona kazi ra Ibilisi.
Nesi damanya angu Mwana wa Mlungu wamerie kucha, na kudineka kutambukilwa, dipate kummanya Mlungu wa loli; nesi deko andenyi kwake uo Mlungu wa loli, andenyi ya Mwana wake Jesu Kristo. Uhu nuo Mlungu wa loli, na irangi ja kala na kala.