Muuduko 25:20 - Gooti Toolluro Yogalokwono

²⁰ Aisakol 40-pela kworomokwe tool Rebekavi amarokaikono. Rebekav Betuuwelolluro taiyokwono. Aki Lebanollu jo'mwokwono. A'mwo su tooral Arameyoda'aiyorakono. Aram toru Mesoopootemiya tomuu wo'dowodorukono.

Muuduko 25:20 Խաչաձեւ Հղումներ

Muuduko 22:23

A'mwo Betuuwelol su tool Rebekavi ganumiyagekono. Toro te Nahoorolluro abolo Milkav 8-pela muugunyo su toorai toro somarokakwono. Aki Nahoorol Eburaiyamollu gagwai'yagekono.

Muuduko 24:15

Toro tool subusu'nyogalo kuuno doduke toga Rebekav gami wonyubiyo bootool tov ikwovomworaro'no alokabokakwono. Sujuraiyo su tov Nahooreke Milkakwe teyaulluro muugunyo Betuuwelluro sujuraiyokwono. Nahoorol Eburaiyamolluro gagwai'yagekono.

Muuduko 24:29

Rebekav aro tovino kuudokakwono. Oo a'mwo pwol mi kuuguudo me'no anyudumokaikono. Kuuguudo su tovi wuudoduke toga gami jo'mwo Lebanol kuu'nokaikono. Aki a'mwo womdokwe toolluro gool mabidoga aullungiko tollugwogu'aro gool a'muunado sakwollungiko tovake'aro kwiyoka tonyu kwonokaikono. Toro wonyuno sumaiyokwe a'mwo womdokwe toollomno wonyo buugo alsovomwollosungiko toru'no yere alokabokaikono. Toro lokabino sumaiyokwe a'mwo womdokwe tool gami sa'ai kemel toorogai wonyo buugo alsovomwollosungiko tovi wobo toru da'mduke kwonokaikono.

Muuduko 24:67

Toro te Aisakol Rebekavi gamiyo'mo abolo amarokaikono. Toro ma'no sumaiyokwe Aisakol gami ganeyago Saravuro sel ago amwallajuko tovi gami abolo tokwe mokaula'no amwaloleyaukono. Toro te Aisakol gami ganeyago me'no aboloka tovino kalo'mo sajukekono. Toro kwol kuruv abolo tovi maro'no kalo buuropino amolloka toga'no'gwowi gamoro kalo tov dugoga kwirovokaikono.

Muuduko 25:26

Aki toruda'ai lukomgu gagwai'yago tool gami gadai'yago Isoo'wolluro suul wuuduwago tovi ato gudupola'duke toga somarokaikono. Suul wuuduwago tovi ato agudopolaroka tovino tov Jekoopolo sowaropekono. Aisakol 60 kworomokwe tool mwaloduke toga Rebekav toro toorallu somarokakwono.

Muuduko 27:43

Toro wuujuno sumaiyokwe aki aro amadokakwono. “Guu moro kwolaiyo tookugono. Toro tooku moro yogalo agudumi akavi neya duumjunono. Moro nyo'mwo Lebanol wagwolago Haran amwalluko toollomno lukado yere dovlavono.

Muuduko 28:2

Toro kweku kuruv Mesoopootemiya'no plavo'bi gumi juneyago tovi ganumiyago Betuuwelolluro ago towai'no pla'binekugono. Toro towai ai'mo'bi toga gumi jai'yago Lebanolluro taiyo puruvi nokwo ma'binekugono.

Muuduko 28:7

Toro kuudoka tov mi nyugwai'yago Jekoopol gami ganum kwolabolo teyaullu kaduko wiyo'no Mesoopootemiya'no me'no avlavoka tooldeyo. Kuudo saurokaikono.

Muuduko 35:26

Aki Jekoopolluro abolo puruv Sulpavokwono. Toro tov Liyavi womdo kwiyajukokwono. Toro tovuro kwolaiyo somaroka tooraino yovo tov Gateke Asereke todorallu somarokakwono. Yiuwi'nokai kwolaiyo su tooro Jekoopol Mesoopootemiya mwalo'no toga sawosunokarogano.

Luuk 4:27

Aki proofet pwolluno yovo tov Elisalekono. Toro tool amwallajuko su toga Isuraiyolda'ai a'mwo wonawiyo nobollokwe bwotonyago tekwojo amwallajuporogano. Yiuwi'nokai su tekwojai Elisal mikullajukekono. Toro kuvi kuruv yiuno kantri Siriyada'ai a'mwo wonawiyo nobollokwe pwekwojuno'gwowi sukulokaikono. Siriyada'ai a'mwo su tekwojuno yovo tov Namanolekono.” Jisasol toro kuudokaikono.