Matyuu 4:2 - Gooti Toolluro Yogalokwono

² Toro mollubworomokavla'mno sumaiyokwe Jisasol kwako a'mwomaiyo kuu'maiyo tomuu 40-pela iruko tobuuke'aro 40-pela surakuuto tobuuke'aro tobuullu wosamujuko puru'monodo kuruv manokaikono. Iruko su tobuul me'no abawoka toga mujuko bwotonyo kwinokaikono.

Matyuu 4:2 Խաչաձեւ Հղումներ

Mollurolovomato 24:18

Toro adomaroka tovi Moosesol muumuudo toollu ilno sumaiyokwe sulu'wo tovi akuuto tomuu aulopuuropiyokaikono. Toro tool muumuudo toollu mwalno sumaiyokwe iruko 40-pela tobuuke'aro surakuuto 40-pela tobuuke'aro tobuul kuuwolo'nokaikono.

Matyuu 21:18

Aikomguda'ai lomwo iru'mago toga Jisasol wagwolago Jeruusalem'no aki aiko te avlavokaikono. Toro plaino sumaiyokwe puuto tomuu mujuko kwinokaikono.

Matyuu 25:35

Su toro tonyu kevu mapino tov aro tovinokwono. Nuvu mujuko yodore toga kevu wosamujuko anyabiyajupogaikikono. Aki nuvu kuuleyaluko nyunoduke toga kevu wonyo anyabiyajupogaikikono. Aki nuvu bomwallo imo'nodore toga kemoro ago tonyu kuulomwallo'moneyokwe ilaiyo amollonumallajupogaikikono.

Matyuu 25:42

Nuu mujuko bolodore toonyu kevu wosamujuko manyabiyajupogaikikono. Aki kuuleyaluko nyunoduke toonyu wonyo manyabiyajupogaikikono.

Kuuguudo Sugudo akav Makolluro sakwollokakwono Mak 11:12

Betani toru ki'mo'mno sumaveyokwe iruko aikomguda'ai tollugwoji wagwolago su toruda'ai bolokwino sumaveyokwe puuto tovi plavo'mno Jisasol mujuko kwinokaikono.

Luuk 4:2

Toro te kwako a'mwomaiyo su tomuu mwaloduke toollu Satanyol iruko 40-pela tobuullu bodowo yamju abuuwiyoganyajukekono. Yiuwi'nokai iruko su tobuullu Jisasol wosamujuko pun manyajukekono. Toro tool iruko su tobuullu me'no uuwolo'nyuno sumaiyokwe toga mujuko bwotonyo kwinokaikono.

Joon 4:6

Aki Jekoopolluro wonyo buugo alsovomwollosungiko tov wagwolago su tovi wo'dowodokwono. Toro te Jisasol plaino sumaiyokwe wagwolago su tovi ai'movokaikono. Toro ki'mo'mno sumaiyokwe puu'kumi'yago avlaiyajuko tovino tov burawo wino'no wonyo buugo alsovomwollosungiko tovi wobo toru abomwalokaikono. Su toro abomwaloka tov kuujunapto togakono.