Kuuguudo Sugudo akav Makolluro sakwollokakwono Mak 16:17 - Gooti Toolluro Yogalokwono17 Toro kuvi kuruv a'mwo kuudo anubwepi su tooro Gooti toolluro jurogudo kwiyo'ji tokwe duuwallo pun nokwo ipinorogano. Toro tooro mino yovo tovida'ai kuullo ma'no ma'nodo toorai nokwo modovomjapipinorogano. Aki yogaljo muuduko punyu nokwo dupinorogano. Տես գլուխը |
Kuuguudo Sugudo akav Makolluro sakwollokakwono Mak 16:17
17 Խաչաձեւ Հղումներ
Toruda'ai Jisasolluro 72-pela uumjunyokwe amorapiyoka tooro aikomgu aboporogano. Toro bino sumaveyokwe kemi poowokalago togai ilaiyo bwotonyo ibwosuno'mno Jisasollu aro kuudoporogano. “Agutoloo, nevu gumoro yovo tovida'ai kuuguudo moruudomollodowore toga kuullo ma'no ma'nodo kworo kuruv nemoro yogalo tovi dolago tomuu amwallajuporogano.” Kuudoporogano.
Nuu nebal'no kuunodo aro ikudumo'mokwono. A'mwo pwol mino kuudo anubweyo'ji su tool moro duuwallo jurogudo yodumdo ton aval'no nomomjumovla'mwalonekono. Aki a'mwo mino kuudo anubweyo'ji su toolluro duuwallo jurogudo pun moro yodumdo akanyu nuuwolopinogano. Nuu mi Nyunumiyago toollomno sulami tovino tov su toro nokwo momjumovla'mwalonekono.
Sujuraiyo su tov iruko bwotonyago tobuullu tono tono adanekumjunyajukokwono. Toro te iruko pullugwoji aki aiko te toro danekumjunoduke toga Poolol biyolo kuu'mwojokaikono. Toro tool sujuraiyo su tovi gunyubwosumdo molloonyuno sumaiyokwe kuullo ma'no ma'nodo kuulomwalodowodo toollu aro kuudokaikono. “Nuu Jisas Kraisolluno yovo jurogudokwe tovida'ai aro agudumono, Sujuraiyo su tovi buugollu'mokalokwono.” Poolol toro wuujuno sumaiyokwe kuga'gwo kuuno kuullo ma'no ma'nodo tool sujuraiyo tovi abuugollu'mokalokwokaikono.
Toro uuvollunyuno sumaveyokwe Poolol gamoro ato tokwe a'mwo su tooravuro mido tovi uubogai'noduke toga Gooti toolluro Kuullo tool wolabo'no a'mwo su tooravuro poowokalago tonyu auluumwalokaikono. Toro auluumwaloka toga a'mwo pwolno pwolnodo su tooro yogaljo judo'no judo'nodo tonyuda'ai kuuguudo sajunoporogano. Aki toro tooro Gooti toolluro kuuguudo tokwe kuu'maiyo toru'no amoruudomolloporogano.
Toruda'ai Gooti tool Jisasollu moduka'mno sumaiyokwe muunyu kai'muuno amokailokaikono. Toro mokailno sumaiyokwe Gooti tool noonyumwonyu pworai muunyu toru'aro uuwoleyo'moneyokwe Jisasollu gamoro anato toru amorumwallokaikono. Toro mwalodowodo toollu gami Ganumiyago tool gamoro subuu'yamju me'no soka kuvinono Kuullo tool kwiyokaikono. Toro wiyoduke tovi Jisasol ma'dowo aga toga nemi anekubweyadopiyo. Toro nekubweyoduke tovida'ai a'mwo abolo su tobuuravuro go'no go'no yogaljo adadokwopo tov kuvi kuunogano. Toro dodopure tonyu muugona'dupu kuu'numwakopo tov kuvigono.
Aki kwolallo bwotonyago pun wagwolago Jeruusalem tovi kwa'mguda'ai ajumiyo go'no go'nodo tomuu mwalodupudo ton bodupu a'mwo kuurotokwe toorai abuuru'mallajupogano. Toro ton kemi nobollokwe togai'aro kuullo ma'no ma'nodo tooro kuulomwalodupudo toorogai'aro tobuurai amokabiyajupogano. Yiuwi'nokai toro mokabodopure tobuurai a'mwo kuurotokwe tooro sukullajuporogano.
