Mollurolovomato 15:20 - Gooti Toolluro Yogalokwono

²⁰ Toruda'ai Eroonollu jo'mwo Miriyamov proofet abolo purukwono. Toro tov gami taborin tov malluno sumaiyokwe kworomo sokakwono. Toro yoduke toga yiuwi'nokai abolo kun kuruv Miriyamovi uumjuno'mno kemi lawiyo ton malluno sumaveyokwe kworomo sopogano.

Mollurolovomato 15:20 Խաչաձեւ Հղումներ

Mollurolovomato 2:4

Toro kuulopuurosuno sumaiyokwe kwolaiyo toollu jo'mwo tov adado wimo'nonoldukoneyokwe manyu toruda'ai amuugonodaiyajukokwono.

Jagillo 20:1

To'no'gwowi lobako naba 1 toollu Isuraiyolda'ai yiuwi'nokai a'mwo abolo ton kwako a'mwomaiyo kuu'maiyo Sen tomuuno plavo'mno Kades towai amwalopogano. Toro towai kuuno mwalodopure toga Mooseseke Erooneke todorallu kwiyo'mwo Miriyamov abolokakwono. Toro aboloka tovi kwako su toru amolsosopokwono.

Luuk 2:36

Aki su toro toga Fonyuuwelluro taiyo puruv proofet abolo sumo'nyajuko tovino yovo tov Anavokwono. Abolo su tov Aser yovodolobunyo tovida'ai abokakwono. Toro tov sumdomgu sujuraiyo mwalo'no toga kwolo pwollu uuma'nyuno sumaiyokwe gami kwolo tooke 7-pela kworomo tobuul amwalokakwono. Toro me'no mwalno sumaleyokwe toga gami kwolo su tool abolokaikono.

Kuurotokwe 21:9

Aki toro tool sujuraiyo aval aval kwolo yere muuma'nodupudo punodotai kuunumiyagekono. Sujuraiyo su tonodoto Gooti toolluro proofet wimo'nodupu gamoro yogalo tokwe moruudodupudogano.

1 Koorin 11:5

Aki abolo puruv gami mido tovi laplap tokwe mabu'duvolosowo'ji proofet yogalo'mdeyo oo subusu'nyogalo'mdeyo ado'ji su tov aro tovino wuuduuwallonokwono. “Nuvu mi kwolo toollu dolago tomuu mamwakono.” Abolo puruv su toro so'ji tov gami mido toollu wogulo iwo'galonokwono. Su tov aro to'busukokwono. Abolo puruv wogulo iwo'gallo'moneyokwe gami yiuwi'nokai midoto ton me'no adovomogulopingiko to'busuko imo'nonokwono.

1 Koorin 14:34

kev kugaikul kuruv aval'nodo tomgu'aro neya ju'bwo'nogaulo. Kevu su toro su'bwo'nupi toga kemoro abolo ton yogalo nodumwalpiyo. Toro kun kuruv a'mwo toorai dolago tomuu neya amwalogapuro. Aiyoga abolo ton kemi kwolo toorai dolago tomuu neya amwalogapureyokwe tovino Moosesolluro loowo puruv sakwollungikokwono. Su toro to'busuko kubalno aga kuga kuruv abolo ton kemi kwolo toorai dolago tomuu neya amwalogapuro.