Mollurolovomato 16:20 - Gooti Toolluro Yogalokwono

²⁰ Toro kuudoka kuvi kuruv a'mwo abolo pun Moosesollu muu'nyubusuko yo'mno bret pun lomwo toga nyo'moneyokwe kwosopogano. Toro kwosopo ton lomwo aikomguda'ai toga buullujudo kuuno'no avlukuumwiyo sumo'nopogano. Toro te Moosesol a'mwo abolo muu'nyubusuko kwiyopo su tonyuno surodo kuunokaikono.

Mollurolovomato 16:20 Խաչաձեւ Հղումներ

Mollurolovomato 16:19

Toro tonyu Moosesol aro kuudokaikono. “Kevu bret su tov lomwo aikomguda'ai tollugwoji nyo'moneyokwe pun mwosupinono.” Kuudokaikono.

Mollurolovomato 16:21

Toro ino sumaiyokwe yiuwi'nokai lomwo toga a'mwo abolo ton kemi nokwo nonyo'mo toru'aro amollu'bworosajupogano. Toro kuvi kuruv bret pun kwako tovi kuuno wo'dopure tonyu kuujo guureji wuudoduke toga wonyo to'busuko aduuwiyopiyajupogano.

Mollurolovomato 16:24

Toro te Isuraiyolda'ai ton Moosesolluro kuudoka tovi kaduko wiyo'mno wosamujuko pun lomwo toga nonyo'moneyokwe kwosopogano. Toro kwosopo ton buullujudo mauno'mno avlukuumwiyo mimo'nopogano.

Matyuu 6:19

Aki Jisasol aro kuudokaikono. “Kevu kuto ivito nuugwiyo bwotonyo tokwe biyoma'dupudo tousai kwako akavi nomollu'bworosumwalpiyo. Yiuwi'nokai kwako akavi wo'dupudo su tonyu kaiyako mollugolamo'mdupudogano. Namdo tooro youro tonyu modokuuronopiyopi aki yiuwi'nokai noonyumwonyu aiyon tokwe sakwollungiko tonyu sallukwako tov kaiyako mollugolamo'mdowodorogano. Aki kuuko tooro pwo'dolomokaulapi yiuwi'nokai kwako akavida'ai wo'dupudo su tonyu kuuko kuuloma'dupudorogano.

Kuuguudo Sugudo akav Makolluro sakwollokakwono Mak 10:14

Toro wuudodopure toga Jisasol gamoro uumjunyokwe toorai wono'no surodo'mo sokaikono. Toro toorai kuudokaikono. “Kwolaiyo taiyo numiyomno bodopure tonyu kevu uumjukuto mipinono. Nokwo wonyapino julo. Su tov aro tovino'mokwono. Aguto kig Gooti toolluro mido mollomwalodowodo tovi dolago tomuu kuulomwallo'mo tov a'mwo abolo ton yiuno kwoloraiyo akanbusuko sumo'nupi tono nokwo kuulomwalpinogano.

Kuuguudo Sugudo akav Makolluro sakwollokakwono Mak 3:5

Jisasol wonomollo'no toro tooraino surodo kwinokaikono. Kemoro poowokalago tov lumdo kuulopiyodopure tooraino kalo kwinokaikono. Toro tool ato amuullugolopingikokwe toollu aro kuudokaikono. “Gumi ato tov doruuguusapiyono.” Toro ruuguusapino sumaiyokwe gamoro ato tov yiuno sugudo to'no sumo'nokakwono.

Luuk 12:15

Jisasol toro wuujuno sumaiyokwe aki aro kuudokaikono. “Kevu yiuwi'nokai noonyumwonyu kwanyu kuudo tonyuno wako neya dou'nogaulo. Su tov aro tovinokwono. A'mwo pwol kuto ivito bwotonyagokwe sumo'no'ji kwol kuruv gamoro kuto ivito su tonyuda'ai aiyo mwallo'mo jurogudo to'gwowi ku'nono mamaronekono.”

Luuk 12:33

Toro te kevu a'mwo abolo apoo'nyaiyo supto yodopure pubuurai wiyo'mwojo'moneyokwe tov kevnokwe togaikulluro kuto ivito ton maket wosopi nuugwiyo amapi su tov apoo'nyaiyo supto yodopure su tobuurai neya duuwiyo'mwojogaulo. Kevu su toro supi togaikul muunyu kai'muuda'ai nuugwipweyo tonbusuko ton nomapinogaikikono. Su ton kaiyako yiunokuudo mi'nopiyo'moneyokweyogano. Aki Gooti toolluro ago muunyu kai'muuda'ai sugumaluko touso nomollu'bworosumwalpinogaikikono. Su toro amollu'bworosupi tousono'gwowi piyarupto mwolabupinogano. Gooti toolluro ago muunyu kai'muuda'ai sugumaluko su tousai kuuko pwolnodo kwol kuruv ku'nono maulowo'dolomaronekono. Aki toro tousai namdo kworo kuruv kaiyako mamollugolamopinogano.

Efesos 4:26

Aki kevu surodo supi tov ma'no ma'no nyumwalpiyo. Kemoro surodo supi su tov ma'no ma'no yo'moneyokwe pasudo tov manyu tomuu nomollubworekumokavlawo'jo. Aki surodo supi su tov dugumdo tov yere maimwonyopiyodowo'jure toga kemoro sumwoluko ton dugoga yere neya domodovomokwolabogaulo.

Hibruu 13:5

Kevu nuugwiyo bwotonyo ki'nomallo'mo tovino nekullunumwalpiyo. Aki, Oo nuu noonyumwonyu kuto ivito pugai'aro neya ama'mo, kuudo nyau'mwalpiyo. Toro kuvi kuruv kemi kuto ivito me'no mwora'dupudo su tonyuno, Oo su ton nokwo'modeyo, kuudo to'no neya jaurogaulo. Su toro tovino Gooti tool aro adokaikono. “Nuu gumi magugollu'mo'monyugono. Aki gumi miyogwapimonyugono.” Adokaikono.