Room 7:9 - Gooti Toolluro Yogalokwono

⁹ Aiyoga nuu Gooti toolluro loowo tovino kuudo yere miyouroma'dore toga ilaiyo somjomwekovlaiyajonyugono. Toro kwonyu kuruv lukomgu loowo su tovuro doduke tovi wuu'nono toga'no'gwowi ma'no ma'no pasudo tov moro kuudo tovi bwotonyo anyumo'nokakwono. Toro toonyu ma'no ma'nodo toorai mujeroungovlaiyo'moneyokwe anyumo'nokakwono.

Room 7:9 Խաչաձեւ Հղումներ

Matyuu 19:20

Toro wuujuno sumaiyokwe a'mwo muugunyunodo su tool Jisasollu aro kuudokaikono. “Nuu yiuwi'nokai loowo akanyu uumjungelabodumdonyugono.” Kuudokaikono.

Luuk 15:29

Toro wuudoganoduke kuvi kuruv gamoro kwolaiyo sumdomguda'ai tool aro kuudokaikono. “Mi nyunumiyagoloo, nuu kworomo bwotonyago toga gumoro womdo ton gujodumdonyugono. Aki gumoro yiuwi'nokai yogalo nyudodore tonyu mamagudukwopiyodumdonyugono. Toro toonyu meme kula'nyo pwolnodo kwol kuruv mi ibwoto'nyo toorogai lubullu doto yanyo'mo manyuromiyodumdekugono.

Luuk 18:21

Toro wuujuno sumaiyokwe a'mwo tool aro kuudokaikono. “Nuu kula'nyo togada'ai yiuwi'nokai su tonyu kuvinono uumjungelabodumdonyugono.” Kuudokaikono.

Room 10:5

Gooti toolluro sumdo tovi sugudo imo'nyo'moneyokwe aiyoga Moosesol loowo tovino puukwollo puruv aro me'no sakwollokaikono. “A'mwo pwol yiuwi'nokai Moosesolluro loowo tonyu kuumjungovlawo'ji toolno loowo su tonyu'aro aiyo yomjomwekovla'mwalonekono.” Sakwollokaikono.

Room 7:10

Su toro toga aro kuudo sauronyugono. Oo nuu loowo tovuro dodowodo tonyu kuumjuno'mujuko'mno'juki aiyo yiunokuudo mujomwekovlaiyo'moneyokwe tovi amaro'mujukonyugono. Toro kuudo yau'dumdo kwonyu kuruv loowo tonyu ku'nono muumjunono aro kuudo souromaronyugono. Oo nuu ma'no ma'no kuumwiyo tekwonyu nobolmekwonyudeyo. Kuudo souromaronyugono. Loowo tov yiuno bolnodo'moneyokwe toru'no abomanyu'meyajukokwono.

Room 7:11

Toro te ma'no ma'nodo tov mi yoromiyanubweyo'mo tov loowo tovi'aro amolloguuronyudapiyajukokwono. Ma'no ma'nodo tov kuunano aro soukuu'nanyujajukokwono. “Guu loowo tonyu'aro kuumjunbi tov aiyo yiunokuudo mujomwekovlaiyo'moneyokwe tovi noma'binekugono.” Toro nyudoduke kuvi kuruv ku'nono muumjunyajonyugono. Ma'no ma'nodo tov su toro tomgu'aro seromiyanubweyajukokwono.

Room 7:4

Toro te nuugeyobuuravoo, su toro to'busuko kubalno loowo tov kemi kwolo sumdomguda'ai toolbusuko aikullumo'nyajukekono. Toro ikullumo'noduke toga nyeru'mdeyapinpiyokwe loowo tov yiuwi'nokai togaikullu wuulo aikugullajukokwono. Toro ikugulloduke kuvi kuruv kevu Krais tooke me'no abollungopo sumo'nopo toga'no'gwowi Gooti toolluro loowo tovuro jurogudo tovida'ai abirolo'nugolokwopogaikikono. Toro birolo'nugolokwino sumaveyokwe aiyo aiko te adukavoka Krais toollu abilguro'mwonyopogaikikono. Toro abilguro'mwonyopo toga Jisasol kemi kwolo muuduko toolbusuko aikullumo'nokaikono. Aki kevu Krais tooke me'no aguro'mwonyopo togaikul Gooti toolluro ilaiyo winodowo'jure tomgu'aro yomjomwekovlaiyo'moneyokwe sumo'nopogaikikono.

Room 7:6

Aki su toro toga Gooti toolluro loowo ton wuulo nekugullodopure tovi ki'nato womdo kwiyajuwonogano. Toro kuvi kuruv nevu Jisasollu uuguro'mwonyowono kweke abolowo toga'no'gwowi loowo su tovida'ai me'no abirolo'nugolokwowonogano. Toro tonolluno tov aga loowo tonyuro puukwollo sakwollungiko tomgu'aro ki'nato womdo mwimovla'mwalanonogano. Toro kunol kuruv Gooti toolluro Kuullo tool muuduko tomgu'aro mollubworonekumokavla'mdowo'jure tovino'gwowi nokwo uumjungovla'mwalanonogano.

Room 7:8

Toro te Gooti toolluro loowo aro dodowodo tov, “Kevu a'mwo pworavuro noonyumwonyu punyuno kwanyu sumdo mainuwipinono,” su toro dodowodo tov ilaiyokwono. Toro kuvi kuruv nuu yogalo su tovi wuu'nodumdo toga kwanyu sumdo kinuwiyo'moneyokwe tov moro poowokalago tovi womdo bwotonyo anyajukonyugono. Toro toonyu kwanyu sumdo ainuwiyajonyugono. Toro tovino tov loowo tov nonaguto'mno'juki ma'no ma'no pasudo gavnokwe tov me'no abollungiko to'busuko nyumo'nowo'ji ku'nono mame'nonumokavlavowo'jujukokwono.

Room 8:7

Toro tovino tov a'mwo abolo pun kwako akavida'ai kuudo toorai kuumjunpi ton Gooti toolluro loowo tovi dolago tomuu mamwalopi ku'nono muumjunpinogano. Toro ton Gooti toolluro ikomago wimo'numwalpinogano.

Galesiya 2:19

Neya duu'nyulo. Sumdomgu nuu loowo tovuro puuto tovi kuumjungovlaiyajo tovi'aro loowo su tovuro sumdo tovi a'mwo me'no abollungiko pwolbusuko kwimo'nyajonyugono. Su tov aro tovino'mokwono. Nuu Gooti toolluro sumdo tovi aiyo wimo'nyo'moneyokwe toonyu loowo su tovi a'mwo me'no abollungiko pwolbusuko kwimo'nyajonyugono.

Galesiya 3:10

Neya duu'nyulo. A'mwo abolo pun aro kuudo yau'dupudogano. Oo nevu Moosesolluro loowo tovi kuumjuna'ji tomgu'aro Gooti toolluro sumdo tovi sugudo imo'nanonoldeyo. Yiuwi'nokai su toro kuudo yau'dupudo ton Gooti toolluro jul'nyogalo tovi dolago tomuu mwalodupudogano. Neya duu'nyulo. Gooti toolluro yogalo sakwollungiko puruv aro dodowodokwono. “A'mwo pwol Moosesolluro loowokwe buukiyo tonyuda'ai yiuwi'nokai yogalo judo'no judo'no sakwollungiko su tonyu ku'nono muumjuno'ji tov Gooti tool a'mwo su toollu kaiyako nyugolonekono.” Sakwollungikokwono.