Muuduko 43:19 - Gooti Toolluro Yogalokwono

¹⁹ Toro yajunyuno sumaveyokwe anoullo toru'no ila'mno Joosepolluro agwapto toruda'ai womdo tovi mollomwalokwe toollu aro kuudoporogano.

Muuduko 43:19 Խաչաձեւ Հղումներ

Muuduko 15:2

Toro kuudoka kuvi kuruv Eburamol aro kuudokaikono. “Mi Aguto Yaweloo, nuu kwolaiyomaiyekwonyugono. Toro tekwonyu abolmi toga wagwolago Damaskosda'ai a'mwo Eliyeserol moro aiko toru'no marowo'ji moro yiuwi'nokai tonyu maronekono. Toro tovino tov guu adadomgu'aro nyubinekwonyudeyo?” Kuudokaikono.

Muuduko 42:20

Toro mokavlavopi toga lukomgu kemi tellugwai'yago wuullako toollu miyomno neya domokabilo. Toro supi tov kuudo yaikuu'monyugono. Oo nebalo anyudoporodeyo. Kuudo yaikuuro'mi maromiyaikubwemonyugono.” Kuudokaikono. Joosepol toro kuudoka todoroto wuu'no'mno kuvinono uumjunyo'mo kwinoporogano.

Muuduko 43:16

Toro woloda'mdopure toga Joosepol gami gadai'yago toorogai kwolabopo Bejamenollu wono'no gami ago tovi mido mollomwalodowodo toollu aro kuudokaikono. “Guu a'mwo akarai momworaro'bi moro ago tovino domollubworomokwono. Toro tooro kuujunapto toga nuuge nomwalano'moneyokwe guu memeyorodeyo pwollu romiyo'bi dodovailono.” Kuudokaikono.

Muuduko 43:18

Joosepolluro ago tovino toro mollubworomokwoduke toga Joosepollu gadai'yago tooro luko yo'mno aro sajunoporogano. “Awi, sumdomguda'ai nuugwiyo ton nemoro kuto tonyu aki aiko te muna'duke kwonowo tonyuno tov dobaneki'mo'maiyo. Toro toonollu galonekumworaropi ki'nato womdo wiyo'mo meronekubwepino'mo tooro ago akavi donekumokaulmwolavo. Aki nemoro doonki kworogai'aro kemiyo'mo mapinorodeyo.” Sajunoporogano.

Muuduko 43:20

“Nemi agutoloo, aiyoga muudu'nodo toga nevu wosamujuko pun mubiyo'mo toonol akawai'no me'no kwolabowonogano.

Muuduko 44:1

Toruda'ai wosamujuko me'no nopino sumaveyokwe Joosepol gamoro ago tovida'ai womdo tonyu a'mwo mollomwalokwe toollu aro kuudokaikono. “Wosamujuko ton a'mwo tooravuro kuto tonyu momullubweyo'bi kemi yowa'no mokavlapino toru'aro domomullubweyono. Aki kemi nuugwiyo abimapo ton kemi go'no go'no ku'mujumollo tonyu aiko te domullubweyono.

Matyuu 20:8

Sula'dugumdo toga kwako tovi jukwo tool gami wain ikulsul womdo tovi mido mollomwalokwe toollu doma'no sumaiyokwe aro kuudokaikono. “Guu yiuwi'nokai womdokwe toorai domaro'bi kemi womdo sumapo tovino nuugwiyo tov duubiyono. Nuugwiyo uubiyo'mo tooku aro neya ibinekugono. A'mwo lukomguda'ai abumapo toorai sumdomgu domaro'bi kemi nuugwiyo tov neya uubibinekugono. Wino wino yo'bi aiyowo'mo tov a'mwo sumdomguda'ai abumapo toorai uubibinekugono.” Kuudokaikono.

Luuk 16:1

Aki Jisasol gami uumjunyokwe toorai yovekurajo puruv aro kuudokaikono. “A'mwo nuugwiyo bwotonyokwe pwol amwallajukekono. Toro tool gamoro kuto ivito tonyu mollomwallo'moneyokwe womdo tov a'mwo pwolluro ato tovi kuubweyokaikono. Toro te a'mwo pworo a'mwo nuugwiyo bwotonyokwe toollomno bino sumaveyokwe gamoro a'mwo kuto ivito mollomwalokwe toolluno aro abuudoporogano. “Gumoro kuto ivito tonyu mollomwallo'moneyokwe a'mwo ajesodo su tool gumoro kuto ivito pun yasuwa'no dukwopiyodowodekono.”