Muuduko 25:31 - Gooti Toolluro Yogalokwono

³¹ Isoo'wol toro kuudoganoka tovi Jekoopol aro kuudokaikono. “Moro wosamujuko akan yasuwa'no magujamonyugono. Toro kuvi kuruv guu yodolovomallo'moneyokwe aro anyudubi tov nokwo gujamonyugono. “Nuu kwolaiyo muudu'nodo toonyu nallunumiyago toolluro aiko toru mallo'moneyokwe tov gumi agujamono.” Toro anyudubi tov moro wosamujuko akan nokwo gujamonyugono.” Jekoopol toro kuudokaikono.

Muuduko 25:31 Խաչաձեւ Հղումներ

Muuduko 25:30

Toro buuru'ma'no sumaiyokwe Jekoopollu aro kuudoganokaikono. “Nuu mujuko'mo kuruwi yamju sadokwono. Toro te gumoro wosamujuko buuleljo su ton nuu nonyo'moneyokwe pun donyabono.” Kuudoganokaikono. Isoo'wol su toro soka toolluno yovo puruv Idoomolo sowaropekono.

Muuduko 25:32

Toro kuudoka tovi Isoo'wol kuudokaikono. “Nuu mujuko'mo nobollo'mo sadokwono. Mi nyunumiyago toolluro aiko toru mallo'moneyokwe tov ku'nono manyo'mwojononyugono.” Kuudokaikono.

Muuduko 27:36

Toruda'ai Isoo'wol aro kuudokaikono. “Jekoopolluro yovo tovino kavlo tov, youkuu'nuujoleyo'mokwono. Toro tool mi youkuu'nanyudoduke tov pugasal sumo'numaiyo. Muudu'nodo tov nami nallunumiyago tookujuro aiko toru nuu amaro'mujuko tovi me'no amarokaikono. Aki aga kuga kuruv sugudo tov mi adanubweyo'bujuko tovi me'no ama'mokaikono. Toro toolluno tov Jekoopolo yovo tov kuvi kuuno sowaropekono.” Toro wuujuno sumaiyokwe aki aro samuugojokaikono. “Mi sugudo nubweyo'mo puruv dukwoso?” Samuugojokaikono.

Muuduko 32:28

Toro kuudoka tovi kuudokaikono. “Gumino Jekoopolo gudodupudo kweku kuruv aga'no'gwowi toro magudumwalpinekugono. Guu Gooti tooke'aro a'mwo pworogai'aro toorogai jumapollunyo yodum kuuwolo'mado tovino tov gumino yovo muuduko tov Isuraiyololo soguuwa'mono.” Kuudokaikono.

Hibruu 12:16

Aki kemida'ai pwolnodo kwol kuruv kwonyalo pasudorodeyo oo Gooti toolluda'ai mabodupudo pasudo toorai mamolludo'movlapiyo. Pasudo su toorai amolludo'movlaiyajuko Isoo'wolbusuko nyumo'numwalpiyo. Aiyoga Isoo'wol wosamujuko yiuno puru'monodo toga nonyo'moneyokwe tekwogai gami ganumiyago toolluro kuto ivito yiuwi'nokai lukomgu nomarono ton gami gagwai'yago Jekoopollu sodolovomarokaikono.