Su tov aro tovinokwono. Filipol a'mwo abolo tobuuravuro kuullo ma'no ma'nodo kuulomwalodupudo toorai, Buugollu'mokalokwilo, wuudoduke toga kuullo ma'no ma'nodo su tooro deko bwotonyo dodupu a'mwo abolo bwotonyago tobuuraida'ai abuugollu'mokalokwiyajuporogano. Aki a'mwo abolo suvlato abolopingikokwe togai'aro suvlo nomuullugollokwe togai'aro bwotonyago tonyu Filipol sukullajukekono.
Aki Kuullo su tool a'mwo pwollu duuwallo jurogudo ton wuuduuwallumwalono'moneyokwe womdo tov wiyodowodekono. Aki puruv, a'mwo pwollu Gooti toolluro proofet yogalo moruujo'moneyokwe womdo tov wiyodowodekono. Aki puruv, a'mwo pwollu Gooti toolluro Kuullo toolluda'aiyo'mdukoneyokwe tovino pi'mwono jagillo'moneyokwe womdo tov wiyodowodekono. Aki puruv, a'mwo pwollu yogaljo judo'no judo'nodo tonyuda'ai kuuguudo moruujo'moneyokwe womdo tov wiyodowodekono. Aki puruv, yogaljo judo'nodo su tonyuda'ai moruudodopure tovino kavlo ton mollovodo'mwojajo'moneyokwe womdo tov a'mwo pwollu wiyodowodekono.
Toro te Gooti tool gamoro mollu'bwoto tonyu aro ajesokaikono. Muudu'nodo tooro kuurotokwe toorogano. Su toorai iwapi tooro proofet toorogano. Aki lukomguda'ai tooro ibwasokwe toorogano. Aki toruda'ai Gooti tool gamoro mollu'bwoto tonyu yasuwa'wino pun kwiyokaikono. Pworo duuwallo jurogudokwe toorogai'aro nobollo tonyu ikullokwe toorogai'aro a'mwo abolo pubuurai wiyo'mwojokwe toorogai'aro mido mollomwalokwe toorogai'aro a'mwo abolo gabovo tonyuro yogaljo tonyu moruudodupudo toorogai'aro yiuwi'nokai su toorai Gooti tool yasuwa'wino kwiyokaikono.
Aki Gooti toolluro yasuwa'wino tovida'ai yiuwi'nokai tooro nobollo tovi ikullo'moneyokwe mimo'nodupudorogano. Aki yiuwi'nokai tooro a'mwo abolo gabovo tonyuro yogaljo tonyu jo'moneyokwe mimo'nodupudorogano. Aki yogaljo su tovi kuu'maiyo toru'no mollovodo'mwojajo'moneyokwe yiuwi'nokai tooro mimo'nodupudorogano.
Kalo buuropino winyo'moneyokwe pasudo tov aguto kuunodokwono. Toro te nuvu a'mwo abolo pubuuraino kalo buuropino manyuno'ji tov ilaiyo mimonyugono. Toro toonyu a'mwo abolo gabovo tonyuro yogaljo togai'aro ensel tooravuro yogaljo togai'aro tonyuda'ai amoruudumi kuruv yiuno kwako akavida'ai beloowo'mdeyo oo gullugu gulluguto ki'nodowodo to'busuko deko yasuwa'no to'no dumonyugono.
Su tov aro tovinokwono. A'mwo pwol Gooti toollu yogaljo gabovo tovida'ai subusu'nyogalo kuudo'ji tov a'mwo abolo ton ku'nono muu'nodupudokwono. Toro kuvi kuruv yiuno Gooti toolluno'gwowi wuudodowodekono. Aki toro tool Gooti toolluro Kuullo tool jurogudo uubweyodowo'jure tokwe yiulo yogalo to'no wuudodowodekono. Yiulo yogalo su tovino kavlo tov a'mwo abolo ton kuudo ku'nono miyouroma'dupudogano. A'mwo gabovo yogaljo dodupudo tooraino su torokwono.
Գովազդներ